大家好又係我Testingmama！做咗阿媽之後真係冇覺好瞓，搞完一大輪氹阿B瞓，最驚就係⋯⋯爆片，半夜起身都忍唔住摸一摸，一濕咗呢，又要陷入洗衫褲、床單、被袋、床褥嘅無間地獄，諗起人都癲啊！咦⋯不如試下源頭減「爆」，試清楚邊款褲仔瞓過夜都唔漏尿，咪唔使半夜起身換片囉！

今次我就開咗個Post問下網友意見啦～有咩牌子褲仔係最多人用？

大家反應好熱烈呀，Testingmama即刻買嚟最多人討論嘅3個牌子嚟Battle吓！

分別係 Pampers Ichiban 安睡褲、Huggies 鉑金裝 Magic Comfort 學習褲同Merries 學習褲（全部都係XL碼）！

大家留言揀瞓過夜褲仔最Care嘅重點係：吸得多、唔會漏、吸得快同埋舒服！今日就逐一擊破！

一．吸水量測試

BB一晚可能屙幾次Wee Wee，2歲以上嘅話大概每次尿量係70ml左右，我就以70ml為一杯，睇吓佢哋吸到幾多杯先！

咦咦，Merries吸到第4杯就壓到水出嚟啦，Huggies就6杯，而Pampers就吸到8杯水！雖然每個B一晚Wee Wee次數都唔同，但吸得越多就越安心啦～

二・防漏測試

吸到多Wee Wee之餘，防漏都好緊要㗎！你知啦，阿B啲睡姿千奇百趣，度度都有機會漏出嚟！我將褲仔打斜擺，再倒入70ml水，睇睇有冇後漏先！可以睇到Huggies有明顯嘅水柱向後滴，Pampers就Keep住喺小範圍吸收晒，Merries就係整體向下流嘅範圍比較大。

後面Safe！Check埋側邊先！Pampers同Merries就喺片芯位置吸收晒，Good呀！而Huggies就會向側邊流，落「坑」得比較多，但冇真係漏晒出嚟嘅！

提埋大家啦，如果平時用開隻褲仔都冇漏，但突然會漏，就有機會係要換Size啦～

三・吸水速度

話咁快嚟到第三關！當然係要比較吓吸水速度啦，唔夠快一樣會好易漏～70ml水Ready！Go！
嘩！今次呢3隻嘅吸水速度係叮噹馬頭啊，每款都係差一個身位咋！使乜爭，一齊 Win Win Win啦～

四・褲仔設計&舒適度

內涵就試勻晒，注重外表嘅Testingmama一定要睇埋外面啦！

Pampers呢款好似係最新出嘅，有巧虎公仔。

Huggies就有Mickey Mouse

Merries就係佢本身隻兔仔公仔！

摸上手呢，三隻嘅表面同片芯都好滑，橡筋位都唔會勒得唔舒服～

Pampers同Merries都有封口膠貼，而Huggies呢款係冇嘅，包褲仔時要留意返啦～

Size方面，Huggies同Pampers係比較長身高腰啲，而Merries就係短啲闊啲。

側腰位就3款都易撕嘅！

基本資料表 ＆ 總結表

睇完呢條片，相信大家都記得揀瞓過夜褲仔嘅準則係：吸得多、唔會漏、吸得快同埋舒服！滿足晒呢啲條件就可以同阿B安心一覺瞓天光！各位媽媽有咩想我哋測試就留言話我知啦！走先啦，係咁先啦，Bye～

購買情報

Huggies: https://bit.ly/34KgFCT
Pampers: https://bit.ly/3ntfnmh
Merries: https://bit.ly/3fi02jL