防蚊呢家野真係一門學問黎，一個唔覺意無做足防蚊措施，就注定任人魚肉，香港人，一定要企硬，唔可以任人魚肉！夏天除了為大地帶黎雨水，更會帶來可怕的蚊患，嚴重者分分鐘連命仔都冇埋。所以防蚊措施唔單止要幫小朋友做好，大人本身也要做好，才是萬全之策。今日Testingmama三位媽媽每人各推介一款有用又安全的防蚊法寶

阿G媽推介 – 英國Alfresco草本防蚊保濕露

呢支野其實唔少媽媽都聽過，阿G媽自己就用左佢幾年喇，阿女BB仔時已經俾佢用，到而家細仔都一樣俾佢用，前前後後買左5支。佢最大優點係有少少香味，聞落好舒服，唔似一般防蚊產品咁臭到飛起，亦唔會難聞刺鼻，阿仔阿囡查完都好好訓

最重要既係，D惡毒既蚊成日會針小朋友塊面，呢支蚊膏既獨特配方連最幼嫩既嬰兒肌膚、敏感性皮膚、眼部四周較薄的皮膚都用得，真係勁正

查完之後，完全唔會痴立立 ，全日都無蚊埋身，仲試過見到有蚊飛埋黎聞到陣味之後飛走左真係超神奇！唔少荷李活紅星影后Nicole Kidman、Jodie Foster、型男Jude Law、Penelope Cruz及Nicole Cag都有用，老實講丫，查左佢之後，再索下陣味，都覺得自己High Class左

雖然佢防蚊效果好好，亦唔痴立立，但佢都有缺點架！個缺點就係需要每4個鐘補查一次，先可以令防蚊效果持續。

價錢：原價$430，但其實佢個價錢都好飄忽，因為係可以直接同英國供應商訂貨，視乎賣家想食幾深。有online shop賣$300-$360，而最平見過係mamaishop.com賣$285，亦有Facebook店開團賣過$260

容量：每支200ml ，泵裝，阿G媽一支用到一季（自己+老公+阿仔+阿囡，手腳查晒）

Lynette媽推介 – 香港 [email protected] 天然驅蚊貼

[email protected] 家加是一家獲香港漁護署除害劑牌照的公司，可在香港合法進口及供應驅蚊貼，所以Lynette媽都對呢家公司的產品很有信心。最起碼佢既蚊貼係經檢驗不含「避蚊胺 DEET」，唔會損害人體，用都用得放心D啦～

最得意既係，佢分左3個款，嬰童款(50%香茅油) / 女士款(55%香茅油) / 戶外款(60%香茅油)，Lynette媽用落又唔覺得有好大分別 反正三款o既驅蚊效果都係咁持久。對於非常惹蚊既朋友黎講，可以一次貼多幾貼，保護範圍大D。佢唯一缺點就係貼太多會好濃味⋯⋯

話說，上星期日Lynette媽同兩個朋友去港島行山，行港島徑中的龍脊，風景怡人，勁正！成段路都唔係太難行，小朋友都可以去，不過上斜落斜時，就要小心take care小朋友，因為某些路段都頗多碎石。

Lynette媽同兩個朋友當日都有貼到呢隻[email protected]蚊貼的戶外款，無論行緊山定還是坐低食野睇風景，全程4個鐘都無俾蚊咬過一下，連最惹蚊的朋友F都無事，大讚Lynette！（Lynette媽為此感到好有飛屎，呵呵呵）

價錢：$39三盒，每盒12貼 (暫時知Yahoo!團購 / Groupbuya有賣)

容量：每盒2包獨立夾鍊式鋁箔袋包裝，每包6貼，每貼可持續效果24小時

 祖迪媽推介 – 意大利 Chicco 嬰兒天然防蚊噴霧

Chicco 呢支防蚊噴霧擁有清新既檸檬味，細細支方便攜帶。有齊紫丁香+檸檬香茅+薄荷成份，足足三倍驅蚊效果！

阿囡細細開始就已經俾佢用，因為實在太方便，噴兩噴就搞掂。原本阿囡係會比蚊咬既，但未致於會咬到全手腳都係，五月中帶阿囡去泰國曼谷，都帶左呢支野傍身，幸運地全程都未試過有蚊咬，連蚊之都無埋身，效果相當唔錯！

不過佢既缺點就係每次要噴多幾下，同埋出汗的話要再補噴，100ml 黎講相當快用完。

價錢：每支$108

容量：每支 100ml