邊隻米糊好？為左方便各位JM更容易選擇合適米糊俾BB，testingmama 親身嘗試、比較同分析市面上幾款熱門又易買到既米糊，等媽媽們有個方向去揀合適既BB米糊，幫助BB有營養又健康地嘗試進食固體食物，補充這個階段成長發育所需的營養！

係俾BB進食米糊之前，各位JM必須要注意以下要點：

1. 人奶B可以係6個月先開始食米糊，因為始終人奶先係最好

2. 奶粉B可以提早係4-5個月開始食米糊，提早食固體食物去吸收更多營養

3. 一但BB可以接受食用固體食物時，每餐與餐之間，必須餵BB飲 1-2 oz 水，建立飲水習慣，幫助腸胃適應

4. 無論糊仔定粥仔，都要視乎BB鐘唔鐘意食，唔可以勉強BB

1. 雀巢嬰兒米粉 Infant Cereal

最多試用裝派發、最容易買到的米糊品牌。添加了很多維他命、DHA等等（成份：大米粉、粟米油、碳酸鈣、磷酸氫二鉀、精煉金槍魚油、魚明膠、膳食纖維、鉀、鈣、磷、維他命運A、維他命D、維他命E、維他命C、維他命B1、維他命B2、煙酸、葉酸、泛酸、維他命B12、生物素、鐵、鋅、鈉、富馬酸亞鐵、硫酸鋅、碘化鉀、可能含微量含有麩質的穀類及牛奶），單看營養成份和價錢，幾十蚊便買到咁多營養，性價比的確好高。但係細看之下，其實入面添加左好多古怪成份，而呢D成份並不天然。

試後感：米糊質地本身較粗，唔係好幼滑既口感，蘿蔔味都香濃，但無乜米既味道。容易混合，唔算好難開。但是，唔知係咪添加得較多古怪成份，食落感覺係大人食物既味道，而且有咸味，米糊黎講算係重口味。如果BB唔喜歡淡味米糊，可以試下呢個。但個人黎講不太推薦，畢竟有很多非天然成份。

價錢：$41.7 / 250 g

產地：中國

推薦度：

2. Heinz 亨氏純米糊 Smooth baby rice first food

係1998年曾經因為兩批嬰兒產品含鉛量過高，需要大規模回收。2006年，又話嬰兒米粉有基因改造成份，到2008年，200克包裝的金裝智多多DHA+AA蔬菜嬰兒配方營養米粉被驗出含三聚氰胺大。亨氏呢個牌子唔少媽媽都對佢無咩信心。但勝在成份比起雀巢稍為天然，都有唔少擁躉。成份包括大米、碳酸鈣、維他命C、煙酰胺、硫酸鋅、維他命E、鐵、維他命B2、B6、B1、A、葉酸、維他命D、B12。

試後感：好濃好香米味，顆粒較細較幼，入口口感非常軟滑，無其他咸味 / 甜味，可惜包裝係普通袋裝，成日都驚住漏氣。開呢個米糊既時候要注意唔可以搞得太勁，如果唔係就會好稀，人奶 / 水 / 奶粉比例上可以落少D。不過，佢之前咁多BB食品都出事，我自己就唔放心比小朋友食呢個牌子既。

價錢：$31.9 / 100g

產地：加拿大

推薦度：

3. Holle 有機燕麥粥

來自德國既 Holle 粥仔可以話係香港媽咪熱捧的牌子，出晒名 Organic而且好多BB都鐘意食，而 Holle 亦都有出 Rice Porridge 姐係米糊，兩款都好受BB歡迎！

成份：全麥大米，維生素B1（法律要求規定）不含麥麩，無添加糖分，不含牛乳成分

試後感：好香的天然純燕麥味，唔怪得阿仔咁鐘意食！顆粒較粗，開頭都驚住會唔會好難吞，點知開左之後又變到好糊狀、好軟身，滑唔滑就見人見智，我自己就覺得係無其他幾隻牌子咁滑既，始終係燕麥質地，但唔會話難吞。最緊要係呢個價錢買到咁大包有機燕麥糊，spec 黎講真係 sure win。開既話都算易開，基本上一落人奶，輕輕搞兩下就好容易起糊，同埋濃稠程度可以自己因返。而且好明顯睇到成份好簡單、好天然，無其他牌子咁多添加物，亦都無咸味/甜味，俾小朋友食都安心D。

價錢：$55 / 250 g

產地：德國

推薦度：

4. Gerber 米糊 Rice Cereal

美國牌子，有機成份，沒有太多鬼五馬六添加物，雖然曾經因為出現問題要回收，更試過係停售左一排，後來又唔知點解又有得賣返，口碑仲要非常之唔錯添！

試後感：好濃郁米味既糊仔，容易混合，食落口感好滑，除左米味之外，明顯係無其他甜味/咸味，夠晒天然！可以再自己加入果蓉，味道更豐富！包裝同平時見開個d好唔同 (一般都係紙盒 / 罐裝 ) ，Gerber 呢隻包裝超方便，打開蓋倒出黎就得，無咁容易受潮，出街同去旅行都唔洗帶咁多野！

價錢：$38 / 227 g

產地：美國

推薦度：