我媽媽話佢以前求其用個環保袋當做奶樽袋，就咁放喺BB手推車上面，所以當佢見到呢個袋嘅設計嘅時候，佢就忍唔住要買個嚟送俾我～呢個係 FX Creation 嘅爸爸袋，當然媽媽都可以用啦！今日要示範點樣可以將所需嘅BB野放哂入袋入面啦～

外層呢個位就用嚟放濕紙巾，呢個係20片包裝嘅，放咗入去之後打開呢個位就可以直接拎出嚟用喇～

兩支消毒清潔液、換片膏、再放兩包乾紙巾、BB奶咀、媽媽用嘅乳墊。

中間嗰層入面有三個水樽間隔，其中兩個水樽間隔有保溫冷藏設計，最少可以保溫4個鐘。入面仲可以放埋BB奶樽同保溫壺～

我將BB口水肩同紗巾都放埋入去～佢啲玩具、兩條小毛巾都可以放喺網隔位～

而呢個位就可以放自己嘅野，入面有扣可以扣住鎖匙，放太陽眼鏡、充電器。

入面仲送咗一塊防水換片墊，佢係厚身設計嘅～如果BB出街時要換尿片，都唔怕佢會唔舒服喇。

而且成個背囊都用咗防水設計～入面可以放套後備衫仔，外面仲有兩個水樽位～

呢個拉鍊位喺背面，放銀包入去就會好安全，背包仲係有無重設計。

如果裡面裝得多過4磅，都唔會覺得重～因為揹帶係有彈性，呢兩個扣喺後面可以扣喺手推車柄上面，仲可以調較鬆緊。

呢個背囊經常都有優惠，所以都幾抵買又方便新手媽媽用。如果大家有興趣，都可以上網睇下資料呀。