今次想同大家分享一下我地同小朋友做口腔清潔嘅貼士。

係豆豆newborn時都係飲奶為主，所以我都係用清水同擦巾，用熟水濕一濕後包住手指頭，幫佢做返個口腔清潔，最主要幫佢擦返脷苔嘅奶漬做返個清潔。當時早晚都一定會做，同埋每次飲奶後都會幫佢清潔。

到佢差唔多六個月加固時，咁我就幫佢買咗啲BB專用牙刷加強清潔，因為佢食嘅野多咗同埋想佢早啲習慣用牙刷嘅感覺。好多家長都同我講，有好多小朋友見到牙膏牙刷就走咗去～咁我都有少少心得！同小朋友刷牙嘅習慣要培養，我嗰時有兩支牙刷，一支真係用嚟刷牙，另外嗰支俾佢當玩具。平時佢將支牙刷放入口時就會讚佢「嘩你好叻喎 你咁叻嘅？」咁你讚佢多啲，小朋友就知道原來刷牙媽咪會讚，咁佢就唔會咁抗拒喇～

同時我都會播啲關於刷牙嘅歌、俾佢睇刷牙嘅書，等佢習慣咗就會慢慢鐘意～另外我刷牙都會俾佢參與，我會叫佢幫我擠牙膏或者幫我刷牙，等佢覺得原來刷牙都可以好玩好開心～咁佢就好鐘意刷牙喇！

好多家長都會問：到底幾時開始用牙膏呢？大約係豆豆一歲時我就開始俾佢用牙膏，因為佢食嘅野多咗好多同埋出牙出得好快，一歲時已經有好多牙。咁我就用牙膏幫佢清潔，因為水未必夠乾淨，我驚會有口氣同埋蛀牙，所以嗰時喺百貨公司幫佢買牙膏刷牙～但係嗰陣可能因為個味道佢都唔太鐘意。近排我幫佢轉用呢隻牙膏，變咗佢好主動同埋鐘意刷牙，可能佢鐘意個味道啦～佢有四隻味：黑加倫子、青蘋果、士多啤梨同薄荷味，我地就買咗士多啤梨味。佢嘅香味唔係人工製，全部係由生果同精油提煉出嚟，所以佢嘅味道係天然嘅！同埋呢個產品係法國有機認證，佢100%純天然同0%防腐劑，如果佢真係唔小心吞咗落肚都唔需要太擔心。

仲要注意返小朋友啱啱開始刷牙時，未識吐啲泡同埋漱口，一定要揀無氟嘅牙膏。呢支都係適合一至三歲，俾啱啱刷牙嘅小朋友用。

另外呢排都轉咗隻牙刷，呢隻係360度嘅牙刷嚟，顧名思義係360度都可以刷到同埋佢啲刷毛好幼密，亦有報道證實可以94.8%清潔到口腔裡面嘅牙垢，所以我覺得呢侵牙刷好方便。話哂我地幫佢地刷牙要快靚正，呢個可以好瞬速喺佢口入面轉嚟轉去就刷咗！唔駛再好似傳統牙刷咁樣兩邊反，所以呢兩隻產品我都覺得好好用！希望今次嘅小小心得都可以幫到大家啦！

希望大家鐘意～下次再見 bye-bye！

==========================================================