聽講最近出咗隻貴價尿片，而且價錢仲貴過平時百幾蚊！

咁把炮？等我testingmama睇下佢係咩料子先～

傳說中嘅貴價尿片Pampers Pure已經喺我手上啦！個盒望落又真係幾靚啵。(喂！咪咁快心動！）

正所謂真金不怕洪爐火，準備好接受Testingmama嘅挑戰啦！

Round 1 螢光漂白劑

媽媽當然最擔心尿片會著到BB敏感，見到紅Pat Pat，真係好心痛㗎！

第一關就試吓佢有無螢光漂白劑先啦！螢光漂白劑呢家嘢用UV紫外光一照就會現形，照出嚟係紫色就係有用，冇用就會係白色。

大家睇下，照完尿片嘅內外都係白色，代表真係無螢光漂白劑喎～

Round 2 甲醛/揮發性有機物

仲有咩物質會刺激到BB皮膚呢？就係甲醛同揮發性有機物啦。

首先用呢部機測一測普通室內空氣。

再放埋尿片睇下度數有冇升高先⋯⋯

答案係冇嘅！

等我Check埋全屋啲傢俬先～仲有阿B啲衫仔同玩具，好彩都係冇甲醛啫！

Round 3 材質及柔軟度

一塊好嘅尿片緊係要著得阿B舒舒服服啦～等我獻出我嘅玉手，感受下先！

我上網Check過㗎啦，呢塊尿片就矜貴在佢嘅外層用咗全球1%頂級嘅有機棉，低致敏，內層就係用植物纖維，摸上手又真係幾滑，完全唔拮手之餘，仲好軟綿綿啊！

Round 4 透氣度

前3 Round表現都咁好？我就唔信邪啦！試一試你嘅透氣度點先！

我已經將佢嘅外表層同內表層分別套喺一個放咗羽毛嘅透明管外面，再用我部「至強芭蕉扇」試試佢！

為咗俾大家睇到對比，我剪埋口罩嘅外表層同內表層出嚟試一試！

Wow！羽毛一吹就飛起，仲飛到咁高，真係好透氣啊！BB嘅Pat Pat都可以自由咁呼吸啦！

Round 5 吸水速度

哼！又俾你過到關？咁呢個經典測試你又得唔得呢？

將藍色水倒入尿片，計時開始！

用咗11秒就吸乾晒，佩服佩服！

Round 6 吸水後形狀

咁吸完水之後Keep住個Shape你又得唔得呢？

同我起勢Chok呀！

哇，竟然冇變形！

Round 7 防回滲

個Shape靚之餘仲要鎖水勁先得㗎！

吸完水等我鋪張紙巾，再用呢個5kg砝碼壓住先。

厲害厲害，只係得極少回滲，收貨！

Round 8 後漏

BB出世頭幾個月最多時間就係瞓覺，如果片片會漏尿嘅話，日日洗床單真係人都癲⋯⋯最後呢關就測你防漏尿實力！

將尿片打斜擺，再倒入藍色水，睇吓有無後漏問題先！

冇漏出片片外面，都OK啦！

總結

Pampers Pure喺呢8關都完美通過咗！確實係好有實力，絕對唔係偶像派嚟喎～

呢場Battle，testingmama真係完敗！

等我俾返啲基本資料同總結表大家參考吓啦！

今日輸咗唔緊要，Testingmama遇強越強，歡迎大家留言想我哋挑機咩產品，I’ll be back! 

#購買指南
Pampers Pure: https://bit.ly/3e5VtXs