不知不覺小豆快將一歲了，現階段我比較著緊的是小豆的飲食。自從小豆6個月加固後，食粥仔食得不錯的。但到了8個月大的某一天他忽然不吃了，我晴天霹靂！那只好轉行BLW (baby-led weaning；中文叫嬰兒主導進食) ，即係話BB一開始加固，唔再係咩都用攪拌機，攪到變咗糊仔再逐匙逐匙餵俾BB食，反而俾BB做食物嘅主人，俾佢地自由用手選擇放喺前面嘅食物。呢種方法同傳統加固嘅方法好唔同！

所以以下推介呢幾件幫手，並唔係咩攪拌器，而係幫到我整其他BB食物嘅廚房用品，同埋方便小豆自行進食嘅食物墊！堪稱地獄廚神的我，務求令小豆食得健康又開心，唯有工欲善其事，必先利其器啦！

1)  波波飯神器  ——  購自 Aeon $12 店

當初買這個神器時當然是打算整波波飯給小豆，但發覺做出來的飯波比較昜散及太大粒。小豆一揸就容易散開落地，後來我貪方便用這個神器來做肉丸，發現做出來的肉丸特別Q彈！（媽媽有偷偷吃^^）而且比起我用刀打至起膠更方便！

用法：就這樣把肉啄碎後（可以加蔬菜其他材料）放進神器搖搖搖～搖十零下左右就可以！直接造型那去蒸！省時省力！

小貼士：如果要做飯波，建議用保鮮紙就可以了。如下圖。我有時外出吃飯也帶保鮮紙即埸這樣包，大小硬度自己也可以控制，最愛做一口波波飯，小豆吃得開懷 ！

2)  PEAKFresh 保鮮袋  ——  購自 I-herb 店

BB 加固之後，相信好多媽媽都會絞盡腦汁整粥仔或飯仔比小朋友，材料配搭好重要！又要新鮮又要有不同的營養！所以每次煮食時都會配搭不同類型嘅蔬果！

好處：而每種蔬果可能只會需要用少少，未用完的可以放進這個保鮮袋，可以延長蔬果腐爛的過程，抑制細菌生長，使蔬果維持最佳狀態！

我試過半個洋蔥放入保鮮袋超過10日，再用時仍然十分新鮮（一切落去就feel 到!!!）！之前試過沒有用好快變軟，而且呢個保鮮袋超大個可以放很多蔬果，亦可以循環再用！買返嚟一盒有10個保鮮袋，十分抵用！

3)  美國Ezpz Mini Mat 枱墊   ——  購自樓上BB用品店

除咗廚房用品，一張好的枱墊對於BLW 的BB十分重要！因為BB如果將枱墊翻來翻去推跌食物，會增加媽媽嘅工作量！我做咗好多research 之後就鎖定呢個枱墊。

呢張枱墊係美國熱烈追捧！用過的爸媽都一致好評呢！我買的是迷你版，因為實物size 其實也不小！物料係100% 食品級高品質矽膠材料，小朋友用具可以耐高溫，不褪色，不磨損或變形，抗菌防霉，無毒這些一定是基本的！

我最鐘意就算木枱不用加水也可緊緊吸住，而且非常容易清洗，不黏附油漬!  有時有些膠餐具洗幾次，仍然油淋淋！最怕!

有了這張墊，小豆食飯時都専心好多(唔會手多多玩張墊，除非已經食飽）！大愛，推介比BLW 的BB！我還打算購入埋同系列的Happy bowl !

4)  Summer Infant Tiny Diner 2 可攜式防水學習餐墊 ——  購自 I-herb 店

* 物料: 不含BPA, PVC, 乳膠

當初我買這個係貪方便可以捲起袋出街！size 比起上面Expz 果隻大很多，前面有個小盤方便裝著BB的食物碎！

後面有4個吸盤，不過只係玻璃面，雲石面比較易吸，木枱就啜不實了，BB容易將餐墊翻起！我覺得比較適合初加固的BB用，因為佢地破壞力無咁強！這個一手就會翻起了！所以我現在出外也是用Expz 的。

加固的過程確實不簡單，但見到寶寶們吃得健康又開心就是媽媽的動力！
希望以上小小貼士和用後感對媽媽們有幫助！

==========================================================