飲多啲奶，吸收多啲蛋白質同鈣，先可以快高長大架ma！平時我都係咁同呀仔講嘅！所以我去親Supermarket都會買奶俾呀仔做早餐！出咗名要求高嘅我Tracy 媽緊係做曬research，聽曬營養師點講先敢買啦，今日就同大家分享吓買奶奶要注意嘅野啦！

1. 牛奶 vs 牛奶飲品

咪以為寫住牛奶就係100%鮮奶呀！好似我地平時見到嘅屋形盒裝奶產品咁，其實都分兩類架！

不過有時個產品名稱未必標示得好清晰，所以想知買緊嘅係牛奶定牛奶飲品，最好嘅方法都係睇營養標籤喇！提提大家！因為脫脂牛奶同低脂牛奶嘅奶脂含量唔夠3.25%，所以都被視為係「牛奶飲品」，即係話，牛奶一定係「全脂奶」呀！

不過營養師就話牛奶飲品雖然經過加工，唔係全天然，但都唔一定比天然牛奶差！因為大部分嘅奶類製品都好標準，配料都不外乎鮮牛奶。如果有啲牛奶產品好似牛欄牌嘅Milk+咁，添加咗DHA﹑Omega 3同維他命等等，其實等同多一個吸收營養嘅食物來源。所以揀奶奶俾小朋友嗰陣，都要配合佢地平時嘅飲食習慣架！

2. 揀奶類產品要注意啲咩？

保存期

喺Supermarket都會發現有啲奶放喺冷凍櫃，有啲就放喺普通貨架，其實係同奶類產品嘅生產消毒過程有關架！

用巴士德消毒法處理嘅牛奶同牛奶飲品應儲存喺4度或以下，一般保存期會短啲(大概2-3星期)，所以較大機會係喺近期生產嘅。

而用消毒法處理嘅呢就可以儲存喺室溫陰涼、冇陽光直接照射嘅地方，一般保存期可以長達6-12個月。

無論係經邊種方法消毒嘅奶分類產品都好，絕大部分開封之後都要冷藏，買咗番屋企記得保存好喇，如果唔係就好浪費！

產地

有啲牛奶或者牛奶飲品會標明「澳洲」、「荷蘭」、「新西蘭」等字眼。但其實，只係當中嘅成份同配料，例如濃縮牛奶或者奶粉係黎自外國，而產地就唔係喺外國嘅，所以大家要睇清楚，唔好覺得睇落似「來佬貨」就係最好呀！

包裝

好多人會覺得紅色包裝就係全脂，綠色包裝就係高鈣低脂，其實唔一定架！因為係冇一個特定同受規管嘅色碼架！

營養成份

有醫生就話「牛奶飲品」同「牛奶」其實只係界定唔同食品嘅定義，如果從營養角度睇，小朋友飲牛奶最主要係吸收奶類產品當中嘅蛋白質、維他命同埋鈣等，呢啲營養喺脫脂同加工係唔會受破壞，所以飲牛奶飲品依然可以吸收到所需要嘅養份，反而要留意嘅係，呢啲奶類食品入面有冇過多嘅糖、鹽或者其他添加劑，呢啲反而會影響健康！

我就買咗啲牛奶同牛奶飲品番黎同大家睇吓啲成份做個比較！

3. 朱奶 vs 牛奶？

依家啲牛奶飲品越出越多口味，又朱古力、木瓜、又士多啤梨咁！之前睇新聞話世界衞生組織建議每日攝取的熱量中，來自糖份嘅熱量應該少於5%，啫係大約25克，但Tracy媽發現有啲牌子嘅朱古力牛奶飲品飲一盒已經超標喇！所以揀嘅時候要留意呀！如果成日飲真係會肥死兼蛀牙呀！

做呀媽嘅最希望仔仔囡囡健康咁成長！希望今次呢個分享幫到大家啦！下次揀奶奶記得要揀得有營呀！