祖迪媽阿女2歲到就開始著褲仔，學自己去廁所。但係細仔歲幾個陣就唔肯乖乖換片，所以就用褲仔代替尿片。褲仔同尿片一樣，都係人夾人，所以我兩個小朋友轉用褲仔個陣都經歷咗一段試用期，有d就髀位太鬆搞到好易漏，有d就箍到小朋友好唔舒服，有d直情吸得慢又回滲得勁，次次都要親身試真係晒唔少時間同錢。祖迪媽身經百戰後，決定幫大家試下唔同牌子褲仔嘅吸水速度、防回滲力、透氣度等等，等媽媽揀個陣心裡都有個譜，起碼唔洗晒咁多錢喇！今次揀咗四款好多人用嘅牌子黎測試下！

測試尿片牌子： Pampers, Moony, Merries, Nepia

測試款式：Pampers, Merries, Nepia：男女通用；Moony：女童夜用

測試尺寸：L碼

＊由於得Moony有分男女學習褲，所以今次測試均模擬女童尿點位置。
＊尿點： 大碼男BB尿點大約離學習褲吸收體前端約10.2cm，女BB就大約離12.5cm

吸水速度

測試方法：以尿點為中心，倒入225毫升熱水睇吸收速度（用熱水係因為要測試埋透氣度！）

Pampers： 用咗18秒就吸晒，有點意外呢～

Moony：用咗26秒到就吸晒！

Merries：用咗25秒到就吸晒！

Nepia： 用咗55秒先吸晒啲水，手都軟…

如果小朋友已經差唔多學識去廁所，唔會咁經常屙落學習褲到，吸收得慢都ok嘅，但有啲小朋友當尿片著，吸收速度就好重要！

防回滲度

Pampers： 滲嘅範圍大但唔多，可以見到張紙到冇咩顏色。

Moony： 只得好少範圍有滲，但顏色比Pampers深。

Merries： 張紙到顏色最深，防回滲最差！

Nepia： 滲嘅範圍大，亦都見到顏色。

透氣度

Pampers： 

Moony：

Merries：

Nepia：

參考腰髀圍

Pampers：腰圍26m（可拉開至48cm）、 髀圍16cm（可拉開至28cm）

Moony：腰圍31cm（可拉開至48cm）、 髀圍14cm（可拉開至28cm）

Merries：腰圍27cm（可拉開至58cm）、 髀圍16cm（可拉開至32cm）

Nepia：腰圍23cm（可拉開至54cm）、 髀圍15cm（可拉開至26cm）

腰位舒適感

祖迪媽親手去試，將褲仔腰位拉開少少，再向上下郁下，睇下會唔會有不適感，發覺Pampers同Merries會拮住皮膚，而Nepia同Moony就比較舒服。

舒適感：MoonyNepiaPampersMerries

參考價錢

Pampers：$92/包(43片），$2.14/片（最平！）

Moony：$90/包(30片），$3/片（最貴！）

Merries：$121/包(44片），$2.75/片

Nepia：$83/包(30片），$2.77/片

推薦度

Pampers：  吸收速度同防回滲度都係最好，但好多媽媽都話會漏。祖迪媽研究過，覺得係因為條褲仔太長，搞到髀位唔貼！

Moony： 整體黎講係最好！不過就最貴囉….

Merries： 估唔到佢防回滲最差，而且腰位會拮肉，不過吸收速度同透氣度幾好！

Nepia： 各方面都麻麻地。