惠氏金裝、美贊臣Platinum、美素佳兒、雅培心美力—奶粉大比拼!

惠氏金裝、美贊臣Platinum、美素佳兒、雅培心美力—奶粉大比拼!


揀配方奶粉都算係為人父母嘅十大煩惱之一,成日喺電視機入面聽到嗰啲DHA呀、膳食纖維呀、蔗糖呀 ⋯⋯真係聽完都一頭霧水。唔知啲靚太們又識唔識分呢?嗱~今日就等我同大家比較下市面上四款熱門品牌嘅奶粉啦,包括:惠氏金裝、美贊臣Platinum、美素佳兒同埋雅培心美力

MJ_1

比拼一:媽媽齊齊飲

我哋將啲奶分好哂ABCD,用紙杯畀大家試飲,無人知邊隻打邊隻㗎,好公平呢?呵呵事不宜遲,我地宜家就出去搵啲媽子試飲啦! MJ_2

問題:

1.邊隻無咁甜?你會揀邊一款比BB飲呀?

MJ_10 MJ_8 MJ_9
2. 你揀奶粉俾BB會注意啲咩成分

MJ_11

3. 你對於奶粉有咩顧慮

MJ_12

根據媽媽們嘅意見,佢哋煩惱大概係呢啲:

MJ_3

比拼二:開奶

經過一輪熱烈嘅比拼,TestingMama已經身水身汗,真係急不及待返黎做埋第二輪測試俾各位媽子睇!今次嘅題目係「開奶」

嗱,開個200ml嘅熱水,之後計返比例順序倒入四款奶粉,之後再搓三十秒,睇吓佢哋邊隻奶粉溶得好啲先。

MJ_13

MJ_4

MJ_5 MJ_6

似乎美贊臣Platinum美素佳兒無咩泡喎,而且比另外兩隻睇黎好似少啲結塊。惠氏同雅培嘅奶係有啲粒粒㗎,可能要搓耐少少喇。

MJ_17

等我哋再聞俾BB吓味先。聞落呢其實惠氏金裝美贊臣Platinum淡香啲,而街訪嘅時候有媽咪覺得惠氏最有奶味,至於美素佳兒同雅培心美力聞落都比較甜

 

比拼三:成份大比拼

試飲完,又沖過奶粉⋯⋯頭先街訪都發覺啲媽咪對奶粉其實都有好多疑問喎。不如就問下大師級人馬嘅意見啦。等我打個電話俾資深營養師高芷欣先。

(資深營養師高芷欣=芷欣       T=TestingMama)

T:Hello芷欣!

芷欣:Hello!TestingMama!

T:媽咪們有好多關於配方奶粉嘅問題想請教你呀~

【煩惱一】

T:有啲奶粉會加入蔗糖增加甜味,如果吸收太多糖分,對BB有冇影響?

芷欣:如果BB食太多到蔗糖,就有機會致肥同蛀牙;BB太細個食慣濃味奶,可能造成日後偏食問題㗎!

【 煩惱二】

T:咁BB易上火、熱氣,又關咩事?

芷欣:如果奶粉有落蔗糖,就可能會令BB比較燥熱

MJ_7

四隻奶粉入面得惠氏金裝美贊臣Platinum不含蔗糖嘅奶粉,呢個回合,win~

【煩惱三】

T:咁維他命D又有乜用㗎?

芷欣:如果BB少出街曬太陽,可能會吸收唔到足夠維他命D,所以就要留意奶粉入面嘅鈣同維他命D含量夠唔夠。鈣對於小朋友都好重要,因為佢哋嘅牙齒骨骼發展都好需要鈣質;而維他命D就會幫助鈣質吸收

MJ_18

美贊臣Platinum同埋雅培心美力分別係650同624毫克,係鈣含量最多嘅兩隻奶粉。再睇埋維他命D,惠氏金裝美素佳兒就反而佔一席位喇,分別有7.9同8.2微克。

【煩惱四】

T:DHA係咩嚟?對BB有咩幫助㗎?

芷欣DHA對於BB嘅大腦神經系統同埋視覺功能嘅發展都好有幫助㗎。

T:不過,淨係睇DHA含量係唔夠㗎!根據規管,配方奶中必須加入α-亞麻酸,呢種物質可以轉化做DHA㗎。

MJ_20惠氏金裝美贊臣Platinum分別有55毫克同63毫克,相對其餘兩款奶粉有較多嘅DHA含量。

至於α-亞麻酸,美贊臣Platinum就最高含量嘅a-亞麻酸,有成600毫克!

【煩惱五】

T:BB便便唔通暢、太軟或太硬點算?

芷欣:奶粉入面嘅膳食纖維益生菌係可以幫助BB便便順暢。

MJJJJJ呢4隻牌子係由唔同嘅膳食纖維組成嘅,當中惠氏金裝美贊臣Platinum就有較多嘅膳食纖維。

T:咁奶粉入面仲有咩其他成份值得留意呢?

芷欣牛磺酸可幫助腦部細胞促進神經元的擴散和延伸,提高大腦的運作功能;而膽鹼係神經細胞膜必要的成分,對兒童來講,更是幫助大腦及神經系統發育重要的元素。

MJ1000美贊臣Platinum美素佳兒分別係35同37毫克,比其餘兩隻多10毫克左右~

惠氏金裝膽鹼有136毫克,明顯係最高嗰隻喇。

一次過問咗咁多問題。真係唔該晒資深營養師芷欣為我地媽媽解答咗咁多疑慮呀!ByeBye!

芷欣:唔駛客氣!bye-bye!

 

總結

作為精明媽媽,梗要睇埋價錢!四隻牌子奶粉嘅價錢分別係:

MJ_Price

最後等TestingMama為各位媽媽Recap下四款奶粉嘅10個items啦!

MJ_15MJfinalresult

各位精明眼嘅媽咪~睇哂以上嘅比拼,你哋識揀啦~

希望咁多位媽咪睇完我地嘅奶粉大比拼學識點揀最啱你BB嘅奶粉啦!祝各位BB都肥肥白白、便便無阻!下次再幫大家做其他大比拼啦!BYEBYE~