大家好，又係我Testingmama！唔經唔覺都同大家測試咗好多年尿片，每一年我哋都挑戰自己嘅腦部極限，諗好多唔同測試俾大家睇。作為21世紀網紅aka零死角靚媽，對BB產品嘅要求當然都要升Lv啦！正式宣布第一屆360度無死角尿片挑戰賽開鑼！

介紹返今日參賽嘅選手，分別有 Pampers Ichiban紙尿片、Merries紙尿片、Huggies Diamond親膚紙尿片、Goo.N柔軟紙尿片、Moony超透氣紙尿片同Nepia Genki紙尿片！

以上六款都係問過媽媽谷最多人用嘅牌子嚟㗎～至於佢哋分享揀尿片最重要有五大重點，分別係透氣度、吸水速度、防回滲力、防漏、同柔軟度！今日呢六位選手將會逐層挑戰！Get Set！一齊進入賽事嘅Round 1！

Round 1. 透氣度

無論係夏天定冬天，尿片嘅透氣度一樣咁重要！事關唔透氣，啲Wee Wee焗住咪好易罨到BB pat pat紅晒囉～

但媽子們用肉眼點睇得出邊款透氣啲呢？等我Show俾你睇啦！

將乾冰加水就可以製成大量煙霧，再將尿片嘅外表層套上去，觀察煙霧穿透得多唔多、高唔高，就知邊款最透氣啦！

一開始睇落好似款款都透到氣，但仔細睇，煙霧嘅穿透速度同升高程度都有分別！呢一Round，Pampers嘅表現就最好啦，穿得快又Keep住升高！Goo.N都唔錯！

Round 2. 吸水速度

下一關嚟個經典吸水測試睇吓有冇驚喜先！將200ml藍色水倒入尿片，睇吓邊款吸得最快！結果都係Pampers蟬聯吸水速度之王啊，緊接住嘅係Nepia，其他四款就要超過20秒先吸完！

Round 3. 防回滲力

吸就吸得快啦！但會唔會呢頭吸完，轉頭返返嚟先？咁阿B成日碌嚟碌去咪成個Pat Pat都濕糴糴？！喺呢個肌肉就是力量嘅年代，屋企有個健腹輪都好正常嘅！等我碌一碌佢哋就一清二楚啦！

Ush！經過我嘅肌肉試驗，呢四隻都只係得小範圍回滲！恭喜晒！

Round 4. 防漏測試

成日聽媽媽Group討論瞓過夜用某啲尿片會漏，大家都好想知點解～

其實有機會係吸得唔夠快，未吸得切Wee Wee就已經流咗出去啊，尤其是瞓覺嘅時候，片片傾斜咗就更易出事！等我將尿片打斜，分兩次加入50ml水，觀察下吸得快唔快！

第一次加水，會見到Pampers、Goo.N同Moony都喺冇咩水痕嘅情況下吸晒啲水。

第二次加水，就見到Goo.N仲Keep到好短水痕就吸收晒啲水！值得嘉許嘅係今次6款都冇後漏嘅情況出現！

見大家咁啱嘴型，贈你哋幾個防漏錦囊啦！

首先幫阿B換完片要Check一Check腰圍夠唔夠緊！

如果係仔仔的話，前腰可以拉高少少～

最後就係留意片片Size會唔會太細，如果仲有漏嘅情況，就考慮吓試唔同牌子啦～

Round 5. 柔軟舒適度

Next！TestingMama知道除咗吸水速度同防唔防漏之外，大家都好Care夠唔夠柔軟，畢竟佢一日24小時都要包住BB Pat Pat，點可以又粗又嚡呢～我買晒咁多包就可以摸上手逐隻試啫，為咗俾大家感受到，今次要出動科學啲嘅方法！摩擦力測試！

將木塊同彈簧秤放喺片芯位置，測試要幾多力才可以拉郁木塊，數字愈大，代表片芯表面愈粗糙！

6款片芯嘅摩擦力其實差唔多，都係好細好細，加上Testingmama親手驗證，大家都過關！

成條片片仲有好多魔鬼細節位影響阿B著得舒唔舒服㗎！例如係整體柔軟度！

大家可以當佢係男神嘅腹肌～～～啊，唔係！係老公嘅肚腩咁搓下摸下，感受下柔唔柔軟！

然後檢查防漏邊會唔會粗糙同拮肉！

再摸下腰圍橡筋位會唔會好緊，勒到阿B皮膚。

留意返，今次Merries、Goo.N都係有彈性後側腰位～

Pampers、Moony就係彈性側腰位～

而Huggies就係成個後腰都有橡筋

Nepia就係冇彈性腰圍嘅！

摸完一輪，我就覺得呢6款整體都唔會特別粗糙或者唔舒服！

基本資料表 ＆ 總結表

挑戰賽已經嚟到尾聲，俾返啲基本資料大家參考先！

當然仲有呢6款尿片嘅挑戰賽成績啦！

希望今次挑戰賽幫到大家揀出最啱阿B嘅無死角尿片，Testingmama會繼續發掘高難度測試，幫大家試盡天下間嘅BB產品！

仲有咩想我哋測試就話我知啦，下次見啦 bye bye！

#購買情報
Huggies: https://bit.ly/2NxnGuN
Pampers: https://bit.ly/3lKRxle
Merries: https://bit.ly/2YXy6gv
Goo.N: https://bit.ly/3vsj6Dv
Moony: https://bit.ly/3j3TN5I
Nepia: https://bit.ly/3mYycfU