做人阿媽真係唔容易! 阿B食咩都要好講究，要唔太甜、營養高、易消化、仲要唔熱氣有靚poo poo等等，市面上咁多隻奶粉，又唔知邊隻好，真係頭都大埋啊！唔使愁，等Testingmama今年繼續幫大家睇下啲奶奶quality有冇upgrade到啦！

今日出場嘅分別係最近出咗新配方既美素佳兒金裝 、牛欄牌樂童、雀巢超級能恩同美贊臣安兒健A+。事不宜遲，即刻睇睇！

1. 糖及甜度

Testingmama教路，幫阿B揀奶奶首先睇下有冇添加蔗糖！好多媽媽覺得蔗糖一嚟容易惹痰、二嚟覺得會令阿B比較熱氣，poo poo都難去啲，無添加蔗糖就最好啦～

4款之中只有得美贊臣安兒健A+係有蔗糖，其餘3款都係冇添加蔗糖成份。

咁含糖量又表現如何呢？世衞建議，小童每日糖分攝取量唔應該超過總熱量百分之十，而且好多媽咪經常inbox問邊隻配方奶奶冇咁甜呀？你知啦，阿B食開咗甜嘢，就會越食越甜，所以媽咪要由細開始幫阿B建立清淡嘅飲食習慣！

美素佳兒金裝糖分就最低，其次就係雀巢超級能恩。但齋睇數字都係未夠安心，等我親身試埋味，媽咪幫阿B把關就最安心。

的確，最唔甜嘅就係美素佳兒金裝，而雀巢超級能恩隻味就最唔同，因為佢係用水解蛋白，所以有d苦苦地咁～

2. 蛋白質

阿B要健健康康、快高長大，蛋白質就係重要嘅元素，佢可以幫助增加肌肉同埋令骨骼變得強壯！

睇返罐身就一目了然！美素佳兒金裝嘅蛋白質含量最高，其次就係美贊臣安兒健A+！

唔要沖出嚟又係點呢？Testingmama再嚴謹啲！我哋用埋科學嘅方法測試！將蛋白試紙浸落啲奶奶度，越深色就代表蛋白質含量越高。

睇返結果，美素佳兒金裝同美贊臣安兒健A+係最深色，Match返佢哋嘅奶粉蛋白質含量!

咁越多蛋白質係咪會越貴呢？做個精明嘅消費者！等我幫你下圍返每$1買到幾多蛋白質啦～

結果出爐～4隻入面CP值最高嘅係美素佳兒金裝，每$1就買到0.88g蛋白質～排中間嘅就有雀巢超級能恩同美贊臣安兒健A+，分別係買到0.6g同0.62g。

認識牛奶蛋白

講起蛋白質，除咗份量要夠，仲要重視質素！唔知咩係蛋白質？唔緊要，等Testingmama教大家認識牛奶蛋白啦！

牛奶蛋白質主要分乳清蛋白同酪蛋白。

酪蛋白就停留喺肚仔嘅時間耐啲，所以都會飽肚啲！佢係牛奶嘅主要蛋白質之一，亦係氨基酸嘅重要來源，仲有助運送礦物質，幫助鈣質同磷質吸收等等。

不過要留意返唔係隻隻酪蛋白都係一樣㗎，礦物化水平較低嘅酪蛋白形成嘅乳凝塊就相對細小同柔軟，喺阿B胃仔消化分解都舒服啲！睇返4款入面只有美素佳兒金裝有提及佢哋酪蛋白礦物化水平較低，消化good good！

3. 母乳低聚糖HMO

奶粉另一重要元素就係母乳低聚糖HMO，母乳低聚糖HMO係母乳入面第三大主要成分，可以支持呀B嘅腸道免疫力！

而4款奶粉入面得美素佳兒金裝同雀巢超級能恩有加入HMO！

4. 沖奶奶測試

好多媽咪都煩惱緊，明明已經冇搖支奶，但沖完又有好多泡～飲到阿B有肚風，影響到消化系統就弊 ！一齊沖嚟睇睇先

唔錯喎！美素佳兒金裝、雀巢超級能恩、美贊臣安兒健A+，呢3隻搓完1分鐘都無起泡！牛欄牌就明顯見到有泡。

總結表

最後畀番個總結表大家睇啦～

相信各位媽子睇完都有個基本Concept點揀啦，想揀一隻營養好又唔太甜嘅其實都唔係咁難嘅！你要識得揀，因為阿B至係老闆！不過記住，母乳始終都係阿B最好嘅食糧。祝大家都幫波士們搵到支專屬奶奶啦！

#購買指南
美素佳兒金裝: https://bit.ly/39jVrbC
牛欄牌樂童: https://bit.ly/33Qnxdl
雀巢超級能恩: https://bit.ly/2vSd4S9
美贊臣安兒健A+: https://bit.ly/2WN5008