Hello！大家好，又係我Testingmama！因為早排防疫，用濕紙巾嘅頻率高咗好多，但你知啦，BB皮膚比較薄又易敏感，唔係乜都可以用嚟抹手抹面㗎……今日我就揀咗幾款媽媽谷討論度比較高嘅濕紙巾測試下，分別係HUGGIES新出嘅輕潤柔膚濕紙巾、Johnson’s Baby嘅嬰兒護膚柔濕巾同順順兒嘅頂級嬰兒濕紙巾。

1. 保濕滋潤度

媽媽最驚就係濕紙巾會抹到阿B皮膚乾爭爭，又或者抹走晒啲油分，BB皮膚都要追求水油平衡㗎嘛！第一回合就嚟試下佢哋夠唔夠保濕加滋潤啦！

啊，等我變Testingbaby出嚟試下先！首先用皮膚水分計測試下阿B原本手仔嘅水分同油分水平。再將手仔分3個Area，分別用3款濕紙巾抹一抹，等佢乾咗之後，再Test下有咩分別！

Wow！3隻牌子嘅水分同油分都有升到，HUGGIES就升得最多，證明最保濕同滋潤都係佢喎，唔該晒Testingbaby！

2. 清爽度

淨係保濕同滋潤都未夠㗎，如果用完黐立立，莫講話BB，大人都唔鍾意啦～特別係夏天，小朋友出去玩可能流好多汗，抹完清清爽爽就舒服好多啦。

用手背抹完濕紙巾等佢乾，再放入發泡膠粒度，睇下會唔會黐住先！

HUGGIES同順順兒嘅表現都好好，只係黐咗幾粒咋！不過Johnson’s baby呢隻可能因為有加Lotion，所以會偏向黐立立一啲。

3. 觸感

濕紙巾一定要低致敏又唔刺激，抹到我心肝寶貝皮膚紅咗真係唔放過你呀！等我用對纖纖玉手親身感受下佢哋嘅分別先！

3隻摸落都夠濕，唔係一抽出嚟就乾爭爭嗰種，過關！

講到順滑呢，我就咁用隻手Feel就係Huggies最滑，Johnson’s baby就有啲嚡嚡地咁。

而家擺佢哋上枱，再Close up俾大家睇啦，都明顯見到啲纖維密度係有分別㗎～

滋潤感嚟講，Johnson’s baby真係冇得輸！不過會有啲油油地咁。

又到我testingbaby出場，喺阿B手臂上用濕紙巾抹5下，睇下皮膚情況先

埋嚟睇～埋嚟Check！

望落都大致OK冇敏感！

作為有實驗精神嘅Testingmama，我哋嚟模礙一個比較誇張嘅情況，喺我手上抹10幾下，睇吓又會唔會變紅先！

嗱，3個Area都有變紅，不過 Johnson’s baby 就比較紅，等咗陣都未退喎……

戴返個頭盔先！相信冇人會咁瘋狂地抹阿B嘅皮膚，所以呢個結果都係參考下啦～對阿B都係溫柔啲好！

4. 清潔度

作為一張稱職嘅濕紙巾，清潔力當然係基本！睇吓邊款勁啲先～

肉隨砧板上！

仲有…朱古力醬！

HUGGIES同順順兒都係一抹就乾淨，仲唔會黐立立，好唔錯喎！

5. 成分

又到Testingmama放大鏡嘅時間啦，每次買任何阿B嘅嘢之前，我都會反轉佢成個包裝，睇清楚啲成分說明先入手！

揀濕紙巾有3樣成分我要特別Check嘅，就係酒精、MIT同Paraben呢3樣有機會致敏嘅成分，今次就得Huggies同Johnson’s baby有清楚寫明冇呢幾樣成分！抵讚呀！

喺滋潤成分方面，Huggies同順順兒都有用到天然成分，呢一點加分！

我幫大家Check埋價錢啦，Johnson’s baby同Huggies差唔多平，如果計埋性價比，就似乎係Huggies最高喇！

快樂嘅時光過得特別快，又係時候睇總結表啦！

希望今次呢個測試幫到大家，揀到最啱你心水嘅濕紙巾啦！不過始終每個人嘅膚質都唔同，大家買完返去最好都係自己試過先好俾BB用啊～ 

#購買資訊
HUGGIES 輕潤柔膚濕紙巾：https://bit.ly/2TLly62
Johnson’s Baby 嬰兒護膚柔濕巾：https://bit.ly/2ZF0HW2
順順兒頂級嬰兒濕紙巾：https://bit.ly/2XFfcX0