【實測】2016夏日兒童驅蚊用品大比拼(Alfresco、Burt’s Bees、尚護健、殺牠死、歐護、3M等)

【實測】2016夏日兒童驅蚊用品大比拼(Alfresco、Burt’s Bees、尚護健、殺牠死、歐護、3M等)


夏天想帶小朋友去公園玩都怕佢地比蚊咬,去郊外玩就更加擔心,市面上有咁多種類兒童驅蚊用品,又蚊怕水又蚊貼又手帶,又DEET又PMD+又野紅茄又香茅咁,真係揀到媽媽頭都大埋e8 今日一於同大家測試下市面上多款驅蚊用品,睇下邊款好d喇!

簡介

I. 驅蚊液

1

II. 驅蚊貼

batch_DSC00069

III. 驅蚊手帶

3

測試報告

a. 功效

GFUYS

i.  驅蚊液

美國疾控中心認可嘅驅蚊成分有4種,其中包括殺牠死、歐護&3M所含嘅DEET 同尚護健所含嘅天然成分PMD+,而AlfrescoBurt’s Bees都係用天然草本精油,雖然有好多媽媽用家推介,但係消委會指出呢類驅蚊劑通常較少研究數據支持。

ii. 驅蚊貼

莫叮叮所用嘅係香茅油,蚊仔所用嘅野紅茄提取物係近年新興的天然驅蚊成分,兩者都係較少研究數據支持。而尚護健嘅天然成分 PMD+係美國疾控中心認可。

b. 安全

香港衛生署網頁標明六個月以下嘅BB唔好使用含DEET嘅驅蚊劑(殺牠死、歐護&3M含有DEET),而兒童都應該盡量使用低過10% DEET嘅驅蚊劑,而今次測試中嘅其他產品都係由天然植物提取,媽媽就會用得比較放心。

b

c. 持久度

i. 驅蚊液

c1

氣味
Alfresco:BB Lotion味
Burt’s Bee:好勁嘅薄荷同檸檬味,而且偏油狀
尚護健:檸檬味
殺牠死&歐護:少少酒精味
3M:好濃酒精味

持久度
測試方法:將6款驅蚊液搽或者噴落張紙到,聞下個氣味同埋擺一個鐘,再聞下邊款最持久
結果:一小時後氣味最強嘅係Burt’s Bee&尚護健、而殺牠死就已經冇味喇

ii. 驅蚊貼

c2

使用方法

尚護健:因為佢用咗專利技術,用之前要刮破入面嘅超微細的粒子,同埋keep住每個鐘刮下佢就會繼續釋放
蚊仔&莫叮叮:直接貼喺衣物到用,因為佢地屬於浸泡式蚊貼,會隨住時間過去而慢慢揮發完,唔會有持續釋放嘅效果

持久度
測試方法:將3款蚊貼貼喺張紙到,3個鐘同6個鐘之後再聞下,睇下邊款最持久
結果:
【最初】最濃嘅就係莫叮叮,其次就到尚護健、蚊仔
【3小時後】最濃嘅係尚護健,最淡嘅依然係蚊仔
【6小時後】最濃嘅係尚護健,最淡嘅依然係蚊仔

d. 驅蚊液清爽度

d

測試方法:將6款驅蚊液分別搽喺手到,再印上發泡膠粒,測試清爽度

結果:Burt’s Bee吸得最多發泡膠粒、其次就係Alfresco同歐護,而其他3款就冇痴到發泡膠粒

e. 蚊貼易甩度

e

測試方法:貼上衣物後瘋狂搓佢睇下會唔會甩

結果:尚護健同莫叮叮都只係會甩少少個邊,而蚊仔就甩得比較多