日日用嚟抹嘴仔嘅BB濕紙巾點揀好？
平日帶兩個仔出街，阿G媽會用濕紙巾幫佢哋抹嘴同手，用黎抹嘴嘅濕紙巾一定唔可以求其揀，小朋友Lam下嘴仔分分鐘吞咗啲成分落肚。今日就教大家點揀好，順便搵咗市面5款BB濕紙巾同大家測試一下！
今日揀咗以下5款濕紙巾：
1. 順順兒高級壓花嬰兒濕紙巾
特點：不含酒精、色素、化學香料、螢光漂白劑、甲醛，通過過敏測試。
清潔用途：清潔面部、嘴部及身體各部分
產地：韓國
購買地點：萬寧、屈臣氏、各大超級市場及藥房等
2. Lullaby 來來寶純水濕紙巾
特點：有3D立體圓點設計，緊貼寶寶肌膚，容易清潔。使用純水配合棉布製成，不含酒精，不含香料，經SGS測試。
清潔用途：清潔寶寶身體各處
產地：台灣
購買地點：網上訂購、BB用品鋪等
3. Huggies 純水嬰兒濕紙巾
特點：符合食品級安全，成分獲韓國及台灣衛生署認可，通過美國食品藥品管理局(FDA)認
清潔用途：清潔寶寶嘴巴及臉
產地：台灣
購買地點：萬寧、屈臣氏、各大超級市場及藥房等
4. Johnson’s baby 多用途清爽柔濕巾
特點：純水配方，不含酒精及香料，不澀眼睛配方，用後不黏膩，敏感肌膚適用。
清潔用途：清潔寶寶全身、包括手、臉、嘴巴及眼睛周圍的肌膚
產地：台灣
購買地點：萬寧、屈臣氏、各大超級市場及藥房等
5. 思詩樂濕潔淨棉
特點：只含經嚴格淨化的純水，無化學物同添加劑，獨立錫袋包裝，經高溫高壓處理。
清潔用途：清潔嬰兒口腔，抹眼睛、嘴部、面部及任何地方
產地：無註明
購買地點：萬寧、屈臣氏、各大超級市場及藥房等
測試短片
成份
揀濕紙巾第一步：睇成分！以下幾點要留意：1. 要用純水；2. 不含MIT及Paraben類防腐劑；3. 不含香料；4. 不含酒精
睇睇5款濕紙巾嘅成分資料：
氣味及味道測試
阿G媽聞下5張濕紙巾同埋抹係嘴到試下，比BB用嘅最好就係無香無味喇。
順順兒：聞落有檸檬香味，抹完咀後Lam下嘴唇會有啲苦澀味。
來來寶：無香、Lam完都無咩味。
Huggies：無香、Lam完之後無味。
Johnson’s baby：聞落有好濃嘅香味，而抹完咀後Lam下嘴唇會都有啲苦澀味。
思詩樂：無香、Lam完之後都係無味。
厚度及滲透測試
帶濕紙巾出街緊係想揀一款可以抹晒BB嘴仔、手仔同Patpat嫁啦，但太薄嘅會易抹穿，太細張又要用多幾張先抹得乾淨，用嚟抹Patpat真係隨時成手都係，所以最好就揀一款又厚又大張嘅！
厚度測試
阿G媽將唔同濕紙巾放上手比大家睇下個厚度嘅分別，厚啲嘅就會唔係好睇到手套嘅顏色，而薄就會好明顯睇到。
順順兒：
來來寶：
Huggies：
Johnson’s baby：
思詩樂：
思詩樂同Huggies比較厚，而Johnson’s baby同來來寶就最薄。
滲透度測試
宜家阿G媽用5蚊銀大細嘅朱古力醬去模擬BB嘅爛便便，首先將濕紙巾放上去，再放一張紙上去，用手壓落去，睇下朱古力醬會唔會滲出嚟。可以由顏色分辨滲透程度，愈深色滲得愈多。如果滲得多，
順順兒：
有滲到但範圍較細
來來寶： 滲得最多
Johnson’s baby： 滲得幾多下
Huggies： 滲得最少
思詩樂： 會滲到少少，但因為太細張，所以有啲醬會唧咗出嚟，直接hi左落張紙度。
價錢＆尺寸
做媽媽嘅當然想揀一款又好又抵用嘅濕紙巾喇！
思詩樂濕紙巾最細張，可能用嘅時候要用多幾張先抹得乾淨，但抹PatPat就真係太細張喇。而其他濕紙巾嘅Size都係差唔多。
順順兒濕紙巾最貴，平均每張＄0.56；來來寶濕紙巾最平，平均每張＄0.26
綜合比較表
Huggies得到最多粒星，有28粒，而Johnson’s baby得到最少星，有17粒星。
