好多媽媽都會擔心蔬果表皮有細菌同農藥殘留， 成日都諗盡辦法洗到乾乾淨淨先敢比BB食， 網上就有好多教人洗蔬果嘅方法，究竟Work唔Work呢？今次就揀咗醋、梳打粉、鹽、蔬果清潔液同清水嚟比拼下，等Testing mama測試下用乜洗先最乾淨喇！

1. 洗提子測試

提子表皮有一層白色嘅果蠟，當中有機會都有農藥殘留，所以唔少媽咪都想洗走晒D白色野 ，我地宜家就試下用咩方法先洗得走啦！

測試方法：首先準備5盆清水，再分別加入醋、梳打粉、鹽、蔬果清潔液同埋一盆咩都唔加，然後放D提子入去浸2分鐘後逐一搓洗

醋水真係好大陣味好攻鼻， 而且白色D野好似捽唔走咁；梳打粉呢盆聞落就冇咩果味，提子表面都甩咗少少白色； 鹽個盆都仲聞到少少果味，但表面只甩咗少少色；而用蔬果清潔液呢盆就冇晒D白色野， 聞落果味都幾濃；而清水呢就好似冇洗過咁

測試結果：肉眼睇落去就係蔬果清潔液洗得最乾淨，而梳打粉都洗得唔錯！

2. 洗西蘭花測試

平時洗西蘭花都好怕D窿窿罅罅洗得唔乾淨，同埋個面都係有層白色果蠟， 宜家又試下洗唔洗得走先！

測試方法：首先準備5盆清水，再分別加入醋、梳打粉、鹽、蔬果清潔液同埋一盆咩都唔加，然後放西蘭花入去浸2分鐘後逐一搓洗

測試結果：用醋、梳打粉、鹽同清水洗嘅明顯見到白色野仲喺到，而用蔬果清潔液洗嘅真係翠綠得好誇張，我地都睇到O晒咀！

究竟呢枝蔬果清潔液係何方神聖呢？咪就我平時用嚟洗奶樽嘅清潔液囉！ 我見上面寫住可以用嚟洗蔬果，咪攞嚟玩下囉，點知真係可以洗到咁乾淨喎～

不過點解一枝清潔液又可以洗奶樽又可以洗蔬果呢？

testing mama 小教室

Testing Mama幫大家做晒功課嫁啦！原來呢類清潔液係用可以洗蔬果嘅標準去製造，同埋係用食品用洗滌劑做原料， 所以咪可以洗埋蔬果囉！

不過要留意返唔係隻隻洗奶樽液都可以用嚟洗蔬果嫁，要睇返包裝先好用呀～都提提媽媽揀d有通過測試證明安全無毒嘅清潔液就最放心啦

下次再同大家測試其他野啦 ByeBye～