大家好，又係我Testingmama！聽阿媽講「坐月坐得好 一世冇煩惱」！之前就邀請咗陪月講解燉雞汁補身啦，有媽媽就問如果唔請陪月，可以點補身？

皆因補湯唔可以亂煲，入手市面上「產後廿八方」係咪Work呢？今日就揀咗市面上三款同大家研究吓！佢哋分別係位元堂媽媽產後調補廿八方至尊金裝、補益坊產後進補廿八方金裝同樂道月子28+2小滿月基礎版。

呢啲廿八方睇落好似好複雜咁，又大盒又一包包咁，究竟係咩東東？Call我個中醫師解答啦！

Testingmama：「產後廿八方」係咩嚟㗎？對產後媽媽有咩幫助？

饒康怡中醫師：「產後廿八方」係俾產後媽媽坐月進補嘅中藥材包，通常都係一包包，執好哂！中醫理論上都會係建議產婦一定要分階段調理。

Testingmama：我見產後廿八方入面有一樣嘢叫「生化湯」，又係咩嚟呢？

饒康怡中醫師：「生化湯」通常用嚟活血化瘀，幫助惡露排出。一般有當歸、川芎等藥材。

一．調補階段

生化湯呢就只得補益坊同樂道有，佢哋都係有5個調補期，唔同調補期用唔同藥材。

位元堂就有4個階段，調補日數就同補益坊一樣係28日，而樂道就有37日調補日數。

二．名貴食材

Testingmama：聽阿媽講有好多名貴藥材都好補，一般建議產後媽媽用咩補身藥材呢？

饒康怡中醫師：產後建議用鹿茸同高麗蔘補身。鹿茸有分等級，最高級係東北梅花鹿鹿茸，而高麗蔘就主要係大補元氣、強益心肺。

Testingmama：咁鹿茸同鹿尾羓有咩分別？

饒康怡中醫師：鹿茸比較啱女人，產前或者產後用嚟調補身體用嘅。鹿尾羓就通常男人食比較啱，可以壯腰補腎用嘅。

Testingmama：上網睇話高麗參會收奶？真唔真？

饒康怡中醫師：喺藥典入面，無表明高麗參有回奶作用，反而高麗參有雙向調節功效，只要份量啱，係有助產婦調補氣血，從而增加奶水。

咁唔知餵人奶嘅媽媽可唔可以飲呢？我上官網check過！大家可以參考返！

三．包裝及藥材切割

打開佢哋睇真啲啦！3隻都有獨立真空包裝。

位元堂同補益坊都係大大片藥材，煮之前要浸洗。

而樂道就有切成幼細片嘅，直接將個湯袋拎去煮就ok。

四・烹煮方法

睇返盒身，大部分都係要煲2-3個鐘，位元堂同補益坊都有寫明有啲藥材或者雞、肉需要自備。而樂道就建議適量配搭瘦肉或去皮雞，效果更加好。

另外盒上或者官網都有寫順產或開刀後幾多日可以飲，大家可以留意返！

五・安全

咁同自己出去執藥有咩分別呢？我就上網Research過⋯⋯

今日呢3隻都有通過農藥殘餘同重金屬測試，而補益坊同樂道仲有另外通過埋黃曲霉素測試！

六・性價比

自己坐月緊係想慳得一蚊得一蚊啦！條數又點計先！？

每盒價錢最平嘅就係補益坊，三千幾蚊就買到28日，平均$142.14/包，但除開每包咁計就係樂道最平～

嚟到尾聲，等我同大家總結下啦！

簡單嚟講，生化湯就淨係得補益坊同樂道有，佢哋都分5個階段調補，比較多。睇埋補身日數，位元堂同補益坊都係28日，而樂道就多9日。當中包含名貴食材嘅日子3款差異都幾大，由4至16日不等。睇埋每包價錢就樂道最平，性價比似乎係最高！

最後提提大家，產後廿八方含有中藥材，如果對成分敏感，建議食之前都係問下醫生嘅專業意見！唔講咁多住，Testingmama去煲返個廿八方補下身先！

#購買資訊
位元堂: http://bit.ly/2WQyiK7
補益坊: https://bit.ly/3hrSiMg
樂道: http://bit.ly/2KyEUdB