Hello大家好，又係我Testingmama！話咁快又轉季喇～班細路又開始乞痴乞痴，下下帶佢地去睇醫生又唔掂，但係唔睇又怕佢地辛苦點算好？平時battle就bat得多喇～今次同大家試新野玩！

咦？！呢隻兔兔係咩嚟架呢？What？！原來係3合1嘅Tooty bunny鼻腔清潔器，簡單啲嚟講即係洗鼻、吸鼻、噴鼻三合一啦！

Step 1 洗鼻

阿B個鼻仔成日比鼻涕漿住，杰tak tak又呻唔到出嚟，有時啲鼻屎仲要硬掘掘，每次整一整都喊哂口… 梗係啦大佬，又驚又痛架嘛！其實只要簡單幾步即刻就嚟「洗吸噴」喇喂！

開機先！「兔兔」雙眼識發光架！

兩樣野就洗到鼻點做到架？首先拎起呢個藍色樽仔，先裝水入去，插去「OUT」嗰邊顧名思義就係噴氣出嚟啦～禁住上面個窿就會噴到水出嚟架喇～不過小朋友咁細個有水噴入鼻都有機會驚架，水流唔算慢但係衝力都ok唔會太大。

丫！不過你話驚阿B郁嚟郁去？佢仲有個制俾你禁，禁著佢就有音樂架喇！兔兔咁得意，真係咩注意力都分散哂啦！

Step 2 吸鼻

T：嘩，阿B你粒鼻屎咁大嘅.. 鼻涕鼻屎軟化哂之後，呢part就好玩喇～吸哂啲污糟野出嚟！換一換個樽～吸口位有得分大B同細B，用嘅時候將條喉轉返去「IN」呢邊… 搞掂！

開始吸鼻屎！嘩嘩嘩！搞咩呀～啲鼻屎鼻涕真係慢慢吸入去架～太犀利喇！

等我試下再大舊先～嘩！都得喎！真係BB有幾大舊鼻屎都冇問題呀！舒服哂！

耳鼻放大器

吸鼻前後可以用耳鼻放大器睇下鼻入面嘅情況，有燈照住方便哂啦～

Step 3 噴鼻

咦？！阿B佢仲有啲痰卡住，咳唔到出嚟噃…

最後呢part真係唔惹少～佢話可以做埋噴霧器真唔真啊？試下先！

將綠色漏斗放入霧化杯，再倒入生理鹽水蓋好～再駁埋個面罩， 一樣插去「OUT」嗰邊，最期待嘅moment終於嚟到喇！嘩！Tooty bunny 噴啲霧化粒子出嚟，係真係有料到架喎！

呢啲霧化粒子可以直達肺泡、支氣管，仲可以稀釋埋呼吸道入面嘅痰添～不過都要留意返，有啲小朋友未必鐘意用面罩cool住架～所以可以用呢款管狀嘅就咁吸，呼～舒服哂～

總結

阿B咁細個唔會自己呻鼻涕同咳痰，真係一病或者轉天氣就辛苦死寶寶了～一部機就可以做哂洗鼻、吸鼻、噴鼻三合一，真係衫生BB未識呻鼻涕已經可以用喇～不過呢隻兔仔組件都幾多，有時驚插錯可能會整壞部機架… 最緊要係要成3600蚊！唔係小數目喎！你地又覺得值唔值呢？而家吸乾淨個鼻豬好返哂就去玩嚕～下次再見，bye-bye！