【2019年褲仔大比併！】Merries、Huggies、Goo.N、Pampers

大家好！又係我TestingMama，上個月同大家試完尿片，之後點少得褲仔呢？波士們愈嚟愈嚟大嘅時候，想佢哋乖乖地瞓低俾你換片？咪發夢啦！呢個時候褲仔就好似神一般嘅隊友咁出場啦，就咁穿上去就搞掂！廢話唔多講，即刻開始今日嘅battle！

今日出場嘅選手有:

– Merries 學行褲
– Huggies Diamond 親膚學習褲
– Goo.N 女裝紙尿褲
– Pampers Ichiban 拉拉褲

通常開始著褲仔都係中碼或者大碼，為咗公平起見，今次4隻都係用大碼嚟Test！

轉身射個三分波！BB呢種生物出晒名活躍冇時停，Weewee完褲仔吸濕層會唔會跟住阿B郁動，搞到墜埋一邊呢？頂住腳仔中間實喊喊豬啦！

首先睇下4隻片片吸完水之後嘅樣係點先！Huggies、Goo.N、Pampers都吸得幾平均，係Merries中間位置會零舍凸起咗啫。

好啦～然後將吸完水嘅褲仔擺入呢部迷你洗衣機入面滾動1分鐘，之後睇下邊個打風打唔郁啦！

結果：

Merries: 嚴重變形
Huggies: 沒有變形 WIN!
Goo.N: 有變形
Pampers: 有變形

哇，Goo.N同Pampers都有變形，前後位置有個小山丘出咗嚟，Merries就最嚴重，而Huggies仲Keep得個Shape好好呀，洗完1分鐘之後都無變形，吸濕層仲係好均勻！即係BB Weewee之後, 都唔會形成一舊舊影響郁動！

媽咪成日有迷思，覺得褲仔係俾BB戒片用，好似冇尿片吸到咁多Weewee喎，唔通真係要晚晚叫醒阿B屙夜尿咩…等我試俾你睇褲仔究竟吸唔吸得晒一晚嘅尿量啦！

首先磅咗褲仔本身嘅重量，將佢吸生理鹽水3分鐘，之後拎出嚟晾1分鐘再磅重，兩者差別就係總吸水量啦！

結果：

吸得最多嘅係Huggies，有成986g，就算飲飽咗奶奶先瞓都唔驚！瞓得冧身體先會分泌生長激素㗎～Merries都唔差！而Pampers就吸得最少，只有695g，不過正常小朋友夜晚尿量最多都係300g到，所以4隻著過夜都夠安心！

阿B嘅Weewee同主人一樣，係唔會等人㗎！跑跑跳跳嘅時候一樣照Shuuuuuu，褲仔吸得唔夠快會點？咪就係Weewee四散，四面八方爆出嚟囉～

而家我會將240ml加咗色素嘅生理鹽水分3次倒入褲仔，模擬BB Weewee 3次，計時直至全部吸收，睇下邊隻可以最快吸走阿B嘅Weewee先！

結果：

Merries: 45s
Huggies: 34s
Goo.N: 46s
Pampers: 32s WIN!

登登！結果出爐，Pampers同Huggies用咗大約半分鐘就吸完，而Goo.N同Merries要40幾秒先吸完！

BB Weewee完之後就係靠褲仔背部將水氣透出，先唔會Up住BB Patpat！所以褲仔底層嘅透濕程度係好重要！媽咪唔好摸到褲面有濕氣就以為係漏啊～

TestingMama又有新玩法啦！首先用濕度計量度環境濕度，再將250ml 37度嘅生理鹽水倒入褲仔，然後將濕度計探頭放入褲仔背部，濕度愈高代表透氣度愈高，d濕氣就唔會焗住喺片芯，Up住BB Patpat啦！

結果：

Merries: 84.5%RH（28%RH）
Huggies: 98.3%RH （41.8%RH）WIN!
Goo.N: 95.9%RH（39.4%RH）
Pampers: 94.4%RH（37.9%RH）

上升得最多嘅係Huggies，足足升咗41.8%，即係最透氣！Goo.N同Pampers都大約升咗40%到，而Merries表現就比較差，濕度只係上升咗28%。香港夏天又濕又焗，俾條透氣嘅褲仔小朋友著都冇咁易忟憎啦～同埋隨住小朋友大，唔會下下每一兩個鐘換褲仔，所以透氣度係好重要㗎！

吸得快透得勁都唔夠！吸水表面鎖唔鎖得實啲Weewee先？如果阿B一坐低瞓低啲Weewee Poopoo就獲利回吐！No Way！

褲仔吸完生理鹽水1分鐘後，放上紙巾，再放上5kg重嘅砝碼壓5秒，睇下邊隻回滲得最勁先。

結果：

Merries: 大量回滲
Huggies: 極小量回滲 WIN!
Goo.N: 最多回滲
Pampers: 極小量回滲 WIN!

Huggies同Pampers都幾乎冇回滲呀，Good！而Goo.N就回滲得最勁，成張紙巾濕晒咁滯！

幫阿B換片一字記得曰：快！呢4隻褲仔都係可以喺腰位兩側撕開，再用膠貼包住！四隻撕落都好爽手，膠貼都黐得實，Like晒佢哋！

好啦～嚟到尾聲補充返d基本資料俾大家先！

最後Recap返今日嘅比併：

夏天就到啦！想BB玩得開心又無拘無束，一定要揀隻吸得快、夠透氣、跑跑跳跳吸濕層唔會斷開一嚿嚿嘅褲仔俾佢哋！希望今次個測試幫到大家啦！下次再試其他嘢，bye-bye！