不少朋友第一次為人父母都頓時變成「緊張仔」，有位朋友最近就係咁，佢個仔都未出世，就買定成十幾個牌子嘅奶樽，玻璃樽、膠樽、有排氣管的、無排氣管的、不同容量的、肥仔樽、瘦仔樽等等等等等 ⋯⋯ 實行「有買錯無放過」，除了說他相當富貴之外，真的無話可說。

其實奶樽真的不用太早買，但購買前必需做足功課，並留意以下重點：

1. 絕不可以買PC奶樽（好多卡通人物奶樽都有此成份，必須小心），因為有 Bisphenol A 有毒物質（即人們常說的BPA、雙酚A，是致癌物質），所以買奶樽時要選以下物料製造的：

・PES (Polyset Epoxy Siloxane)

・PP (Polypropylene)

・PPSU (Polyphenylsulfone)

・矽膠 (Silicon) ，耐熱度> 400度，不過比較容易痴塵

2. 防脹氣程度、會唔會易有風

飲奶時如有風入左BB肚仔會造成腸紋痛同脹氣，而且掃風時間較長

3. 漏奶情況

正常奶樽係一滴一滴咁出奶，如果係柱狀咁出就唔太好啦！好易瀆到阿B，又會噴到周圍都係奶！

4. 吸吮情況

每個BB對個奶樽咀嘅需求都唔同，有d鐘意細咀，有d鐘意大咀。同埋飲開人奶、或者大力B應該要用d難吸的奶樽，嘴仔唔夠力既BB應該要選易吮奶樽呢！所以媽媽應該揀個岩自己BB嘅奶樽，而唔係好吮就一定岩自己個B！

5. 正常情況下，不需要特別去買玻璃奶樽

雖然玻璃奶樽最安全、無有害物質，但易碎，而且有朋友曾問過母協會，指玻璃樽會痴住母乳的抗體，有得揀最好不要用玻璃

testingmama 就以上重點，對現時7款熱門奶樽進行比較及測試，牌子包括Chu Chu、Dr Browns、B free plus、Nuk、Philips Avent、Pigeon、Tommee Tippee，由 testingmama 親身洗過、啜過、吸過、飲過、用過！

1. Bfree Plus 防脹氣奶瓶

闊頸樽，結構最複雜的一款奶樽，好多配件要清洗，賣點是防脹氣。

防脹氣程度： 的確比起其他奶樽防脹氣，用力飲好多奶再放開，奶嘴內都沒有出現氣泡

清潔容易度： 整個奶樽足足有8件配件，每次清洗需要花較長時間。

漏奶情況：一滴不漏！

吸吮情況： 比起 Dr. Brown 更加難吸，需要非常用力

容量刻度：有ml及oz刻度，最大刻度 160ml / 6oz

價錢：$115

2. Dr. Brown’s 排氣奶樽

與 B Free Plus 一樣也是闊頸樽，都是結構上較為複雜的奶樽。

防脹氣程度： 的確比起其他奶樽防脹氣，用力飲好多奶再放開，奶嘴內都沒有出現氣泡

清潔容易度： 整個奶樽足足有7件配件，每次清洗需要花較長時間。

漏奶情況：非常容易一滴滴咁出奶

吸吮情況： 較難吸，要用力一點，適合大力B使用

容量刻度：有ml及oz刻度，最大刻度 130ml / 5oz

價錢：$107.1

3. Philips Avent 奶樽

(7.9.2015更新）之前testingmama試個款原來係舊款，今次買返個新款返黎試下啦！

防脹氣程度： 大力吸啜再放開奶嘴，只得極少量氣泡在奶嘴內產生

清潔容易度： 整個奶樽拆開後只有4件配件 ，比舊款少1件，更容易清潔。

漏奶情況：要搖才會一滴滴出（進步甚多！）

吸吮情況：要大力才吸到

容量刻度：有ml及oz刻度，最大刻度125ml / 4oz（1號樽，for 0m+)

價錢：$90

舊款

防脹氣程度： 大力吸啜再放開奶嘴，有頗多氣泡在奶嘴內產生

清潔容易度： 整個奶樽拆開後只有5件配件，算是容易清潔。

漏奶情況：水柱和水滴都係咁出⋯

吸吮情況：很容易吸，但是流量較難控制，BB容易吞唔切瀆親

容量刻度：有ml及oz刻度，最大刻度260ml / 9oz

價錢：$79

4. tommee tippee PP製母乳自然奶樽

樽身設計上闊下窄，方便加入奶粉和清潔。而tommee tippee這個奶嘴是模擬媽媽乳頭而設計，奶嘴是7個牌子中最硬的，而這個奶樽不能搭配其他牌子的奶嘴使用。

防脹氣程度： 只有少量氣泡出現在奶嘴內

清潔容易度： 大口徑設計，而且配件簡單，清潔較容易。

漏奶情況： 奶會像水柱一樣噴出 .. 帶出街用要小心。

吸吮情況：仿乳頭的設計果然頗容易吸。

容量刻度：有ml及oz刻度，最大刻度 260ml / 9oz

價錢：$57.6

5. Chu Chu PPSU製奶樽

縱橫媽媽界多年、口碑極好的日本奶樽。

防脹氣程度： 用力吸奶後再放開，奶嘴內會有少量氣泡，中規中矩

清潔容易度： 配件較少，頗容易清潔。

漏奶情況：一滴不漏

吸吮情況：非常易吸，而且可以因應力度控制流量

容量刻度：只有ml刻度，最大刻度 240ml

價錢：$88.2

6. Pigeon PP製奶樽

來自日本的 Pigeon PP樽勝在價錢平，也有不少擁躉。

防脹氣程度： 用力吸奶後再放開，奶嘴內會有頗多氣泡

清潔容易度： 配件較少，頗容易清潔。

漏奶情況：會一滴滴咁出奶，但速度較慢

吸吮情況：很喜歡它的奶嘴設計，非常易吸

容量刻度：有ml及oz刻度，最大刻度 240ml / 8oz

價錢：$32

7. NUK 一般口徑PP印花奶瓶

黃色的乳膠製的超軟奶嘴是它最特出的標記。

防脹氣程度： 用力吸奶後再放開，奶嘴內會有很多氣泡

清潔容易度： 5件配件，算是方便清潔

漏奶情況：需要用力搖才會一滴滴咁出奶

吸吮情況：奶嘴較軟身，非常易吸，對初生BB而說可能較易瀆親

容量刻度：有ml及oz刻度，最大刻度 110ml / 3.5 oz

價錢：$57

希望以上資料能夠幫到各位爸爸媽媽更容易揀適合BB的奶樽啦！