又到新年大掃除嘅時候啦，點先可以將屋企D窿窿罅罅、陳年污漬都打掃得乾乾淨淨呢？我就去超市掃咗好多清潔用品返嚟，再上網搵咗堆清潔方法，一於睇下邊D清潔方法真係work啦！今日就同大家測試下呢款家居消毒濕紙巾～奶奶一見到即刻話：「呢D咁嘅濕紙巾用嚟清潔屋企得唔得㗎？」我心諗：試下咪知囉！

＊請注意，以下測試內容均在奶奶密切監視下進行＊

1. 除污度

a. 除塵度

做人阿媽咁鬼忙，屋企收收埋埋咁多野真係冇可能全部抹晒囉，等我摷D封晒塵嘅野出嚟抹下先！

哇你睇下，成個黑手印呀！平時成日用布抹嘅傢俬通常望落都好乾淨，但其實超Dirty呀 （屋企真係好大塵）！用濕紙巾都真係抹走晒D塵喎，有時用布抹淨係推開D塵但係抹唔走，唔通呢個就係網紋嘅好處？

除塵度：

b. 去油

大掃除最煩就係個爐頭…D油漬呀… （奶奶：鬼叫你平時懶抹咩）不過用呢張濕紙巾抹唔抹得走㗎？

咦，估唔到抹多幾抹都抹得走D油漬，摸落都唔會油淋淋，係幾方便喎（可以繼續懶lu～）

去油度：

c. 去食物漬

小朋友成日都會整跌食物，唔即時抹又怕留漬兼惹曱甴，不過佢地一路食一路跌我仲要不斷去搓布抹真係諗起都煩！用濕紙巾抹食物又得唔得呢？

又抹得幾乾淨喎，最緊要係抹完唔會痴立立呀嘛！

不過如果倒到成地都係就無謂用濕紙巾啦…

去食物漬：

2. 方便度

唔使講都知，用濕紙巾抹野就緊係方便啦，不過除咗頭先試嘅屋企鋪塵野、爐頭同食物，呢隻濕紙巾仲可以用嚟抹D乜呀？

a. 小朋友Playmat＆玩具

不過小朋友太細會放玩具入口，抹完最好都係過一過清水～呢樣野係煩少少

b. 屋企隱形細菌點

例如成日會接觸嘅門柄、燈掣、馬桶、水龍頭都可以抹，趁阿仔瞓咗可以快靚正搞掂晒

c. 白波鞋

仲有阿仔返學對白波鞋，整污糟無耐即刻抹都幾work㗎

不過要抹全屋地板就緊係用地拖啦

方便程度：

3. 殺菌度

小朋友成日都病，一個病就全家病…呢隻家居消毒濕紙巾就話可以有效殺菌99.9％*，即係一般常見嘅細菌病毒都可以殺到（包括甲型H7N9、大腸桿菌、輪狀病毒等等），抹野順便消毒又可以避免交叉感染，係幾好嘅～

殺菌度：

4. 價錢

好係好，但幾錢先？

好似呢樽35片裝就賣$24.9

價錢：

5.用後感

用佢嚟抹野真係方便又抹得幾乾淨，不過我自己初初用就覺得隻花香味都幾濃，但係味道呢家野就見仁見智啦

下次再同大家測試其他清潔方法啦，我要繼續大掃除啦，byebye～