【TestingMama Blogger 分享】到底沖奶機有冇用?豬媽幫你分析好壞!

【TestingMama Blogger 分享】到底沖奶機有冇用?豬媽幫你分析好壞!


今日就等我介紹一下沖奶機嘅好處啦!其實作為新手媽媽都好徬徨,因為唔知BB食唔食到同夠唔夠飽,我同寶貝豬爸爸都決定咗好耐先決定買~大家都睇到呢部沖奶機係新型號嚟,簡單同大家介紹一下功能先!

啪一個制佢就會著哂燈,我地可以將佢較到最高溫位置,佢set咗做38.5至90度左右,完全唔駛擔心會唔會辣親BB。

螢幕快照 2019-01-22 下午12.53.17

好多媽媽可能會覺得唔需要沖奶機,試下唔同嘅奶都冇所謂,但在於新手媽媽嚟講,唔想半夜餵夜奶時嘈住屋企人,又要單手抱住佢又要沖奶真係好呢hea!有咗呢部機我就可以單手沖好奶~

盞燈閃下閃下代表佢冇水,佢加到特定水位就會熄咗盞燈。

螢幕快照 2019-01-22 下午12.54.14

每次拉開呢個櫃去放入呢個capsule,而每個capsule都有自己嘅barcode。奶粉真係好客易潮,一個個獨立包裝好衛生,同時帶出街都好方便。部機亦唔會掂到任何奶粉搞到有細菌~

首先將capsule放入呢個櫃筒,跟住就放個奶樽喺呢個位置,可以放唔同高度嘅奶樽。

螢幕快照 2019-01-22 下午12.57.35

螢幕快照 2019-01-22 下午12.59.26

個底係一個軟膠嚟,咁就唔會郁一郁就倒瀉~咁媽媽可能會問:capsule咪只係屋企先可以用?其實佢公司都出咗個opener,專係用嚟放個capsule落去。

螢幕快照 2019-01-22 下午1.00.08

出街嗰時你就可以拎一個capsule,開奶時閂埋呢個蓋,閂埋咗就會拮穿咗個capsule,閂咗落去之後擰兩下,再將個柄反落嚟,反返起之後就好容易可以倒個奶出嚟,我就覺得每次唔駛潷來潷去方便d。

我地簡單講下d奶粉先,呢部機局限只可以用BabyNes嘅配方奶粉,而家寶貝豬2歲半poopoo都去得好好,從來冇因為食奶而有痰。佢月份分得好細,0至1個月、2至3個月、3至4個月等等,唔同月份佢會有唔同分量,例如6至12個月以上全部都係240ml,細嘅月份先有分咁仔細。New Born嘅奶粉相對會平d,因為0至6嘅capsule較細所以價錢亦較低。

配方奶粉方面佢分得好仔細,踏入嗰個月份先轉款新嘅capsule,佢嘅奶粉入面嘅配方係相連,從來未試過寶貝豬唔適應。就算佢飲完人奶再飲呢隻奶粉都唔會有任何敏感症狀出現,或者唔適應同消化不良。我今日嘅介紹係咁多喇~希望幫到大家啦!

e16e16e16e16e16e16

TestingMama Blogger:新手媽媽湊豬記

profile copy從前是一位黃毛丫頭,今天是一位很努力地學習如何當媽媽的新手媽媽!嘗盡喜哀樂,並沒有怒,享受寶貝YODA帶給我的點點滴滴!