又到新年大掃除嘅時候喇，點先可以將屋企D窿窿罅罅、陳年污漬都打掃得乾乾淨淨呢？我就上網搵咗堆清潔方法，一於睇下邊D清潔方法真係work啦！

1. 用舊襪清潔百葉簾

百葉簾中間啲罅好細，所以好難用布或者雞毛掃抹，搞到成日都漬左薄薄一層塵係上面 🙁 大家不防試下用舊嘅襪套入手，再用手指夾住每片百葉簾咁抹，真係可以清潔得好仔細！

2. 梳打粉加醋

梳打粉可以話係萬能而又平價嘅清潔好幫手！加入白醋效力更強！將梳打粉同醋以1：2既比例混合，倒入不暢通嘅排水口或倒喺黃漬上面，等幾小時之後用熱水沖洗乾淨就有效果！

3. 檸檬加粗鹽

檸檬可以用黎清潔砧板，咁就唔會有化學物質殘留喺成日接觸食物嘅地方，亦可用佢黎清潔水龍頭、花灑，即係變得立立令，而且氣味亦都好天然清香 🙂

4. 報紙吸異味

雪櫃成日一陣味，好多人都會選擇用檸檬去吸味，但其實報紙都做得到！報紙上面嘅油墨含有碳嘅成分，能夠有效吸異味，日日儲埋嘅報紙終於有用武之地，仲好環保tim!

5.書夾晾乾洗碗海綿

平時用完嘅海綿就算扭乾咗放係個兜仔度漬住啲水都會有成陣嗡味，有時仲會嗡到發霉…其實一個魚尾夾仔就可以解決到！可以更快晾乾！

6. 麵粉去油漬

只需要用適量嘅麵粉撒喺油淋淋嘅爐頭上面，用手捽開，直至麵粉吸走表面油漬。試過就覺得用麵粉吸油可以令爐頭表面變得乾爽，吸油效果顯著，但係捽完後麵粉就難以清理，特別係跌咗落啲罅度

大家都做啲試下啦！