小朋友唔肯飲奶點算好？靚叻媽有法寶！就係牛奶飲管啦！牛奶飲管裡面有D一粒粒既有味珠珠，常見既有朱古力，香蕉，士多啤梨等等… 用佢黎飲牛奶，就可以令牛奶有味道，咁樣小朋友就自然肯飲啦～

但當然醒目既靚叻媽發現，並唔係每款牛奶飲管都好飲，有D甚至連大人都覺得好好甜、好藥水味等等⋯⋯咁到底邊款好飲又抵飲？作為 testingmama 當然要去試飲常見牌子既牛奶飲管啦！

基本資料比較

試飲報告

今次我地用左半杯暖牛奶去試，始終比小朋友飲凍飲都唔太好嘛。

1. Quick Milk 牛奶吸管（草莓味）

quick milk 最出名而又最易買既就係 chocolate、strawberry、vanilla 呢三隻味，係taste超市賣牛奶貨架附近經常會搵到。其實淨係睇包裝，靚叻媽都覺得佢好多色素 ..

產地：made in Hungary

試後感：第一啖好酸，士多啤梨味唔太濃，而且個吸管都幾難啜。飲飲下d珠珠就溶晒落杯奶到，攪兩攪牛奶就變左粉紅色啦。

2. Got Milk 天然風味吸管（草莓味）

呢隻飲管係d樓上鋪到有得買。飲管內的珠珠顏色較淺，感覺上無咁多色素。

產地：made in Hungary

試後感：第一啖又係好酸，士多啤梨味唔太濃，岩晒比小朋友飲。飲管都幾好啜，不過飲飲下會吸到d未溶晒珠珠。飲左幾啖就冇晒珠珠啦，又冇溶落杯奶到，又要開過枝吸管啦～ 

 3. Shlook 風味糖粒牛奶吸管（草莓味）

網上見到佢係英國牌子就諗住買返黎試下啦，點知黎到先知made in China…已經有種唔好既預感……

產地：made in China

試後感：飲落去完全係藥！水！味！….當啜多兩啜D珠珠會吸入左個口到好似D沙咁既感覺。由於D珠珠頂住左所以都幾難啜囉，不過佢係咁多枝當中無咁易溶既，飲快少少都可以一枝一杯奶嫁！（我就快飲到滯先飲得咁慢）

4. Sipahh 牛奶吸管（草莓味）

澳洲必買既手信，一包入面有5種口味，岩晒鐘意新鮮感既小朋友～佢仲標榜每支吸管唔超過1/2茶匙糖喎～

產地：made in Korea

試後感：嘩！一飲我己經覺得好好好好甜，士多啤梨好濃，好似落左好多糖咁呀。後尾睇返包裝原來佢唔建議士多啤梨味用暖野飲嫁，可能知佢溶太快會好甜掛，真係要睇清楚包裝呀！