口罩荒終於都過去，雖然而家買口罩唔難，但要高規格又出名嘅都幾難買到，買到又唔知係咪真係好…我哋一於用土炮方法幫大家測試吓啦！

今次就周圍逼身邊啲Friend子交出口罩借俾我測試！

今日測試嘅分別有：OxyAIR Mask , PROTECTOR 成人口罩, WATSONS ASTM LEVEL 3 三層衛生口罩, Mannings三層防護口罩, Med360+三重防護防敏口罩同NEULIFE ASTM Level 3 外科口罩。

第一關：防水測試

首先我哋做一個簡單嘅防水測試，睇下呢6款口罩嘅外層防水能力點先！

果然係最熱門嘅口罩啊〜〜所有口罩嘅防水表現都合格！

第二關：熔噴布靜電強度

口罩中層嘅熔噴布係最主要嘅過濾菌層，上面嘅靜電強弱會影響PFE值㗎（微粒子過濾效率）

即係可阻擋流感、沙士等病毒嘅作用！我哋一齊嚟測試下佢哋嘅靜電強度啦！
首先就睇吓邊款嘅靜電勁到最黐手啦！

嘩！OxyAIR冇得輸！Med360+同NEULIFE都好強勁！Good呀！

至於吸紙碎呢

登登，都係佢哋3個吸得最多啊。

而整體嚟講萬寧同PROTECTOR就中規中矩啦，Watsons就要加油啦！

第三關：熔噴布細緻度

係時候睇下熔噴布嘅料子喇！一般嚟講，佢嘅纖維要夠細，完全無窿嘅就防禦力最強！至於有好多窿嘅就唔使多講啦！

不過有5個細窿以下嘅都可以接受嘅，因為中層嘅熔噴布穿咗都好，都有底面兩層頂住啊嘛！我哋嚟逐一睇吓佢哋有無窿啦！

OxyAIR、Watsons、Med360+、NEULIFE，呢3隻經過Testingmama法眼，係冇窿嘅！

Mannings同NEULIFE都有2個啦，但都合格啦！

嘩！窿窿窿窿窿！火車捐山窿！PROTECTOR好多窿啊

第四關：熔噴布密度

頭先都有提過熔噴布嘅功用係過濾病菌，所以纖維嘅密度都好重要，越難撕開同埋有拉絲，就代表熔噴布嘅纖維密度越高！

可以見到OxyAIR同NEULIFE最難撕開，撕開嘅時候亦都有拉絲嘅情況！

Mannings同Med360+就介乎難同易之間啦～

相反，PROTECTOR、Watsons一撕即開，仲有種清脆嘅響聲，就代表纖維質素差，過濾病菌嘅能力比較弱！

第五關：包裝

我哋測試嘅口罩當中，得PROTECTOR同Watsons係有獨立包裝。

口罩濾層嘅靜電會因為潮濕而無咗，而靜電強弱會影響頭先提過嘅PFE值（微粒子過濾效率）！

如果口罩無獨立包裝嘅話，啲靜電一般會喺開封後3至4星期就無晒，換言之，有獨立包裝嘅靜電會keep得耐啲！

不過，如果無嘅都唔使太擔心，專家有提到只要放係乾爽嘅地方，同埋唔好囤積太耐就ok〜

第六關：耳繩距離

原來耳繩唔係越長越好㗎！耳繩距離會影響口罩貼面嘅程度，專家建議一般唔好超過6吋！我哋一齊嚟睇下有無邊款口罩有耳繩過長嘅問題先！

Watsons、PROTECTOR嘅耳繩拉長都超過6吋，戴嘅時候要留意返夠唔夠貼面啦〜

*以上測試都係我哋喺朋友手中搶返嚟嘅口罩，唔可以代表全部同款嘅口罩㗎！以上結果只供參考〜〜

濾率測試標準

最後介紹下3 大口罩測試標準，等媽子們買嘅時候都識過濾一吓啦！同我認住BFE（細菌過濾效率）、PFE（微粒子過濾效率）同 VFE（病毒過濾效率）呢3組英文字！

佢哋係美國材料和試驗協會（ASTM International）訂定嘅濾率測試標準，數字越高，防禦力就越強！呢個標準世界各地都會用㗎！

面ASTM都係根據美國材料和試驗協會訂定嘅標準，細分為： Level 1（低防護）、Level 2（中防護） 、Level 3（高防護）3 個級別，越高Level就越勁啦。

講咗咁耐，俾返啲基本資料同總結表大家先，計返價錢最抵買嘅係Med360+！

而整體嚟講，表現最好嘅係OxyAIR！Med360+同NEULIFE緊追其後！

希望今日嘅土炮測試幫到咁多位媽媽〜大家都可以自己試下屋企啲口罩㗎！不過淨係靠口罩防疫係唔夠㗎，大家記得勤消毒、勤洗手！我哋下條片再見！byebye！

#購買情報
OxyAIR Mask: https://bit.ly/3hbPNgp
PROTECTOR: https://bit.ly/3g6JXvf
WATSONS: https://bit.ly/3iR3RML
Mannings: https://bit.ly/326F7Jx
Med360+: https://bit.ly/324OlGd
NEULIFE: https://bit.ly/3gbEUd1