暑假呢個旅遊旺季又就到喇！我諗各位爸爸媽媽都同祖迪媽一樣速勢待發，準備好撲7、8月嘅機票同小朋友去旅行！今次祖迪媽做好哂功課，睇哂每間航空公司嘅小朋友待遇、機票票價、有咩卡通飛機，實行嚟個大比拼！益下大家囉～
講到最多香港家庭會去嘅地方，不外乎都係嗰3個啫：台北、新加坡、沖繩，幫你地格埋價又點話～（我個人真係太善良）

1. 一般航空公司規例及價錢

一般航空公司票價劃分為：

嬰兒票：0-2歲以下
不佔位－爸爸媽媽如果願意全程手抱嬰兒／放喺大腿上，只需要俾嬰兒機碼價錢；
佔位－如果想小朋友有自己嘅坐位，家長必須要帶埋嬰兒專用嘅安全座椅及設備，票價將會等同兒童票價錢。

兒童票：2歲-12歲
一般以未滿12歲為準，唔同航空公司對兒童票界線都有所不同，詳細大家可以睇下表啊～

成人票：12歲或以上
爸爸媽媽都係買呢隻機票，買慣買熟啦！

航空公司會提供嘅嬰兒設備：

飛機安全帶、攜帶嬰兒專用安全座椅、兒童專用安全座椅、CARES 安全帶、嬰兒搖籃

如果想向航空公司借嬰兒設備的話，就必定要盡早預約喇～畢竟數量有限，你上到機先講嘅話，人地都未必班到俾你架嘛！

1. 台北

經過精明嘅祖迪媽比較之後，發現喺搭去台北嘅航空公司入面，長榮航空係最「小朋友－friendly」架～有齊嬰兒設備俾媽媽們借，想買兒童票仲係以出發日期為準添！如果想同小朋友去台北過生日，又可以慳返少少買兒童票喇～

祖迪媽就會喺7月18日（星期二）至7月22日（星期六）去旅行嘅～我呢個格價專員就梗係格好哂價啦，俾大家做個參考啦‌！

去程：7月18日（星期二）
回程：7月22日（星期六）

計勻哂咁多間飛台北嘅航空公司，中華航空係最平嘅～仲可以上網一次過買埋嬰兒票！雖然兒童票價佔成人票價嘅比例係最高，不過佢兩款票價都係最抵架！

2. 新加坡

如果大家諗住去新加坡嘅環球影城（其實都幾多野睇架～），新加坡航空就會比較方便喇！有齊嬰兒設備又有兒童餐食，小朋友搭飛機都夠開心啦！

去程：7月18日（星期二）
回程：7月22日（星期六）

睇返祖迪媽嘅旅行日子，如果要計最抵價錢就非Jetstar莫屬喇！咁由於佢係廉航嘅關係，整體價錢係最平，不過就冇兒童餐俾小朋友喇～媽媽們真係要自己取捨。

3. 沖繩

眨下眼就嚟到媽媽們最愛嘅日本喇！夏天去沖繩可以玩下水上活動，感受下陽起與海灘；冬天就可以睇下最靚嘅水族館，認識下海洋世界嘅奧妙～諗起都想即刻起行啊！如果係暑假去沖繩的話，直航機主要得國泰同香港航空，而國泰就略勝一疇喇～

去程：7月18日（星期二）
回程：7月22日（星期六）

而價錢方面，國泰都係平啲架～兒童票價比例圍返都係大人嘅7成左右，計返一家四口的話，每個平少少都爭成千蚊架喇！
睇完一大堆數字、格哂價之後，就梗係要睇靚野啦！講到去旅行，要小姐、少爺們喺飛機上面唔好咁「活潑」，就一定要有野吸引佢地注意先得～話時話，祖迪媽又知道啲窿路噃！

2. 航空公司彩繪機

1. 長榮航空

台灣野真係特別靚，又夠色彩繽紛！單睇飛機外型就知喇～ 媽媽都超鐘意嘅蛋黃哥！

如果由台北出發，就有機會會坐上呢幾架靚靚卡通人物嘅彩繪機喇！想知道自己坐嗰班機有冇咁得意？都可以先上長榮航空 check 咗先～

2. 中華航空

都係台灣嘅代表，中華航空終於到首創卡通手繪機去熊本！有台灣出產嘅喔熊、高雄熊同埋日本嘅熊本熊陪住小朋友搭飛機，真係萌爆啊！呢3隻熊更係第一次同場合作，想坐到呢架「三熊友達號」就記得上中華航空睇返航班嘅出發地點同時間喇～

3. 航空公司兒童餐

上到飛機又點少得食小朋友期待以久嘅飛機餐呢？飛機上面嘅兒童餐真係令大人都想食埋一份啊！咁靚叫人點捨得食啫～

＊溫馨提示：兒童餐最好預先提出，亦可以喺訂機票時同時要求～

1. 長榮航空

長榮除咗野食之外，仲有餐具同其他飛機用品都好靚架～你叫人地點捨得用呢？（祖迪媽已經心心眼了）

其他航空公司嘅飛機餐都唔遜色架！有啲仲有baby food添，夠哂貼心！

2. ANA 全日空航空

3. 阿聯酋航空

4. 新加坡航空

媽媽們望到都流哂口水啦！

4. 航空公司兒童禮品包

年紀較細嘅小朋友會喺上機後得到一份夠哂 colorful 嘅兒童遊戲禮品包，當中會包括文具、遊戲、活動書籍，全部都可以帶走架～

＊溫馨提示：大部分航空公司已經取消咗短途機嘅兒童禮品包。

1. 國泰、港龍航空

講到搭飛機，要分散小朋友嘅注意力就一定要有航空公司嘅兒童禮物包喇！國泰同港龍嘅禮物包主要會以迪士尼卡通人物為主，有齊顏色筆、填色簿，就唔怕阿B喺飛機上面扭計啦～不過提提大家，而家國泰、港龍航空飛東南亞、東北亞嘅航線都已經冇左兒童禮物包，要飛長途先有啊！

（圖片只供參考）

2. 新加坡航空

去馬爾代夫陽光與海灘又點少得海洋界代表－－Nemo同Dory呢？超精美嘅禮品包啊～媽媽們會唔會想將佢地據為己有呢？祖迪媽而家真係花多眼亂，唔知去邊好喇～

大家準備好買機票，一家大細出走一下喇！