有機奶粉點揀好? – Illuma Organic、雅培 Eleva Organic、有機Friso Prestige、Hipp Organic Combiotic

有機奶粉點揀好? – Illuma Organic、雅培 Eleva Organic、有機Friso Prestige、Hipp Organic Combiotic


之前同大家比併咗好多熱門奶粉,呢排又收到媽子inbox,問我哋有機奶粉點揀好喎!

我就上網睇過啲媽媽討論區,最多人擔心嘅係有機奶粉會唔會唔夠營養?係咪隻隻牌子都差唔多? 等Testingmama幫大家Check吓揀有機奶粉有D咩要睇啦!

今日上場嘅分別有:Illuma Organic、雅培 Eleva Organic、有機Friso Prestige同Hipp Organic Combiotic!

1. 媽子有問題:隻隻有機奶粉都一樣?

1.1 有機認證

隻隻都話有機,係咪隻隻都真有機先?Testingmama教大家Check「有機認證」啦!

大家認住呢個嘜頭啦!佢代表奶粉通過歐盟有機認證代表產品含有至少95%有機原料、同不含基因改造成分!

呢4隻奶粉都有齊歐盟有機認證,過關啦!不過大家要留意埋奶粉係咪全系列都有歐盟有機認證呀,好似Hipp Organic Combiotic咁,只有1至2號係有有機認證㗎咋!而其他3隻牌子全系列都有歐盟有機認證。

1.2 奶源

我就上網Check過呢3隻分別係嚟自歐洲有機農場、丹麥同德國嘅牧場

而有機Friso Prestige嘅奶源就係嚟自荷蘭有機自家農場,自己控制埋奶源,罐底仲有個QR code,可以Check返奶源同其他資料!OK,俾你哋過關啦!

 1.3 有機成分

揀得Organic嘅媽子,一定好著緊成分夠唔夠天然!多數奶粉入面最主要嘅成分就係牛奶、乳清蛋白、乳糖同植物油。有啲牌子會喺成分表標明邊啲原材料係有機,但亦有啲牌子唔會特別寫明。

Illuma Organic、有機Friso Prestige同Hipp Organic Combiotic都喺罐身都有標明係有機。不過佢哋寫明係全脂奶、脫脂奶同脫脂奶粉,有咩分別呢?

雖然佢地嘅原材料都係牛奶,但全脂奶就直接保留完整牛奶營養,好處就係少咗加工就天然啲,4隻入面就得有機Friso Prestige有用到全脂奶。

而Hipp Organic Combiotic、雅培 Eleva Organic同illuma Organic就淨係用咗脫脂奶或者脫脂奶粉,即係用人工方法將乳脂分離出嚟,當中一啲天然嘅營養素就會少咗!

再睇埋另外3個成分先,除咗雅培 Eleva Organic全部都冇特別標明外,其他3隻都有標明用有機原料。

2. 媽子有問題:有機奶粉夠唔夠營養㗎?

有機奶粉聽落就好天然無添加,但會唔會唔夠營養素,補充阿B嘅需要呢?等我又睇真啲啦!
DHA係阿B腦部重要成分之一!Illuma Organic、雅培 Eleva Organic同有機Friso Prestige都有添加DHA,而有機Friso Prestige嘅DHA含量係最高。

好多媽咪都有聽過sn-2 Palmitate,佢容易被吸收,有助減少鈣皂形成,令便便柔軟!睇返今次就淨係得有機Friso Prestige含有天然sn-2 Palmitate!

而益生纖維可以促進腸道益菌生長,支持阿B腸道免疫系統,軟化便便!4隻都有齊,Good呀!當中有機Friso Prestige同HIPP Organic Combiotic仲係有機益生纖維GOS!

3. 媽子有問題:有機奶粉會淡味啲?

無添加蔗糖

好多媽咪以為有機一定係淡味,又或者冇咁熱氣、冇咁惹痰,其實惹痰未必關有唔有機事,好可能係因為蔗糖啊!

但原來唔係隻隻有機奶粉都冇加蔗糖,今次Illuma Organic、有機Friso Prestige同Hipp Organic Combiotic都係全系列冇添加蔗糖,而全部都冇添加雲呢拿口味!

基本資料+總結表

等我俾埋基本資料同總結表大家睇啦!

睇返今日嘅比併,留意返唔係隻隻牌子都係全線有機,而好多媽媽鍾意嘅DHA同sn-2都唔係隻隻有㗎!仲有其他方面嘅表現,媽子們可以參考返個表啦!

唔認真研究都唔知其實有機奶粉都可以好有營養㗎!不過都係嗰句,母乳係BB最好嘅食糧!如果大家有咩想我哋測試,就快啲留言啦!下次再見喇!Bye~

#購買指南
Illuma Organic:https://bit.ly/2EneVCn
雅培 Eleva Organic:https://bit.ly/3f8OInS
有機Friso Prestige: https://bit.ly/3km1sv2
Hipp Organic Combiotic:https://bit.ly/3f68d06