大家好！近排有好多媽媽留言想我哋做多啲測試，我有睇大家啲留言㗎！又係時候要搞返個大賽啦，我就收集咗年度最多媽媽推介嘅尿片，揀咗4個入圍選手參加「皇者尿片爭奪戰」！呢4個選手分別係：Huggies Diamond、Pampers Ichiban、Merries同Goo.N Marshmallow。（排名不分先後）

為咗公平起見，今次全部都係用細碼片片嚟測試！

第一關：吸水速度

第一關就嚟個最熟悉嘅test先啦！將100ml藍色水倒入片片，睇吓邊款吸得最快！

哇！Pampers只需要8秒就可以吸晒啲水，吸力強勁啊！極速吸水王仲唔係你？其他3隻都要超過10秒先吸得哂！

第二關：防回滲力

通常著細碼尿片嘅B，大約就4-8kg重左右～想知啲尿片會唔會回滲？等我搵個替身幫手先。

依家4款尿片都分別吸咗水，放咗砝碼上去之後，Pampers只有小範圍回滲，而Merries同Goo.N就有中範圍嘅回滲，但都可以接受啦！

第三關：透氣度

夏日熱辣辣吃西瓜消暑解渴～唔係講笑啊，最近天氣熱到連我食西瓜都頂唔順想除底我件戰袍！

呢個天氣，阿B日日都要著住片片，如果唔夠透氣，分分鐘會罨出紅疹㗎！

將尿片嘅內外表層分別套喺玻璃管嘅兩邊，入面放相同份量嘅發泡膠粒，再用風扇喺內表層向上吹，模擬BB Wee Wee之後透氣嘅方向！

Pampers、Merries同Goo.N嘅發泡膠粒都飛得好高，證明真係好透氣啵！

第四關：散熱度

數學題！依家室外溫度係攝氏30度，你同阿B喺充滿陽光嘅街道上，再加上阿B啱啱瘋狂同陽光玩完遊戲，再再加上阿B喺片片度wee wee咗，請問阿B嘅體感溫度係幾多度呢？

唔使計都知係爆熱啊！

即刻睇吓呢4款尿片，邊款散熱得最好，可以成為阿B嘅夏日救兵啦～

將37度嘅藍色水倒喺尿片上面，再分別度吓片芯同尿片外嘅溫度。尿片外溫度越高，而片芯溫度越低，就代表散熱程度越高啦！

Pampers最勁係你啊，其餘3隻都係片芯內比片外更高溫～

第五關：吸水量

講到尿片啦喎，吸水力緊係重要啦，今次我哋嚟睇吓每款尿片嘅吸水極限！將4款尿片放喺電子磅上面，慢慢倒水入去，直至吸唔到更多水為止！

對比返前後重量，Goo.N 總共吸咗差唔多成600g水啊，完全係夠用有突啊！其實細碼B一日尿量都係4至500ml，千祈唔好罨到咁多Wee Wee先換片啊！

第六關：整體尿片設計

揀尿片除咗要考慮佢嘅功能性，佢嘅外觀設計都係要考慮嘅一部份嚟㗎！柔軟度、腰位、兩側同貼紙設計，其實每part都會影響到會唔會漏尿，同埋阿B著得舒唔舒服㗎！

就咁摸上手4條片嘅片芯都算好柔軟，過到我Testingmama呢關啦！

腰位嚟講，Merries同Goo.N都係彈性後側位。

Huggies就成個後腰位都係有彈性。

Pampers就係彈性側腰位。

有啲媽媽會怕橡筋位勒到阿B皮膚，大家揀嘅時候都可以考慮埋呢個Point！

4款尿片嘅貼紙位都係用圓角設計，唔怕會到刮阿B皮膚！掂呀！

而要test貼紙黏貼力，我今次就準備咗一條橫杆！將尿片兩邊貼紙貼好掛喺上面嘅，再睇吓佢哋頂唔頂得順5磅嘅啞鈴先！

估唔到4隻都堅持到啊，Testingmama只可以講聲，Respect！

講咗咁耐，俾返啲基本資料大家先：

當然仲有呢4款尿片嘅戰績啦！

4款尿片其實都各有出色嘅地方！各位媽媽可以根據自己阿B嘅需要，揀返最適合嘅選手，始終阿B先係真正嘅王中王嘛！好啦！2020年皇者尿片爭奪戰完滿結束！下次見啦！

#購買資訊
Huggies Diamond：https://bit.ly/2NxnGuN
Pampers Ichiban：https://bit.ly/2A54Vf8
Merries：https://bit.ly/2Z4vTvK
Goo.N Marshmallow：https://bit.ly/2ZqhdYn