夏天帶小朋友出去玩最緊要做好防蚊措施，平時都係幫小朋友用蚊怕水、蚊貼個d，不過近排好多媽媽推薦我用呢部電動驅蚊器，話可以帶出街用好方便咁，今日就同大家測試下喇！

特色：驅蚊芯片採用歐洲專利技術，將有效成份鎖於超微細粒子內，只在使用時釋放；含天然成分PMD＋，有效驅趕蚊、蠓、蚤、蟎等昆蟲；不含DEET。

驅蚊芯片主要成分：37.5% w/w 檸檬桉（PMD＋）、12.5% w/w 香茅油

參考價錢：【驅蚊器】$99 【驅蚊芯片24片補充裝】$39.9

購買地點：萬寧

用法

呢部機用法唔複雜，入電之後入2塊驅蚊芯片，壓下個芯片就可以開機用！

優點

經靚叻媽研究過後，歸納出呢部電動驅蚊器嘅幾個優點！

1.成分天然

佢係用美國疾控中心認可嘅天然驅蚊成分PMD＋驅蚊，不含DEET。

2.不需接觸皮膚

因為唔洗直接接觸小朋友嘅皮膚，只需要掛喺袋或者孭喺身到，所以有皮膚過敏嘅小朋友都岩用，唔洗驚敏感！

3.持久

由芯片壓破之後開機計可以有效驅蚊24小時，如果每日只係用7至8個鐘到，用完就閂機嘅話，可以用到3日，再用之前撳多次個芯片就更好～

4.耐用

每次用個陣壓爆驅蚊芯片先會釋出有效成分，就算開咗包裝都唔怕下次用唔返

5.室外室內適用

平時返學或者出去玩個陣就可以掛喺袋到，瞓覺個陣掛喺床邊用都得，就咁放喺台面，行開十幾呎都聞到浸味！