夏天唔少媽媽都會帶BB去游水，但係比BB用咩水泡好呢？呢排就有款德國品牌紅色水泡超搶手，我地一齊研究下好冇用喇！

Freds SWIMTRAINER 學習游泳訓練水泡

特色：德國品牌

直徑大小：約20-22cm (平量尺寸)

材質：PVC

適用年齡：3個月－4歲 (6-18kg)

安全認證：通過德國TUV與台灣經濟部標準檢驗局安全測試認證

參考價錢：＄199 (Online Shop)

吹氣測試

唔少媽媽都擔心呢款水泡咁多吹氣位會好難吹，其實一個手泵已經可以輕鬆吹起，又比較衛生！

吹氣位置：6個

每次充完氣記得要撳個吹氣位入去，令佢冇咁易漏氣！

穿戴測試

首先將肩帶套入BB膊頭，然後將泳圈套到腰間，先扣左右個扣，再扣上下個扣，然後向下拉肩帶調較到適合鬆緊，就可以合上個蓋！

其實穿戴步驟都唔係太難，不過記得要保持兩邊肩帶長度一樣，唔係小朋友入到水可能會咩埋一邊嫁～

究竟有咩好？

研究完一番後，我地歸納出佢有以下好處：

一、水泡圈到有兩層充氣位，就算一層漏左氣，都仲有另外一層令BB浮起

二、背部有兩個安全扣，唔容易鬆開

三、可以調節大細，水泡中間有兩個充氣位同埋鬆緊帶，可以根據小朋友既身型而決定充幾多氣

四，呢款水泡可以令小朋友訓得比較平，令佢地可以踢到水，而普通既BB水泡或者頸圈只係可以令BB直立或者坐係度