想當年靚叻媽都試過做全職湊仔婆，當時真係攰到我攤攤腰，完全冇晒自己時間，連食野去廁所同訓教都要顧住個B，d人仲要話「係屋企湊仔咪輕鬆過返工」、「你就好啦，係屋企做少奶奶」，真心一聽到就火到黎！有婆婆同工人幫手個d先係少奶奶呀！講到口都乾都係冇人明白我，睇下呢個日本漫畫家點幫全職媽咪出返啖氣！

⇈成晚冇教好訓，朝早5點已經開始煮早餐、整飯盒

⇈ 6點要叫老公起身，但佢依然沉醉係夢中…

⇈ 邊煮飯仲要邊餵奶同換片

⇈ 7點送老公出門，拜託佢幫手處理垃圾

⇈ 結果，人走左，垃圾仲係到…….

⇈ 新手媽媽要鑽研照顧bb嘅知識，仲要一邊照顧阿b。

⇈ 做家務時間。呃，發臭的襪，隔住個Mon都聞到。一路仲要睇住阿B

⇈ 12點阿B又要開餐喇，至於阿媽趁阿B訓著左可以爭取dd時間hea食一下，有時可能連食飯時間都冇

⇈ 間唔中奶奶會冇預兆咁踩上黎，突登嘈醒阿B同佢玩不突止，仲要嫌三嫌四乘機話下媽咪

⇈ 好彩偷到時間可以斷斷續續咁睇下師奶劇，不過唔係人人咁好彩

⇈出去買餸採購時，順便同姊妹呻下老公同奶奶。

⇈ 返到屋企就要開始準備煮飯喇，仲要處理阿B嘅哭鬧。

⇈ 阿B開餐。辛辛苦苦煮好飯，老公又遲返。

⇈ 邊照顧阿B邊睇電視（其實好多人真係冇時間睇電視…）

⇈ 老公飲醉左返黎，仲要叫佢千其唔可以嘈醒BB（男人收工後去飲酒係日本比較常見）

⇈ 好不容易可以訓，又要忍受枕邊人酒氣

⇈ 阿b喊，媽媽又要起身睇

⇈ 搞掂阿b喇，老公又發開口夢嘈住（仲有鼻鼾！）

⇈ 阿b又喊，媽咪半睡半醒間餵奶

⇈ 攰到冇力，索性係廳訓

⇈ 阿b天未光又有動靜，媽媽就崩潰…

⇈ 用最後嘅力量返房訓

⇈ 噢，又到五點了。究竟，有冇訓過？

 如果係初生人奶B，要2－3鐘飲一次奶，每次飲一個鐘，其實比起漫畫入面更忙！

各位男士請好好愛護你老婆～幫多d手，唔好以為係屋企湊仔好得閒呀！

漫畫by丸山哲弘