【Testingmama Blogger分享】兩款購自淘寶、G-Market分隔枕／床用後感！

由於BB床放係廳，咁有時氹BB訓已經好攰，好自然係自己床氹完佢訓就唔想放返佢落床，因為我自己都好想洽一下，一陣佢訓訓下扎醒又要拍佢幾下先訓返，如果我出出入入咁行黎行去我果日應該會攰到暈。同BB一齊訓又怕壓到BB ，唯有試下用分隔枕／床。

第一款係購自G-market嘅：

十三個月開始比BB用，因為有個枕頭連住個全身枕，初生BB頸部未發展得好我唔會比佢用。如果細小小嘅BB用可以唔訓上枕頭位。
另一個用途，我放係mat 上面幫佢換片，等BB唔可以咁易逃走。

優點：完全可以分隔我同BB，因為體積較大，又夠高，同埋又較硬凈BB唔容易碌出黎。
缺點：體積好大，霸左半張床

另一個係購自淘寶：

我係旅行專用，不過屋企都可以用。
寫就寫100cm ，但我BB 75cm訓落去其實只係啱啱好。分隔床可以摺埋，可以帶去旅行或者野餐，萬一無端端訓著左就可以用，唔洗咁辛苦抱住，仲有一個可拆式蚊帳包埋。
優點：摺埋左可以放入衣櫃，方便收藏
缺點：如果BB訓得唔定，有時都會碌到出黎。

希望以上嘅分享幫到咁多位媽媽啦！

分享Cody 嘅生活點滴，每一日嘅進步，每一個階段嘅轉變，記錄Cody 全個成長過程。