我最喜愛育嬰室2015
帶BB外出，少不免要餵奶、換片，一間私隱度高、舒適、乾淨的育嬰室可以說是BB、爸媽們的恩物。今次 testingmama 親身走遍了香港其中15間商場內的育嬰室，看看哪一間的環境、設備最完善！
iFC
雖然這裡匯集多個名牌商舖，但育嬰室卻只是非常非常普通。一入到去，空間就只有咁多。
餵奶與換片墊對到正一正 
…
☟拉下換片板後，只剩下窄窄的走廊位置，父母要搵位企好換片，相當不容易。而且板上沒有軟墊，也沒有即棄換片墊提供。
☟只好用濕紙巾抹一抹換片板。這裡還有暖奶器。
☟這是唯一一張哺乳用的椅子。
☟只提供以下少少設施
獨立哺乳間：無
可上鎖：可
換片板：有
洗手設備：有，自動感應水龍頭及梘液
插蘇：無
椅子：有，普通椅子一張
暖奶器：有
暖燈：無
濕紙巾：有
BB車：有，但需向禮賓站借用
其他：有背景音樂
推薦度：
雖然設備配置麻麻地，但整體感覺都算乾淨。
衛生度： 垃圾筒是無蓋的，坐著餵奶時會聞到飄出來的陣陣氣味= =
空間： 拉下換片板後，行都無得行
設備： 換片板略嫌重得滯，一手抱 B一手落板，感覺幾危險
簇新： 可能使用率較低， 整體感覺新淨
Elements 圓方
這家可以說是靚叻媽至愛的育嬰室，可以話係全港最勁、設備最完善的育嬰室，完全讓人流連忘返。
五星級酒店般的設計，空間寬敞，多人使用也不會迫。
☟一進去，就見到換片區的長長梳化椅
☟比起其他育嬰室，這裡的設備可以話係非常多元化，濕紙巾、暖奶器、量杯、BB潤膚露、清洗液、冷熱水機、空氣清新機、電子磅等等一應俱全，真係超貼心！
☟換片墊設計更是內陷式，安全度大增
☟哺乳室內空間也很大，樣樣都好乾淨好齊備
☟連暖燈和暖風機也有，更驚喜的是還有即棄換片墊！
獨立哺乳間：有，一間
可上鎖：可
換片板：有
洗手設備：有，自動感應水龍頭和梘液，避免交叉感染
插蘇：無
椅子：有，換片區有長梳化椅，哺乳室內亦有一張獨立梳化椅，上有cushion
暖奶器：有，多個暖奶器
暖燈：有
濕紙巾：有
BB車：有，但需向禮賓站借用
推薦度： 堪稱全港最正的育嬰室！
衛生度： 縱使多人使用，清潔姐姐仍然定時作清潔，室內完全沒有異味
空間： 走廊位置如果能再闊落一點，增設多間哺乳室會更好
設備： 是全港最多設備的育嬰室，你想得到的設備都有，想不到的也有
簇新： 雖然整體燈光較暗，但仍清楚見到所有設備、物品都好新淨，猶如五星級酒店！
奧海城
☟一入去就只係咁樣大大一間房，設備欠完善。
☟但整體新淨、乾淨。
☟十分簡單的佈置
☟即棄換片墊
☟哺乳膠椅
獨立哺乳間：沒有，餵奶與換片在同一空間內進行
可上鎖：可
換片板：有，兩張
洗手設備：有，一個自動感應水龍頭和梘液
插蘇：沒有
椅子：有，一張膠椅
暖奶器：沒有
暖燈：有
濕紙巾：沒有
BB車：沒有
推薦度： 整體簡約乾淨，但設備欠完善，私隱度亦相當低
衛生度： 沒有異味，但垃圾筒頗滿
空間： 可停泊2-3架BB車仍有位行
設備： 基本如濕紙巾、暖奶器、獨立哨乳室也缺乏
簇新： 使用率較低，尚算新淨
青衣城（稻香側、2/F）
青衣城這個商場的育嬰室使用率很高，但整體感覺一D都唔求其。
☟一入到去，雖然空間並非很大，但整體感覺乾淨。
☟裝修有落過心思。
☟雖然沒有濕紙巾，但呢度有好多育嬰室都無既消毒酒精、恆溫水、暖燈、冷熱水機、空氣清新機，認真sweet
☟而且換片墊又夠闊，更是罕有的下陷式設計，安全度大增！
☟接著看看哺乳室～
☟入面都算乾淨，和外面一樣的設備，但唯獨沒有濕紙巾和暖奶器
☟哺乳的梳化椅上有cushion，坐得更舒適。
唯一一間以最清晰、最可愛的方式表達有什麼嬰兒用品服務和設備的商場。
獨立哺乳間：有，一間
可上鎖：可
換片板：有
洗手設備：有，自動感應水龍頭和梘液
插蘇：無
椅子：有多張梳化椅，上有cushion
暖奶器：有，但需去顧客服務中心借用
暖燈：有
濕紙巾：有，但需去顧客服務中心借用
BB車：有，但需去顧客服務中心借用
推薦度： 青衣城經常搞很多小朋友活動，靚叻媽也有多次使用這間育嬰室
衛生度： 無論在換片區或是哺乳室，都設有獨立空氣清新機，而且設施有女廁清潔姐姐定時清潔
空間： 有劃分車位給BB車停泊
設備： 雖然室內沒有設置濕紙巾和暖奶器，但其他基本設備比起好多育嬰室更充足
簇新： 雖然使用率高，但設施算是頗乾淨，大致沒有破損
Mega Box
雖然位置偏遠，但位於L9的童真天地真係小朋友的天堂！不過，要搵佢個育嬰室就一定要問人，因為童真天地入面都無水牌或吊牌指示的，好容易經過就錯過左 
☟佢個育嬰室門口係咁既，驟眼睇好似維修緊/裝修緊既感覺，眼大好易睇過龍
☟入到去係無鄧坐既，一埋位就換片架喇，行到攰果陣想抖下都唔得 T____T
☟設備種類都算齊備，很貼心
☟全場唯一的換片墊，又高又窄，幾危險 >”< 換片果陣真係要打醒萬二分精神啊！
☟哺乳室內的長椅，可以供幾位媽媽同時使用，仲可以傾下湊仔經。值得讚的是牆身鋪滿彩色軟墊，
就算BB唔小心撞親，都無咁驚！
☟餵完奶，著返好衫，可以照下全身鏡先走
☟有告示列明仲有其他設備/物品的借用位置
☟牆上的裝修，同外面童真天地一樣好Colorful好得意
獨立哺乳間：無
可上鎖：不可
換片板：有，一張供二人使用
洗手設備：有，自動感應水龍頭
插蘇：無
椅子：有
暖奶器：有
暖燈：無
濕紙巾：無
BB車：有，需向客戶服務處查詢
推薦度： 因為好多設備都係得「1」個，如果增加多少少數量會好D
衛生度： 雖無清潔姐姐駐守，但整體感覺都很乾淨
空間： 要兩人共用一張換片墊，水龍頭又得一個，都幾唔方便
設備： 建議加返個獨立哺乳室好，始終唔係每個媽媽都想同人分享同一個空間
簇新： 整體都好乾淨
新世紀廣場 (Moko)
唔知係咪多強國人使用，呢個商場無論係廁所定係育嬰室，都係咁異味熏天⋯
入到去，換片、哺乳同一空間內進行，無遮無掩 … 擺左架BB車係度更加係無位行⋯⋯
☟入面要乜無乜，唯一可以讚下既係佢張梳化椅幾靚幾好坐。
☟設備就係得咁多，一眼睇晒⋯⋯
☟唯一一樣其他育嬰室無既「濕紙巾保溫器」，唔好咁開心住，因為成個育嬰室係無濕紙巾提供既 = =
☟裝修有落過下心機，基本上設備係乾淨既，只係臭味太嚴重
獨立哺乳間：無
可上鎖：不可
換片板：有，極細張，用果時要打醒十二分精神，如果唔係阿B好易碌落街
洗手設備：有，自動感應
插蘇：無
椅子：有，只有一張for哺乳用
暖奶器：無
暖燈：無
濕紙巾：無，但又無啦啦有個濕紙巾保濕器??? 個人覺得係 useless 囉
BB車：無
推薦度：
衛生度： 去過咁多間育嬰室，佢係最臭的一間
空間： 泊左車都行唔到
設備： 要乜無乜，個濕紙巾保濕器可能冬天有用既，呢個保濕器其他育嬰室都無的
簇新： 算係新淨，裝修都唔錯，使用率咁高黎講，還是保存得頗簇新
荃新天地
在UG、地下、1樓均設有育嬰室，但是地下那間略嫌臭味太強，而且好多人用，奉勸大家好似靚叻媽咁去UG或者1樓果間。
☟一入到去，門口就對正男廁，都幾大陣味⋯⋯
☟空間就係得咁多，推埋車入去就舉步為艱。有兩張頗殘舊的換片墊，敢唔敢俾阿仔訓落去就見人見智。
☟有乾紙巾、自動感應水龍頭，但就無濕紙巾
☟育嬰室內有兩間哺乳室，每次使用都要打電話，然後等阿姐開門⋯好唔方便
☟哺乳室裡面就係得一張梳化椅，無其他設備。同埋窄到推唔到BB車入去 。
☟有插蘇
☟有全身鏡，餵完奶整理下件衫先走
☟雖然育嬰室內裡設備欠完善，但有張貼告示提供以下服務，亦是好多其他育嬰室沒有的
推薦度：
衛生度： 縱然裝有空氣清新機及有女廁清潔姐姐定時清潔，但仍然有少許異味。
空間： 不知道BB車可停泊在哪裡？
設備： 基本如暖奶器也需向服務處借用，略嫌麻煩。借用服務中，更無濕紙巾供應。
簇新： 位於旺區，使用率頗高，換片墊尤其殘舊
獨立哺乳間：有
可上鎖：可
換片板：有，換片方向垂直，不用爸媽們拗腰換片，頗貼心
洗手設備：有，自動感應水龍頭和梘液，避免交叉感染
插蘇：有
椅子：有
暖奶器：有，但需向服務處查詢
暖燈：無，但全室溫度適中，幫阿仔換片時亦不擔心著涼
濕紙巾：無，服務處也無提供
BB車：有，但需向服務處查詢
愉景新城
新裝修後的愉景新城煥然一新，連育嬰室也一併進化起來。一入門口便是手觸感應的自動門，感覺好High Tech。
☟但係就係正男廁旁邊⋯⋯
☟入到去環境闊落，泊3、4架BB車都無問題
但係所有野都係得「1」，1張換片墊，1個洗手裝置、1間哺乳房。雖然門外不遠處有設座位for等候，
但都要等成25分鐘⋯⋯
☟哺乳室，使用前要先致電管理處，再等阿姐開門，都幾麻煩⋯
☟哺乳室都好大間下，但裡面就係得一張台一張鄧一個垃圾筒，無其他。
☟哺乳室上鎖後會紅燈顯示使用中。
☟前所未見的空氣消毒機
☟愉景新城貼有呢塊告示（好多間育嬰室都無架），佢地有提供以下咁多款物品/服務，非常貼心
另外補充一下，愉景新城1樓剛翻新了的育嬰室，空間感很充足。
仲有3間獨立哺乳室添！
獨立哺乳間：有，手觸感應開門，有人使用中會有紅燈提示
可上鎖：可
換片板：有，換片方向垂直，不用爸媽們拗腰換片，頗貼心
洗手設備：有，自動感應水龍頭和梘液，避免交叉感染
插蘇：有
椅子：有，舒適乾淨梳化椅
暖奶器：有，但需向服務處查詢
暖燈：無，但全室溫度適中，幫阿仔換片時亦不擔心著涼
濕紙巾：有，但需向服務處查詢
BB車：有，但需向服務處查詢
推薦度：
衛生度： 有女廁清潔姐姐定時清潔，乾淨無臭味，而且有空氣消毒機
空間： 如果帶埋爸爸和BB車入內，空間也很充足
設備： 基本東西如濕紙巾、暖奶器也需向服務處借用，略嫌麻煩
簇新： 因為是新裝修，非常新淨
又一城（L2）
呢間完全係靚叻媽去過咁多間育嬰室中最殘舊的，雖然地方幾大，泊到3-4架BB車，但整體感覺好似日久失修咁 
☟兩間舊舊的哺乳室⋯
☟換片區，奇怪的是水龍頭同換片墊係分開，而且又無濕紙巾供應 … R爆頭
☟都算有少少良心，係自動感應的水龍頭同梘液
☟推門入去看看哺乳室～
☟好神奇地哺乳室有埋換片墊同水龍頭，但依然都係無其他設備的。
☟個重點係呢張鄧，坐上去危危乎，其實咁大間商場，換過張鄧真係咁難咩？
獨立哺乳間：有
可上鎖：可
換片板：有，但頗殘舊
洗手設備：有，自動感應
插蘇：有，在大門口旁，正常人都唔會用
椅子：有，好殘舊
暖奶器：無
暖燈：無
濕紙巾：無
BB車：無
推薦度： 「百無」又殘舊的育嬰室，寧願出去公園餵奶
衛生度： 內有少少異味
空間： 空間算是寬敞，泊幾架BB車仍有空間走動
設備： 沒有濕紙巾、暖奶器，而且哺乳座椅更相當危險
簇新： 是靚叻媽去過最殘舊的育嬰室
沙田新城市中心一期
呢間都係靚叻媽最喜歡的育嬰室之一！而且佢成件事都同海運好似，又係一樣有好有禮貌既清潔姐姐駐場，但呢個新城市一期設備上就比海運多左個嬰兒磅。
☟好Grand的門口，仲係感應自動門，抵鑽！
☟入面換片區空間都算充足，但整體比起海運就細少少，設備數量亦少DD。
換片墊只有兩張，多人時要等一等。濕紙巾、乾紙巾、磅、暖奶器都有。
☟換片墊係下陷式設計，仲有埋安全帶，十分安全！
☟不過個垃圾筒口較細，要掉尿片果陣首先要將條片摺細先掉到
☟仲有兩間好 Grand 的哺乳室，入到去真係唔捨得走
☟出乎意料地，依張哺乳鄧好好坐！
☟入去哺乳室後，按鍵上鎖，單手抱B上鎖勁方便，仲有埋通話器方便吹雞
☟位於換片區的暖奶器
獨立哺乳間：有，兩間
可上鎖：可以
換片板：有
洗手設備：有，自動感應水龍頭和梘液
插蘇：有
椅子：有，有軟墊的椅子
暖奶器：有，兩部
暖燈：無，室溫較冷，換片要快手快腳
濕紙巾：有，多部濕紙巾機
BB車：不詳
推薦度：
衛生度： 有清潔姐姐駐守，全場環境非常衛生，而且清潔姐姐好主動幫手、亦好有禮貌！
空間： 如果可以好像海運咁有個張超長梳化+泊車位會更好
設備： 如果可以像青衣城一樣加上冷熱水機，會更貼心
簇新： 裝修都有落過心思，整體好Grand。
沙田新城市中心三期
與沙田新城市一期相差好讓的育嬰室啊 ….
一踏入去，地方就只有咁大，剛剛好夠擺放一架BB車，但是擺了BB車後好難轉身。
地上白色那張便是哺乳用的座椅，坐正係垃圾筒旁邊餵奶，BB仲會有胃口咩？
雖然整體裝修有落過心思，幾似BB房。
☟需要向左扭向右扭既水龍頭，交叉感染機會增加⋯⋯ 不過有冷熱水選擇，加返少少分啦～
☟換片墊上的得意天花燈
☟洗手盤旁邊擺了幾張呢D不織布墊，可能管理處都知道換片墊殘舊，所以特別供應呢D即棄墊墊住換片⋯⋯
☟牆身上幾得意的身高尺
☟左手邊的乾紙巾盒
獨立哺乳間：無，餵奶在垃圾筒旁邊進行
可上鎖：可
換片板：有
洗手設備：有
插蘇：無
椅子：有，相當簡陋
濕紙巾：無
暖奶器：無
暖燈：無，但全室溫度適中，幫阿仔換片時亦不擔心著涼
尿片：無
BB車：無
推薦度： 如果只是換片，是可以接受的
衛生度： 房內都算通爽，無異味
空間： 非常狹小，擺了BB車後好難轉身
設備： 濕紙巾、暖奶器、自動感應水龍頭都缺乏，但有換片不織布提供，補回少少分數
簇新： 換片墊、櫃邊都頗殘舊同污糟
海港城 (海運大廈)地下
海運大廈地下分別有兩間一大一細的育嬰室，位於整條童裝街上，水牌清晰可見，非常易搵。
海運每間育嬰室都很寬敞、舒適，是testingmama最滿意的育嬰室之一！
這裡的兩間育嬰室都有清潔姐姐在場駐守，非常有禮貌會問「有咩幫到你？」，而當你有問題詢問時更是有問必答！
哺乳室內空間充足，帶埋爸爸和BB車入內亦能活動自如。不得不讚的是軟墊梳化，行得攰，坐著餵奶很舒適！
獨立哺乳室：各有兩間獨立哺乳室
可上鎖：雖然不能上鎖，但是關門後門口會亮燈提示此室正有人使用中。
當時靚叻媽正等候入內餵奶比阿仔，等左大約 20 分鐘，時間尚算合理。不過，當靚叻媽見到右手邊門出黎 ge 內地女人無帶住小朋友，得佢自己一個霸住間房 20 分鐘唔知係入面做咩，妨礙真正有需要既人使用，真係人神共憤
☟換片板：有，很大張，而且是軟皮墊，既清潔，也有一定保護力
洗手設備：有，多個自動感應水龍頭、梘液，避免交叉感染，而且無積水，清潔姐姐認真抵讚
☟近距離看看洗手設備～
☟好大個BB車泊車位，真係足足大過一個私家車車位呢～
椅子：有，舒適的梳化椅，而等候區亦有長梳化椅，位置很充足
暖奶器：有，細育嬰室有2部，大育嬰室有3部，另哺乳室每室內各有1部
濕紙巾：有，但紙巾味道頗重藥水味
尿片：有，需向客戶服務處查詢
BB車：有，需向客戶服務處查詢
插蘇：無
暖燈：無，但全室溫度適中，幫阿仔換片時亦不擔心著涼
其他：有輕快的背景音樂，聽著讓人輕鬆
推薦度：
衛生度： 通爽、無異味
空間： 有晒泊車位，仲要成個育嬰室有一大個鋪位咁大，真係好窩心！
設備： 如果有埋冷熱水機就好啦！
簇新： 新裝修，勁正 
利園一期
眾所周知利園專係賣名牌，仲要係唔貴唔賣果隻。但又有邊個會諗到，名牌包裝下既育嬰室居然如此不堪。難道賣得咁多名牌，花果少少錢整間好少少的育嬰室都咁難嗎？
利園一期、二期分別只有一間育嬰室，周末時間想使用，真係有排等。
首先講講一期果個育嬰室
☟水牌都算清晰
跟住行到入去，就見到得呢道門。
企係呢個位等呀等，因為個育嬰室係正男女廁旁邊，而且旁邊就係三四間餐廳的「後欄」，望住D職員同人客車水馬龍咁出出入入，推住架BB車既我相當尷尬，仲要係無鄧坐，成舊望夫石咁⋯ 等左15分鐘左右，點知裡面出黎既係一個疑似煲完煙既職員，事關靚叻媽一入去好大陣煙味囉
不過據靚叻媽所知，利園一期呢間育嬰室因為無人監管，所以經常被附近職員當作吸煙室、更衣室、多用途室⋯⋯ 如無必要真係唔好用呀！
☟一入到去，豆潤咁細個位，擺左架BB車即無位行⋯⋯
☟諗起個職員就係坐係度煲煙，仲點敢係度餵奶啵
☟拉下來的硬綁綁的換片板⋯⋯完全唔放心比阿仔訓落去
☟見牆上有個紙巾盒，滿懷歡喜以為係濕紙巾，一蚊出黎原來只係乾「餐紙」⋯⋯
獨立哺乳室：無，換片同哺乳在同一空間內進行⋯⋯ OMG真係
可上鎖：可
洗手設備：有，自動感應水龍頭、梘液，避免交叉感染
椅子：有
暖奶器：1部
濕紙巾：無
尿片：有，需向客戶服務處查詢
BB車：有，需向客戶服務處查詢+按金
暖燈：無，但全室溫度適中，幫阿仔換片時亦不擔心著涼
插蘇：有，2個
其他：無背景音樂，得冷氣槽聲
推薦度： 除非好緊急要用，否則都唔推薦用！
衛生度： 雖然有人吸煙，但煙味都幾快消失，顯示通風系統OK，內裡環境都算乾淨既 (好似係) … 無清潔姐姐駐場
空間： 好細，泊左BB車就無位行
設備： 連濕紙巾都無
簇新： 燈光，設備都「黃咁咁」，用都唔想用呀⋯⋯
利園二期
二期的育嬰室位於2樓的名牌童裝街，件件三四位數字開波，但仍然只得一間育嬰室，真係R爆頭。
☟登登登登！行左咁遠路終於到左利園二期育嬰室門口，好高好大座趟門，影都影唔晒 lol …
☟有個專屬車位，泊到一架BB車。
哺乳室內有埋暖奶器，仲有梳化坐。但因為係布質，感覺頗污糟。另外，右手邊有張尖角台，
一個唔覺意好易撞親BB⋯⋯使用時切記要小心！
☟記得上鎖
☟上鎖後，「使用中」會亮燈。
☟餵完奶著返好件衫，照照全身鏡先走。
☟可以企係呢個方向換片，唔洗拗住條腰咁辛苦。但都係果句，布質既軟墊，又無人清潔，感覺都幾污糟⋯⋯
獨立哺乳室：有
可上鎖：可
換片板：有
洗手設備：有，自動感應水龍頭、梘液，避免交叉感染
椅子：有
暖奶器：1部
濕紙巾：無
尿片：有，需向客戶服務處查詢
BB車：有，需向客戶服務處查詢+按金
暖燈：無，全室溫度頗冷，換片要快手快腳
插蘇：無
其他：無背景音樂
推薦度： 換片墊只得一張，哺乳室又只得一間，有排等⋯⋯
衛生度： 整體都無異味同幾通爽，可惜梳化同換片墊都係布質 ⋯⋯ 無清潔姐姐駐場
空間： 空間合理
設備： 唔知點解利園一、二期都係無濕紙巾？
簇新： 係除左梳化同換片墊舊左少少，其他都幾新淨
皇室堡
呢間都可以話係靚叻媽去過最差的育嬰室！這個育嬰室無法上鎖，且異常狹窄，只有一個洗手盆，及小小的換片位置，連坐下來的地方都無，根本無法用來餵奶或泵奶，難道要站著餵嗎？
☟門口是一道磨砂門～
☟磨砂門口旁邊的「餵奶區」。對住就是男廁門口，點餵？
☟推開磨砂門入去，設備好簡陋，個換片墊窄到一個點，都真係幾驚BB會碌落黎！
☟有返少少人性既洗手設備～
獨立哺乳間：無
可上鎖：不可
換片板：有
洗手設備：有，自動感應水龍頭、梘液，避免交叉感染
插蘇：無
椅子：無，需聯絡顧客服務部安排
暖奶器：無
濕紙巾：無
尿片：無
BB車：無
暖燈：無，全室溫度頗冷，換片要快手快腳
其他：無背景音樂
推薦度： 除非好緊急要用，否則都唔推薦用！
衛生度： 雖然設備簡陋，但整齊都算乾淨。無清潔姐姐駐場。
空間： 俾BB訓在狹窄的換片墊上，隨時碌落黎
設備：
簇新：
