【TestingMama Blogger 分享】剖腹產BB會感統失調？小朋友的感統訓練

有人話開刀生BB因為出世時冇經過產道擠壓，所以往往缺乏咗感統上一啲刺激，咁就會好容易令BB發生情緒上敏感、注意力不集中、甚至出現感統問題，咁BB係咪即係會蠢啲？咁我又唔覺得Cody特別蠢蠢～為左令Cody唔好有感統失調，我就會每日都同佢玩唔同嘅野嚟刺激下佢大腦～

隧道遊戲
– 頭、手、腳協調
– 本體覺發展
– 前庭感覺調節

我地又可以玩下捐隧道，係隧道入口爬去另一邊，咁就可以加強肌膚接觸嘅刺激，增加前庭感覺系統，又可以提升佢地動作協調嘅能力，仲可以增加本體覺系統嘅刺激，做埋個全身嘅運動。

平衡步道
– 可以刺激腳底神經
– 刺激全身觸覺
– 增加平衡感

另外平衡步道可以俾小朋友喺上面爬、跑或者跳，可以幫助刺激佢地腳底嘅神經或者全身嘅觸覺，又可以增加佢地嘅平衡感。

感統觸覺墊
– 增加小朋友觸覺刺激
– 鍛鍊平衡力
– 幫助前庭覺

仲有啲感統訓練器材，例如觸覺墊，咁就可以俾小朋友坐上去同踩上去，做到腳底按摩效果同埋鍛練小朋友嘅平衡力，仲會有埋觸覺刺激嘅效果。

打韆鞦
– 刺激大腦前庭系統
– 訓練協調、平衡感
– 令情緒穩定

如果小朋友有得打韆鞦就最好喇～除咗可以刺激前庭覺之外，最重要係可以增強佢嘅專注力。

轉轉杯
– 促進前庭感覺
– 促進平衡力

小朋友又可以玩下轉轉杯，都係對前庭感覺同平衡力好好。

Fit ball
– 促進前庭感覺
– 促進觸覺
– 平衡感覺

同小朋友玩fit ball，對佢嘅觸覺同前庭覺都好有用，可以訓練佢身體嘅平衡力，同埋可以喺遊戲入面增加佢肌肉彈性協調。

所以喺屋企都可以俾呢啲野佢玩下，咁就可以避免有呢啲問題喇～

分享Cody 嘅生活點滴，每一日嘅進步，每一個階段嘅轉變，記錄Cody 全個成長過程。