仲有幾日就開學啦，各位媽媽準備好開學用品未呢？D書簿雜費同開學用品一年比一年貴，家用呢就… 媽媽們想慳都難呀><不過小朋友大得快，有時D野用一兩個學期就要換，我就緊係會揀平靚正嫁啦～同埋只要識格價，今時今日買野都可以好抵，今次 testing mama 就決定挑戰用＄1000買齊呀B嘅開學用品！

訪問下都係買緊開學用品嘅媽媽先！佢就話覺得1000蚊冇可能買齊晒開學用品，我唔信！我地就挑戰下喇！

第一站：買文具

買文具又平又齊就係去12蚊店！（當然有d就係街坊文具店比較平喇）

屋企有嘅野都唔洗特登買新，我地今次一共買咗7樣野，Total＄84！

第二站：百貨公司＋商場睇書包

揀書包通常都係去百貨公司或者商場，多數開學前都會有折嫁！最緊要就係帶埋小朋友去試

行下行下，發現d護脊書包都要成5,600蚊，周圍行下昅下先！E~ 呢間＄299渣wor，就買佢啦！

第三站：深水埗＋網上購物開箱

近年網上購物已經係好多媽媽shopping嘅主要渠道，又平又唔洗出門口就買到晒想要嘅野仲周不時有DISCOUNT!

小朋友對腳大得咁快，有時一對返學鞋著一個學期就玩完，所以買對平得嚟又舒服嘅鞋就係我嘅first choice！

呢兩對返學鞋仔同波鞋就係深水埗北河街買嘅，兩對鞋加埋200蚊有找，平得嚟又夠柔軟wor～

著鞋唔通唔著襪咩～返學襪最緊要透氣舒服，一次過買夠10對夠著一個學期嫁啦！$45夠晒抵！

仲有d餐具、食物盒，飯盒同水樽咁都可以上網買，格下價就容易買到正野！

卡通名貼梗係唔少得啦，上網買30蚊有108張！

我仲買埋囡囡小息食嘅snacks喇，呢個餅仔有佢最鐘意嘅Peppa pig!

仲有一大堆林嬸野 …錶呀，銀包呀，雨褸呀，手巾仔呀咁都可以上網買

我地呢d時代潮媽好講究衛生嫁ma，小朋友返學點少得口罩同消毒搓手液呢!

哇！買齊晒咁多野都只係998蚊，仲淨低2蚊TIM…

Challenge Success！你又敢唔敢接受挑戰，可唔可以買得更平？歡迎挑機～