NB沖涼Q＆A
唔少新手媽媽幫BB沖涼都心驚驚，除左要照顧BB安全又要洗得乾淨，仲有好多你意想不到嘅難題，Testingmama為你逐一解答。
Q：BB洗唔洗每日沖涼？
A：唔洗！一星期2-3次就夠。不過每日都要清洗佢嘅面，頸同埋尿片區。
Q：咩時辰幫BB沖涼最好？
A：晏晝沖最好，冇咁易冷親。
Q：幾時可以用浴盤？
A：BB嘅臍帶脫落後就OK，記得要用一個有浴托或浴網嘅浴盤，防止BB冼落去。
Q：應該用咩番梘/淋浴露幫BB沖涼？
A：最好就用天然，冇添加香料或防腐劑嘅番梘/沐浴露，防止孩子嘅皮膚受刺激造成敏感。
Q：點樣係浴室保持BB安全？
A：永遠keep住一隻手掂住BB，其他要用嘅野如毛巾、沐浴露、毛巾放係伸手可及嘅地方。
Q：如果BB唔鐘意沖涼，點算？
A：唔好強逼佢留係浴盤到，可以試下買d佢鐘意嘅沖涼玩具放係水到先，吸引佢主動沖涼。
