鴻福堂、八珍、翠亨邨薑醋券大比拼!

鴻福堂、八珍、翠亨邨薑醋券大比拼!


傳統以嚟,唔少人喺媽咪生B之前都會準備定豬腳薑醋,等佢地生完BB可以補補身,袪風散寒,仲會派俾親友分享喜悅~不過嚟到2017年,唔洗勞師動眾就可以派薑醋喇!為大家隆重介紹:薑醋券!等今日TestingMama幫各位媽咪剖析下呢啲薑醋券,睇下幫唔幫到各位準Daddy同媽咪揀啦!

我哋手上有三個品牌嘅薑醋券。分別係鴻福堂八珍翠亨邨。佢地全部都有提供門市網購嘅服務,聽落幾方便咁喎~

3brands

不過咁,媽咪s最著緊梗係價錢啦,唔轉彎抹角啦,立即睇下佢地邊個最抵先!

如果以2-3人份量去睇,買10張以上禮券嚟計,鴻福堂$52就有600gram薑醋,平均每100gram薑醋需要$8.7;八珍$68有740gram,平均每100gram薑醋需要$9.2;至於翠亨邨就要$118.4,有850gram,平均每100gram薑醋需要$13.9。咁樣嘅話,鴻福堂係三個品牌當中比較抵喎~

HFTpricePCprice CHCprice

TestingMama就好怕嘥嘢嘅,試過有朋友送D印花呀Coupon呀俾我,一睇~點知後日就過期喎~Play Me 咩⋯!所以睇埋啲券嘅有效日期都好重要㗎。鴻福堂啲券有效日期唔少於九個月八珍嘅券就一年期限翠亨邨呢就三個月,計落八珍最穩陣喎~

hftexpire copypcexpirechcexpire copy

咁如果送俾人,邊個最體面呢?鴻福堂就有DIY薑醋禮卡服務。買30張以上就有多種卡面設計可以揀,可以放BB相同名,再印祝福句係上面添。好似幾有誠意,又幾得意咁啵。加分!至於翠亨邨都唔輸蝕,但凡購買1.65千克版本就可以加多$50配埋禮盒㗎喇!都加分!

hftcards copychccard

拎薑醋呢個步驟都好緊要!睇吓邊個最方便~如果去鴻福堂嘅話,可以即日係全線分店換到薑醋或者雞煮酒。想一次過換5包以上,先要提早3日打去門市預約,佢有115間分店可以揀。至於八珍呢,就無論換取幾多包薑醋都要早3-4日致電門市預約,再去4間分店自取嘅,分店地區包括旺角、中環、筲箕灣同油麻地。講埋翠亨邨先,佢都係無論換取幾多包薑醋都要提早一日打過去問,不過佢得尖沙咀、中環同銅鑼灣呢3間分店揀,要住附近先會就腳啲~!衡量返預約時間同地點方面,鴻福堂方便度最高!

hfttake pctake chclocation table4 講咗一大輪,終於拎到呢三包薑醋喇。就咁睇翠亨邨個包裝好似比其餘兩個特別。但樣靚都要有內涵~要睇埋個份量先!三款豬腳薑嘅重量都係唔同嘅,等我數數先!鴻福堂600g入面有兩隻蛋、三舊豬腳;八珍740g都係兩隻蛋,豬腳就有四舊;850g嘅翠亨村就有三粒蛋同四舊豬腳;三款豬腳薑嘅雞蛋同豬腳大小都差唔多,而翠亨村嘅薑就最多~

hftno pcno chcno

順便睇埋啲薑醋嘅成份先~除咗薑、蛋、豬手之外,佢地全部都有加甜醋,而翠亨邨就有加埋黑糯米醋; 鴻福堂除咗加兩款醋之外仲有山楂、肉桂同果皮添~仲無加味精同防腐劑㗎喎!抵讚!

hftingredi pcingredi chcingredi

Testingmama唔悶,都講到自己悶喇。一個人又食唔哂咁多薑醋,不益下啲街坊啦。比街坊試試味先!

question

Q1.邊隻醋味道最好?

vinegar1vinegar2 vinegar3

Q2.豬腳/雞蛋/薑邊隻做得較好?

ginger1 egg1 egg2 pig1

Q3.你最喜愛哪一款薑醋?

fav1 fav2 fav3 fav4 fav5

大家口味都幾唔同喎~

等我Recap下今日嘅薑醋大比試啦~hft7

希望各位準爸爸媽媽、同所有鐘意食薑醋嘅朋友,睇完我地嘅薑醋券test之後,對薑醋券會有更深入嘅了解啦!係呢度祝各位媽媽身體健康,BB精靈可愛~大家有咩想Testingmama大比拼都可以留言話我知!下次見BYEBYE~