家居頭號致敏源，擊走塵蟎三步曲！
香港好多大人同小朋友有鼻敏感、皮膚敏感 、生濕疹或者暗瘡問題，但好多人唔知問題根源黎自你嘅枕頭同毛公仔 …… 裡面嘅塵蟎！大家唔為意係因為塵蟎細到肉眼睇唔到，但其實你每晚都同緊一堆塵蟎一齊瞓～
TestingMama帶大家睇吓屋企入面邊度係塵蟎重災區先啦。
周圍都有塵蟎喎，點搞好？有兒科醫生接受訪問話，塵蟎嘅屍體同排泄物先係令人敏感嘅源頭，對付塵蟎要多菅齊下，齋用一招唔夠！所以TestingMama今次會教大家 清蟎＆殺蟎＆防蟎三步曲！
清蟎即係要清走哂啲塵蟎，片甲不留！因為有啲塵蟎都會咬人，連佢地嘅屍體同排泄物都係致敏源！
清蟎第一招：除蟎吸塵機
識揀要揀有HEPA濾網嘅吸塵機，因為HEPA濾網標榜可以捕捉空氣中得0.1微米嘅懸浮粒子。塵蟎一般有幾百微米大，所以吸咗佢地之後唔會跌番出嚟。一啲吸塵機仲有電動高速嘅震動拍頭，可以將匿到好入嘅塵蟎拍埋出黎添～
一般大牌子例如Dyson, Hitachi, Electrolux, Bosch都有賣呢類吸塵機。
仲有一點好重要，塵蟎鐘意黑咪炆，所以吸塵之前最好閂哂燈，拉哂窗簾等兩個鐘，等到塵蟎走哂出嚟先一次過吸哂佢地 ！
不過吸完塵其實都唔知吸到幾多，睇唔到成效。所以TestingMama額外買咗ACAREX嘅塵蟎測試套裝，吸唔吸到都得個知丫嘛～
首先就喺吸塵機拎啲塵出黎，然後滴埋啲反應液，再用試紙掂落去，張試紙就會有反應變色。對比吓說明書嘅顏色scale，就可以知道你屋企嘅塵蟎問題係輕微／中等／嚴重。
你可以做呢一系列工夫之前test一次，做完幾個月後再test，睇下塵蟎問題有冇改善。不過呢個套裝我都買咗$800，可以做十次測試，平均$80一次。
清蟎第二招：塵蟎貼
唔想成日吸塵吸得咁辛苦，可以試吓用塵蟎貼。市面上有好多款塵蟎貼都係用誘餌吸引塵蟎，痴住佢哋。TestingMama 今次揀咗一隻特別有專利成份嘅，叫塵蟎捕快，加埋佢地嘅特製染色劑可以令塵蟎現形，貼完可以知道埋個成效！
TestingMama 放咗兩塊塵蟎捕快喺床單、枕頭袋下面，擺咗一個月。其實包裝寫一塊嘅使用範圍係1平方米左右，可以貼三個月先換過另一張。
跟住就係最好玩、最緊張嘅步驟！！用佢特製嘅染色劑，即係塵蟎現形，睇下吸成點！！
說明書嘅步驟都好簡單，只係加啲塵蟎現形粉係個袋，溝少少水，最後浸10分鐘熱水，就有得欣賞戰勝品！！
你可以揀係燈光下面，墊張白紙睇下有幾多粒黑點！如果你受得住刺激，仲可以用高清相機影低佢，放大黎睇！TestingMama有求真精神，所以夾咗個顯微鏡係手機，慢慢睇吓係咪真係吸到。
OMG～ 一路掃，一路見到好多隻痴實哂！想像唔到佢地之前同我一齊瞓呀！！！！
除咗清走佢地，TestingMama另一個身份係職業殺手 …. 所以我仲有好多方法可以殺死塵蟎～跟住我做，唔好心軟呀！
殺蟎第一招：放毛公仔入雪櫃
因為塵蟎係室溫會好活躍，但低過16度就頂唔順。 媽咪可以定期將毛公仔套好，放入雪櫃雪足佢幾個鐘。
殺蟎第二招：高溫清洗寢具
塵蟎係高溫環境就會死。每隔一兩星期，可以用高過55℃嘅熱水高溫清洗寢具。 再拎佢地曝曬三粒鐘。
殺蟎第三招：用紫外線照死塵蟎
市面上亦都有紫外線功能嘅吸塵機或者除蟎機，聲稱拎住黎定點照哂寢具都可以殺死塵蟎 。
要屋企乾淨，平日真係冇得偷懶㗎。不過除咗做以上嘅功夫之外，正所謂～ 預防勝於治療，咁辛苦殺啊吸啊清啊，如果之後唔好好預防塵蟎出現，又點對得自己呢！等Testingmama 過埋防蟎三招俾大家啦！
防蟎第一招：保持乾爽
塵蟎喺濕度70%-80%既潮濕環境會好活躍，
防蟎第二招：勤清走塵蟎食糧
對付敵人最好嘅方法就係斷佢米路～ 塵蟎靠食人類嘅皮屑同毛髮大。
防蟎第三招：使用防蟎床上用品
市面有上啲防蟎寢具可以阻隔住塵蟎嘅活動，用好緊密嘅編織法，
其實要家居清潔，預防小朋友d敏感問題，做媽媽真係好辛苦㗎！不過
購買指南
Dyson：goo.gl/LWsqx7
Acarex：goo.gl/CKsA74
塵蟎捕快：goo.gl/pE5rRf
