Heinz亨氏, Holle, Little Freddie, Babynat, Happybaby －BB有機果蓉邊隻好？
身為媽媽最著緊嘅就係BB嘅健康，到阿仔可以開始食副食品，就要諗比咩佢食好，自己整定買好，最後靚叻媽都係決定買果蓉佢食！試過自己整蒸一蒸d生果會有酸味，阿仔唔鐘意食～同埋出面都易買到有機同埋有消毒過嘅果蓉！而且阿仔鐘意嘅話可以買定擺係到慢慢比阿仔食～不過揀咩牌子都要揀一輪嫁！ 睇我點樣逐個試啦！
果蓉 Q＆A
問：BB幾時可以食果蓉？
答：人奶B可以係6個月先開始食果蓉，因為人奶已經有BB需要嘅營養，而奶粉B可以提早係4-5個月開始食，吸收更多所需營養。
問：如果BB開始食果蓉，洗唔洗另外比水佢飲？
答：餐與餐之間，要餵BB飲 1-2 oz 水，建立飲水習慣，幫助腸胃適應。
問：如果BB唔鐘意食果蓉咁點算？
答：你可以比BB試米糊、粥仔同埋唔同口味嘅果蓉，呢段時間可以令佢接觸多d唔同嘅味道，第時冇咁易偏食！但記住唔好逼佢食佢唔鐘意食嘅野呀！
問：唧唧裝同玻璃樽裝有咩分別呀？
答：我覺得內容物應該冇分別，只係我有留意到唧唧裝如果開左後放入雪櫃24小時內就要食用，而玻璃樽裝就可以放48小時！同埋如果你小朋友已經可以自己拎住黎食，又或者係拎出街的話，唧唧裝係又輕又方便d嘅！
1. Happybaby 有機什果蓉 Banana & Kiwi
標榜不含BPA、非基因改造。
有機認證：USDA，美國官方的有機標章。依照美國農業部制定之國家有機法規(National Organic Program)，產品需含有95%以上有機成分才可以張貼此標章。
營養標籤：糖分14.1g/100g，係5隻入面最高。
成分：Organic Banana Puree, Organic Kiwi Puree, Ascorbic Acid (Vitamin C), Organic Lemon Juice Concentrate.
濃度：杰身
味道：唔知點解食落似西梅味！我自己覺得偏酸～
適用年齡：6m+
淨重：99g
價錢：$17.9
產地：USA
購買地點：AEON，iherb
推薦度：
比阿B試少少酸野都ok嘅，不過糖分比較高，唔可以食太多～
2. Babynat Organic Pear
標榜無添加、不含麩質及奶、非基因改造、無加fillers、無添加糖。
有機認證：歐盟有機認證，農產品的有機成份含量必須在95%以上，方可標示其標章於產品上。
營養標籤：糖分7.75g/100g，係5隻入面最低。
成分：Pears from Italy (Ingredients from organic agriculture)
濃度：稀，一開蓋會有d瓊左係表面，一攪就會散開變稀～
味道：食得出係天然梨味，梅落仲有d微粒～
適用年齡：4m+
淨重：130g
價錢：$18.9
產地：France
購買地點：AEON
推薦度：
覺得有點太稀，不過味道幾好幾天然，糖分最低！
3. Little Freddie Strawberry, Banana & Apple
呢樣果蓉係BB展好多媽咪推介我買，話佢地d仔女都鐘意食！標榜不含基因改造成分、無添加物及防腐劑、無添加糖或鹽、不含人造色素及香料、好似自家製食物咁樣。含豐富抗氧化劑、類黃酮及維他命C。
有機認證：
歐盟有機認證(圖左)，農產品的有機成份含量必須在95%以上，方可標示其標章於產品上；
Organic Farmer & Growers(圖右)，英國的農場生產協會，有機成分含量需於95%以上，其所銷售的有機産品及環保産品才可以貼上該標章。
營養標籤：糖分10g/100g，係5隻入面第2低。
成分：Organic Apple 70%, Organic Strawberry 19%, Organic Banana 11%
濃度：杰身
味道：好似食緊淡味版嘅士多啤梨味果Jam！我自己都覺得好味！梅落都係有d微粒～
適用年齡：4m+
淨重：90g
價錢：約$19
產地：UK
購買地點：BB展、荷花、Babies R Us、Bumps to babes
推薦度： 我自己覺得最好味，同埋糖分第2低！
4. Holle 有機純梨蓉
標榜無麩質、不含乳蛋白、不含蛋、無乳糖、沒有添加糖份及鹽份，不含黏合劑，不含酵母，不含乳糖。所有水果餐都是加熱至70ºC，以最先進的巴氏法滅菌來消毒。但係Holle嘅嬰兒有機小米及三穀粥都出過事
，2014年個陣因為有關產品懷疑受一種莨菪烷生物鹼「阿托品」污染，所以食環署要求全面下架。
有機認證：
Demeter，是自然活力有機農耕的認證單位與標章，此認證為最高等級的歐美有機認證，遵循冷/熱、動/靜、日出/日落來栽培作物，完全不使用化學農藥及肥料、色素、香料、防腐劑、乳化劑或基因改造原料或來自石油的原料。是目前最嚴格的認證，品管比歐盟更嚴苛。
歐盟有機認證，農產品的有機成份含量必須在95%以上，方可標示其標章於產品上。
營養標籤：糖分10.8g/100g，係5隻入面第2高。
成分：Pear 98%，wholegrain rice flour. From biodynamic agriculture (生物動力農耕)
wholegrain rice flour(全穀物米粉)屬於Fillers，即係代表呢款果蓉並唔係純果蓉！
濃度：杰身
味道：西梅＋梨味。好明顯食得出有米粉味！入面仲有d粒粒，唔係微粒！
適用年齡：4m+
淨重：125g
價錢：$18.9
產地：EU (Slovakia) 斯洛伐克
購買地點：AEON，BB鋪
推薦度： 出過事，又有落fillers，唔太推薦～
5. Heinz 亨氏 Organic Banana & Mango
標榜無添加色素、糖、香料及防腐劑。含豐富抗氧化劑、類黃酮及維他命C。不含以下致敏源： 蛋、魚、麩質、奶、大豆、花生、堅果、小麥、芝麻。不過我對亨氏已經冇咩信心！係1998年曾經因為兩批嬰兒產品含鉛量過高，需要大規模回收。2006年，綠色和平驗到佢嘅嬰兒米粉有基因改造成份。到2008年，又有嬰兒配方營養米粉被驗出含三聚氰胺大。
有機認證：澳洲有機認證(Australian Certified Organic)，有機成分含量需高於95%以上方可標示其LOGO。
營養標籤：糖分10.5g/100g，係5隻入面嘅中間。
成分：Banana 35%*, Mango 19%*, Apples 6%*, Apple Juice*, Water, Cornflour, Vitamin C.
*Denotes Organic Ingredient.
Cornflour（玉米澱粉）同水屬於Fillers，即係代表呢款果蓉並唔係純果蓉！
濃度：偏向杰身
味道：蕉味比較濃，口感最滑，可能係因為加左粟米粉同水～食落都有少少微粒。
適用年齡：4m+
淨重：120g
價錢：$17.9
產地：Australia
購買地點：AEON，Toys”R”us
推薦度： 佢出左咁多次事，亦冇寫明冇用基因改造成分，又有落fillers，我個人唔推薦喇～
！大人幾鐘意／唔鐘意都冇用～
