我哋都有一段時間冇測試奶粉啦，好多新手媽媽都想知揀邊款好，今日就嚟個新玩法試試佢哋！

今日同大家測試嘅有：美贊臣A+ NeuroPro智睿、雅培心美力、美素佳兒金裝、illuma LUXA同雀巢超級能恩！

至於係咩新玩法呢？ 登登！全新TestingFans盲測系列！知道我哋啲Fans平時睇片都好想試埋一份，俾下意見～機會嚟啦！

喺正式進入Testingmama招牌測試前，我哋搵嚟咗5位媽媽盲測試飲，睇下邊款最放心俾BB飲？揀奶粉最著重係啲咩？

媽媽們最著重嘅要求都係：
1.少甜唔熱氣 2.易沖易溶、3.口感幼滑、4.無泡、5.奶香、6.成份好

我哋將5款奶粉根據包裝指示沖好，再分別倒入5隻杯俾媽媽試飲，喺睇唔到牌子嘅情況下各自講出飲後感！

最多媽媽覺得D（illuma LUXA）係最甜嘅，A（美贊臣A+ NeuroPro智睿）同E（雀巢超級能恩 ）最少甜，但E（雀巢超級能恩 ）就有少少苦。

Testingmama實測內容

參考完媽媽們試飲結果，輪到Testingmama出場啦！試沖奶！

1. 易溶

除咗味道啱心水，係咪易沖易溶都好緊要，而家我會按比例用100ml水去沖奶，每款都會搓佢1分鐘！5款目測都冇乜結塊，好似都溶晒咁！

2. 起泡

第2樣要睇就係泡量啦，媽媽最怕BB飲奶飲到成肚風，搞到肚仔痛！睇樽身可以睇到美贊臣A+ NeuroPro智睿同雅培心美力都係無泡，而另外3款都有少少泡！

打開埋個蓋睇呢，illuma LUXA就比較多泡，另外4隻結果都係不變！

3. 結塊

頭先睇表面就全部都溶晒咁啦，但有時啲結塊好蠱惑，肉眼未必睇到㗎！溶唔晒嗰啲奶粉就浪費咗，變相BB咪吸收少咗營養囉～而家我哋將5款奶倒出嚟，睇下有冇「結塊沉杯底」先！

美贊臣A+ NeuroPro智睿、illuma LUXA同雀巢超級能恩都無渣渣，雅培心美力同美素佳兒金裝就比較多啦！建議媽媽可以試下搓耐少少，再測試溶唔溶得晒！

4. 口感及香氣

大家都知Testingmama「品奶」嘅要求好高，又要滑又要有奶香！等我請返5位媽媽出場，睇下你哋嘅口味又如何先！

以口感幼滑嚟講，大部分媽媽都係覺得A（美贊臣A+ NeuroPro智睿）、C（美素佳兒金裝）同D（illuma LUXA）係相對比較滑。
最多媽媽覺得B（雅培心美力）同D（illuma LUXA）係好有奶香。

總結表

試飲完又試沖完啦，即刻睇睇總結表啦！

甜度嚟講呢，Fans盲測就覺得美贊臣A+ 智睿同雀巢超級能恩就最少甜，而illuma LUXA就最甜嘅。
口感方面就係，美贊臣A+ 智睿、美素佳兒金裝同illuma LUXA都比較幼滑，而雅培心美力同illuma LUXA就喺香氣上勝出！
沖奶表現上，美贊臣A+ 智睿同雅培心美力都冇泡泡。
而美贊臣A+ 智睿、illuma LUXA同雀巢超級能恩沖完都冇結塊。
今日測試嘅5款奶粉都冇添加蔗糖。

今次我哋成功結合咗TestingFans盲測試飲加Testingmama招牌測試，希望各位媽媽可以綜合以上測試揀到心水奶粉啦！最後提多句，母乳係阿B最天然嘅食糧！我哋下次見啦！Bye！

購買情報：

美贊臣A+ NeuroPro智睿： http://bit.ly/3WWyXHp
雅培心美力：http://bit.ly/3hCIcwg
美素佳兒金裝：http://bit.ly/3WXjYNG
illuma LUXA：http://bit.ly/3O3vJ0P
雀巢超級能恩：http://bit.ly/3UN5Uo3