【Testingmama Blogger 分享】iloom、funny workshop、360書櫃，3款兒童書櫃用後感

呢個就係我第一個買嘅書櫃，當時就想Cody多啲培養閱讀習慣，所以就想買個書櫃可以俾佢一起身行過去就見到有咩書。呢個書櫃就好似雜誌架咁，可以放哂好多唔同嘅書出嚟，咁佢就可以一眼望到佢鐘意邊本書啊～

呢個書櫃同佢嘅視線水平基本上一樣，所以佢行到過去就會睇到佢想要邊本書。

佢好似雜誌式咁放，所以放得唔係好多書，但係對於啱啱佢開始睇書嚟講就適合佢喇～

櫃下面仲有個櫃桶，咁就可以裝下佢啲玩具或者教材。

2. 360度書櫃

呢個係我第二個買嘅書櫃，因為佢實在太多書喇～所以就要買個可以裝到好多書嘅書櫃！呢個可以360度轉，前面又可以放書後面又可以放書，側邊仲會有六個格可以放其他野，放下啲文具都得～或者想唔要側邊六個架又可以拆咗佢然後掛背包上去。

但係由於啲書咁樣放，佢就睇唔到佢想要睇邊本書，有時佢就會將啲書攞哂出嚟，咁就會整到好亂喇～

不過呢個書櫃嘅容量真係好大好大，記得官網上面寫可以放到300本書，我計過呢度全部硬頁書都可以放到二百幾本～

呢個書櫃冇角位，全部位都磨到好圓好滑，所以佢地自己行過時基本上都唔會危險。

3. Funny Workshop 書櫃

呢個係我最新買嘅書櫃，出面會有個好似拉門咁，咁你可以將新買嘅書或者你想佢睇嘅書放喺出面嗰格，可以等佢容易睇到，等佢可以自己拎嚟睇啦～

咁入面一樣容量好大可以放好多本書。

但係呢個書櫃會有個角位，對佢地嚟講會有少少危險，咁可能就要自己痴返個防撞貼係上面喇～

希望以上嘅分享幫到咁多位媽媽啦！

分享Cody 嘅生活點滴，每一日嘅進步，每一個階段嘅轉變，記錄Cody 全個成長過程。