唔少媽媽都好緊張夏天帶BB出街會曬親，於是就會幫BB查防曬，但此舉真係要三思呀！

美國FDA（姐係美國食品及藥物管理局）既兒科醫師就指出，因為初生BB皮膚仲未成熟（皮膚是人體最大的器官），較薄和敏感，而且皮膚面積與體重比例高過兒童同成人，換句話講，如果呢個時候將一D含化學成份既防曬查係BB皮膚上的話，化學成份被吸收、產生副作用的風險更加係遠遠高過兒童與成人 所以，不少醫師都建議帶六個月以下BB出街，只需穿著質地輕薄、透氣的長袖衣物、帶一頂寬邊太陽帽、帶有防UV效果的雨傘、以及避免在陽光猛烈的時間外出(10:00 am – 3:00 pm) 便可，家長無需急於幫BB查防曬

而六個月以上既小朋友，開始慢慢接觸越來越多戶外活動，呢個時候家長們就要頭痛一下有邊款兒童防曬好用又無毒啦！testingmama 搜羅了市面上一些兒童防曬品牌進行真實試用，包括 Banana Boat、Badger、Baby Ganics、Coppertone、Neutrogena，睇下邊一款真正值得入手！

至於無毒測試，testingmama 推薦大家上 EWG(Environmental Working Group)的官網，EWG是美國一個公益性的環保組織，官網上面有很多品牌的防曬產品安全測試，產品成份安唔安全，一睇就知龍與鳳！EWG對每個有分析研究過的產品及成份都會有一個毒性分數 1-10分，分數越高越毒，分數越低越安全！ 

check 防曬品牌安全度：https://www.ewg.org/2015sunscreen/about-the-sunscreens/

check 化學成份安全度：https://www.ewg.org/skindeep/

1. Banana Boat 香蕉船防曬噴霧

好多地方都好容易買到Banana Boat既防曬乳或是防曬噴霧，如屈記、吉之島等等，今次測試揀左噴嘴裝，覺得幾方便。

噴嘴樽蓋上有 lock & unlock 的標記，非常方便。

防曬系數：SPF 50，PA +++

質地：噴出來的防曬液比較像牛奶一樣較稀、較流質，但噴嘴噴出來的防曬液頗均勻，非常容易推開及查暈全身，查上身後亦唔覺得皮膚乾，冇粘膩感覺、冇反白

防水程度：屬於很防水的防曬，用水沖後依然看到皮膚上的防曬反光

氣味：化學氣味略重，查左約10分鐘後消散。

毒性分數：Banana Boat 呢支兒童防曬有 3 分毒 (最毒10分)，算是中規中矩既安全產品。

價錢：$124 / 175 ml

推薦度：

2. Badger 兒童防曬霜

號稱市面上最安全的防曬乳，達到98%有機成份，非常健康綠色；還有高達 18.75%的非納米 zinc oxide，非納米分子的話更能確保不會被皮膚吸入，夠晒健康！

防曬系數：SPF 30， PA+++ ，長時間戶外暴曬需要每40分鐘補查一次

質地：較濃稠、難推勻，推開後有反白，但冇碎屑，亦不算太黏膩，用後亦無皮膚乾燥感。

防水程度：估唔到天然有機既佢非常防水！

氣味：淡淡清新鮮果香，無化學味道，抵讚！

毒性分數：只有1分毒 (最毒10分)，非常安全，有機成份亦適合敏感皮膚小朋友

價錢：$192 / 87 ml

推薦度：

4. Baby Ganics 防曬潤膚噴霧 

形象好似好綠色好健康，而呢支防曬更聲稱無納米成份，確保不會被皮膚吸入化學物質。

雖然佢係噴嘴裝，但真係唔好俾佢呃到，噴出黎成條水柱一樣集中係一點，所以建議大家都係噴係手掌心再查會好D ..

防曬系數：SPF 50， PA+ ，水上活動的話最少要 80 分鐘補查一次。

質地：屬於水嫩型，非常容易推開及查暈全身；而且冇反白、冇碎屑，標榜潤膚，所以查完皮膚都唔會乾，而質地唔算黏膩。

防水程度：防水效果較差，查完後10分鐘再倒水在手臂上，已經可以見到D白色防曬沖走左

氣味：有少少似杏仁糊既味道，無乜化學味

毒性分數：Baby Ganics 價錢都唔平，而且個形象好似好綠色好健康，但都有3分毒 (最毒10分)

價錢：$159 /177 ml

推薦度：

5. Coppertone water babies 防曬乳

主要成份有成14.5%都係 zinc oxide，防曬系數有 SPF 50，足夠戶外活動使用，而且重點係 zinc oxide 不會被皮膚吸收。

防曬系數：SPF 50

質地：較濃稠，像藥膏的厚身質地，較難推開，推開後會有少少泛白，但未見有碎屑出現，感覺較粘膩，用後有少少乾燥感。

防水程度：用水沖後無咁泛白，但依然防水

氣味：有少少化學氣味，推開後約3-5分鐘才無味。

毒性分數：Coppertone 呢支兒童防曬都有 3 分毒 (最毒10分)，算是中規中矩既安全產品。

價錢：$62 / 59ml

推薦度：

6. Neutrogena wet skin kids 防曬乳

Neutrogena wet skin kids (beach & pool) SPF 45+ 防曬乳多數在萬寧可見，唔少媽咪都俾佢既低敏性配方吸引。

防曬系數：SPF 45，PA +，水上活動要每 80分鐘補查一次

質地：滑溜易推既質地，無反白、無碎屑，查完亦不太粘膩，用後有少少乾燥感。

防水程度：防水較差，佢聲稱water resistant，但實在並不防水。

氣味：淡淡的化學氣味，尚可接受

毒性分數：有成5分毒 (最高10分)，好明顯落左好多化學成份去維持低敏性。

價錢：$96.9 / 88 ml

推薦度：

為左更容易比較同睇清晒所有成份到底有害定無害，testingmama 更加將所有成份都 check 一次，紅色係毒性最高，橙色係中等毒，綠色係最唔毒。黑色係 check 唔到