【養胎補身精華大比併】雞精、魚精、花膠精—邊隻最啱你?

【養胎補身精華大比併】雞精、魚精、花膠精—邊隻最啱你?


學奶奶話齋,女人唔補好易老,尤其是陀B同坐月期間!作為專業懶媽就緊係出去買啦,不過市面上愈嚟愈多唔同款式嘅滴雞精、魚精、花膠精呀咁,相信各位媽子都睇到眼花撩亂,唔知有咩分別!今次Testingmama就搵咗8款市面上最熱門嘅補身產品做個全面大比併,睇吓究竟邊款最啱心水先!

今次入圍嘅選手有:

  • 王朝滴雞精
  • 樂道花膠精
  • 御藥堂花膠滴雞精
  • 余仁生滴雞精
  • 少爺滴雞精
  • 魚鱻森虱目魚精
  • 老協珍熬雞精
  • 田原香滴雞精

以上大部分都係用雞嚟做主要成分,而老協珍熬雞精就加入埋豬肉;御藥堂花膠滴雞精就加入咗雞胜肽同花膠;樂道花膠精就有齊雞、魚同花膠;而魚鱻森虱目魚精就只有魚嘅成分。

主要成分

ingre

蛋白質

孕媽媽攝取足夠嘅蛋白質,有助胎兒身體同腦部發育,蛋白質對BB嘅大腦、皮膚、頭髮等等都係不可或缺嘅元素!所以首先我地睇睇最基本嘅蛋白質含量啦~

睇返包裝上嘅成分,大致上每100毫升都有大約7-8克嘅蛋白質,而樂道花膠精就有成15克嘅蛋白質,份量高過其他產品接近一倍,而排第二嘅就係老協珍熬雞精及御藥堂花膠滴雞精,有8.8克蛋白質。

protein

Testingmama抱住求真精神,又點會淨係睇吓個成分表咁簡單~等我用尿蛋白試紙逐一測試下先!尿蛋白試紙可以用嚟檢測液體中蛋白嘅含量,顏色愈深就代表蛋白含量愈高。

paper color

嘩,試紙吸收完各款精華後,顏色都由淺色變深,而其中樂道花膠精嘅顏色係變得最深,證明佢真係蛋白質含量之冠!而御藥堂同老協珍睇落都相對深色。

colordark

胺基酸:「長胎不長肉」成分-脯胺酸、精胺酸

淨係睇蛋白質含量都未夠,最緊要睇埋入面嘅胺基酸!近年來好多媽媽都追求「長胎不長肉」,係二十幾款胺基酸入面,大家要認住脯胺酸同精胺酸~脯胺酸有助膠原蛋白嘅合成,令營養更容易被吸收;而精胺酸就有助胎兒生長!今次8款入面只得御藥堂同樂道花膠精有標示胺基酸嘅含量,等Testingmama比較吓先!

compare

睇返數據,樂道花膠精嘅脯胺酸、精胺酸含量高過御藥堂接近一倍呀!

膠原蛋白

貪靚嘅媽媽一定聽過膠原蛋白,但你知唔知佢可以預防妊娠紋出現、促進身體對鈣質嘅吸收,有助胎兒生長發展㗎!而有顯示膠原蛋白含量嘅又只係得御藥堂同樂道!

compare2

樂道花膠精每100毫升含有10800毫克,又勝出呢一Round!

膠原蛋白實驗

freeze

我地一於嚟個簡單嘅測試Fact Check下,將呢2款產品放入雪櫃雪30分鐘再倒出嚟,愈唔凝固代表膠原蛋白含量愈少;而凝固到變咗啫喱狀咁,就代表膠原蛋白較高!

frozen liquid

結果發現樂道花膠精已經完全凝固,證明膠原蛋白含量好高,而御藥堂都仲係流質~

試食

係人都知呢啲精華營養價值高,但係對口味要求高嘅孕媽媽嚟講,最緊要就係易入口!等Testingmama親身為大家試食吓咁多款嘅精華,睇吓邊款最啱我心水先!

taste

樂道花膠精就最濃郁最香!而少爺滴雞精同田原香滴雞精都幾香幾易入口!唯一要提提嘅就係魚鱻森虱目魚精會有啲魚腥味,平時怕腥味嘅媽子就要留意返啦~

CP值

大肚媽媽樣樣開支都要計過度過!由於每款產品嘅份量同營養價值都唔同,所以我哋會以每$1買到幾多蛋白質作為標準!

price

樂道花膠精嘅蛋白質含量最高,同時單價每包價錢都係較高,不過原來除返開以$1計算嘅話,樂道花膠精就買到最多嘅蛋白質喇,有0.12mL呀~而CP值排第2嘅就係老協珍熬雞精,$1都買到0.11mL蛋白質~而每包入手價嚟講,最平嘅係魚精,睇返以$1買到嘅蛋白質含量係0.09mL ,性價比屬中等啦!不過都提返大家,唔少品牌都會做優惠,睇準時機入手就至醒啦!

Testingmama最後要提提大家,呢類精華可以補身、對抗疲勞,不過孕媽媽喺進補嘅同時都要留意自己嘅身體情況,揀啱先食就最安心啦~Testingmama下次再同大家試吓其他產品喇,祝咁多位媽媽好孕!bye-bye