
【Blogger分享】5款BB護膚品大檢閱!邊隻最啱你嘅小朋友用?
大家好,我係蚊咪呀!為咗 keep 住蚊仔嘅皮皮膚保持水水潤同光滑滑,喺佢未出世嘅時候,我已經買定左幾隻唔同牌子嘅潤膚膏。今日就等我同大家分享一下我用過嘅 BB 潤膚膏嘅用後感同埋媽媽谷推介嘅產品啦!
Aveeno Baby Soothing Relief Moisture Cream
相信大家對 Aveeno 呢隻澳洲品牌一啲都唔陌生,佢係我第一次用係蚊蚊身上嘅潤膚膏,佢成份係用燕麥配方去。滋潤BB皮皮膚,質地有少少半透明,好易吸收,但質地有啲難推開,比較適合冬天使用。
Chicco Baby Lotion
朋友送左一套連埋沖涼液比蚊仔,啱啱開始用,覺得好好,質地好滑,好易推開同好快吸收,而家夏天用一d都唔立,少少都已經夠搽,而且有bb爽身粉香味,又夠大大支,而家成為我的最愛!
California Baby 金盞花潤膚霜
啱啱生完蚊仔之後,好多媽媽谷都會推介呢隻潤膚霜比大家,因為好多時初生BB塊面都會生粒粒或者會有啲紅疹,搽咗加州寶寶呢隻潤膚霜之後,就可以舒緩濕疹同紅疹,真係急救之選,所以我都買左一盒以備不時之需!
California Baby Everyday Lotion
其實呢支係乳液同加州寶寶金盞花潤膚霜功效一樣,只係質地唔同,呢個就會比較吸收啲,所以有一支就OK 啦~兩支都通過防敏測試,咁比BB用嘅時候就安心好多啦~
Hug Baby Aloe 100 Smoothing Gel
最後我想介紹一下呢支蘆薈凝膠,佢亦係最近媽媽谷熱烈推薦嘅產品。夏天多蚊,bb比蚊咬完就可以搽佢啦~因為佢可以舒緩痕癢,消退紅腫,有汗疹同口水疹都好有效嫁!孕媽媽都用用得,去戶外活動帶定支傍身就啱哂啦!
總結:以上呢幾支係我試用過同埋有其他媽媽推薦嘅產品,大家要記得keep住呵護BB柔嫩嘅肌膚,揀一支啱嘅護膚品比BB同埋努力做好保濕啦!
一位80後的空中小姐,2019年成為左蚊咪,開始同蚊仔一同展開不一樣的人生!
我會不時同大家分享我同蚊仔的生活點滴及介紹產品用後感
TestingMama Blogger:蚊咪與蚊仔