當帶BB出街嘅時候遇到BB扭計，真係頭都痛埋！想佢地可以坐定定真係要一D法寶！我地TESTING MAMA嘅阿G媽就覺得係呢個時候最有效嘅方法就係畀零食BB食，而當中米餅就係佢嘅首選，所以今次就搵左四隻唔同牌子嘅米餅返黎做個大比拼。

溶水大測試

米餅雖然可以比小朋友磨牙仔用，但係一定要易溶，唔係容不易噎親大家嘅心肝寶貝嫁！所以我地將米餅放落暖水到，模擬返米餅係口裡面易唔易溶。

睇完個測試，宜家等我介紹下4款米餅啦～

1. Otoufu Factory Ishikawa 赤ちやんせんべい嬰兒米餅

呢個日本牌子米餅常見於 Citysuper，一包2塊，11包獨立包裝。

成份：米、糖、鹽等

價錢：$20

產地：日本

建議食用年齡：3歲以下

試後感：米餅屬長條形，方便小朋友拎住黎食。至於口感方面，呢隻米餅較實正，但勝在餅入面多氣孔，放入口好快就會溶，唔怕小朋友噎親。

推薦度：

2. Kuriyama Anpanman baby rice crackerべビ一せんべい 栗山米菓嬰兒仙貝米餅

呢款仙貝米餅同樣係獨立包裝，有8包，一包有2塊，佢亦都同 Otoufu 一樣好容易係 Citysuper 見到（唔知點解阿G媽正係識去 citysuper），見到佢包裝係麵包超人，仲要有三款唔同圖案，當然即刻諗都唔諗就買俾阿仔～

成份：米、糖、鹽等

價錢：$19

產地：日本

建議食用年齡：6個月至3歲

試後感：呢隻BB米餅對BB黎講真係太大塊喇，圓形亦都唔係太方便。不過呢隻米餅聞落去好香，但食落去竟然係冇乜味，咁樣絕對啱哂小朋友食，唔洗驚太咸！

推薦度：

3.  WaKODO 赤ちゃん野菜おせんべい 和光堂嬰兒菜米餅

和光堂嘅米餅咁受歡迎，阿G媽話佢緊係唔執輸，嗱嗱聲上網買返盒嚟試。呢隻米餅都係獨立包裝，一盒六包，每包兩塊。

成份：米、糖、野菜粉(南瓜、維蘿蔔、菠菜)、鹽等

價錢：約$18

產地：日本

建議食用年齡：7個月起

試後感：呢款米餅嘅蔬菜味都幾濃，唔適合BB成日食，怕愈食愈重口味嘛～至於口感方面，有少少過硬，小朋友得D牙仔好難咬得開，建議出齊牙嘅BB先好食。測試完發覺佢係暖水到完全唔溶，BB可能會噎親嫁喎，扣分！

推薦度：

4. Pigeon 小魚せんべい 嬰兒高鈣魚米餅

成份：米、糖、鹽等

價錢：約$18

產地：日本

建議食用年齡：6個月起

試後感：呢款米餅嘅魚味相當濃，不過口感就好硬好脆，係口入面都相對難溶。同和光堂米餅一樣，出齊牙先好比BB食啊！

推薦度：