王朝、 田原香、 晨露、鴻福堂- 滴雞精大比拼

王朝、 田原香、 晨露、鴻福堂- 滴雞精大比拼


呢排好多大肚媽媽都討論緊飲滴雞精補身!滴雞精係指雞隻經過長時間蒸煮之後滴出黎嘅精華,過程中完全唔加水, 咁點解咁受廣大媽媽歡迎呢? 1) 貪佢可以完整保存成隻雞嘅精華 2) 雞入面嘅蛋白質會分解成人體更易吸收嘅小分子蛋白質 3) 大部份都無油無脂肪,補身得嚟又唔怕肥!

咁唔同牌子嘅即食滴雞精又有咩分別呢?今日Testingmama我就同大家比拼一下四款市面上有得買嘅即食原味滴雞精,包括: 王朝田原香晨露鴻福堂

喺測試之前我地就拎曬四隻牌子嘅滴雞精出去俾啲呀媽試飲,睇吓佢地鍾意邊隻同有咩意見~

ABCD copylogo

n3

n1

n2

四隻牌子都各有支持者喎,咁究竟邊隻最好呢?等Testingmama測試過就知!

測試一:成分 

螢幕快照 2017-07-18 下午3.24.05

四個牌子用唔同嘅雞,但都聲稱係冇激素抗生素嘅!唔少媽媽都話飲滴雞精主要係想吸收雞入面嘅蛋白質,特別係哺乳媽媽需要補充更多蛋白質,所以睇蛋白質含量係好重要㗎。 4隻入面蛋白質含量最多嘅係王朝,每100ml入面有7.7g!

世衛建議每日攝取鈉嘅上限係2000毫克,而每100克嘅食物含不超過120毫克鈉就算低鈉,所以四款都算係低鈉。 而鴻福堂係最低,100克入面有60毫克。
因為處理滴雞精嘅時候通常都會特別隔走脂肪,所以今次測試中就有3隻都係冇脂肪,得晨露有0.1克。而四隻都冇落防腐劑,所以都需要冷藏

而四隻原味滴雞精入面只得田原香係有落咗其他
藥材,即係紅棗同枸杞,媽媽們喺揀嘅時候要留意返自己嘅體質適唔適合喇!

測試二:加熱方法

王朝晨露鴻福堂都可以原包隔水加熱2-3分鐘,呢種加熱方法嘅好處就係精華一定唔會蒸發

螢幕快照 2017-07-18 下午4.11.14

螢幕快照 2017-07-18 下午4.17.39

而田原香就一定要倒入個碗度Cum蓋隔水加熱或者用微波爐加熱 1-2 分鐘
螢幕快照 2017-07-18 下午4.19.42
螢幕快照 2017-07-18 下午4.20.06

測試三:保存方法及期限

王朝、晨露、田原香都需要以-18℃冷藏保存,鴻福堂就要冷藏喺1-4℃

保存期方面,鴻福堂由生產到過期只係得21日、 晨露、田原香兩款保存期有6個月、而王朝就有1年點解4款嘅保存期會唔同呢?TestingMama上網查過,可能係同唔同嘅急凍技術有關,只要記得Keep住喺指定嘅溫度就唔使擔心啦!

 

螢幕快照 2017-07-18 下午6.08.21 copy螢幕快照 2017-07-18 下午6.08.21 copy

螢幕快照 2017-07-18 下午6.02.21

測試四:價錢

飲滴雞精要keep住飲一段時間,唔係飲一兩包就見效,小數怕長計,所以各媽媽都幾concern價錢。市面上買滴雞精周不時都會有套餐價、優惠價,不過就唔係成日都有,所以今次會用返正價去比較!有啲一盒5包、有啲一盒10包;有啲一包60ml有啲一包65ml。我地就除返開,睇吓10ml要幾錢!最平嘅係王朝平均$6.4就飲到10ml!

螢幕快照 2017-07-18 下午6.32.05螢幕快照 2017-07-18 下午6.33.13螢幕快照 2017-07-18 下午6.32.37螢幕快照 2017-07-18 下午6.33.22

Testingmama小教室

飲滴雞精係中式嘅保健方法,所以今日TestingMama就諗住Call註冊中醫師呀Ming黎同我地解答一下媽媽們有關滴雞精補身嘅問題!
螢幕快照 2017-07-18 下午6.34.55

螢幕快照 2017-07-18 下午6.34.26

Ming醫師 雞係屬於甘味嘅食物,喺中醫嘅角度黎睇,甘味嘅食物係比較補同溫燥。佢嘅功效主要係針對脾胃去補充番一啲營養嘅。咁對於產前出現孕吐現象或者血氣比較差嘅孕婦,滴雞精可以好短時間補充多啲嘅能量,Keep住個血氣充盛,繼續去滋養BB嘅;產後黎講,無論係順產定係剖腹產,用雞去補身都有助孕婦排惡露或者改善產後氣虛嘅情況嘅。如果係奶水比較少嘅媽咪,亦都可以食多啲雞肉,令脾胃生化多啲氣血出黎去改變奶水少嘅情況嘅。

螢幕快照 2017-07-18 下午6.35.18

Ming醫師市面上有好多唔同嘅滴雞精產品,可以不妨留意一下佢地入面選用嘅一啲中藥成份係咪適合自己嘅體質,如果一啲涉及人蔘呀,紅蔘呀,當歸呢啲比較溫燥大補啲嘅中藥呢,剖腹產嘅孕婦,特別係仲有傷口嘅話呢就要留意喇,唔好喺產後兩個禮拜內食呢啲滴雞精嘅產品。

螢幕快照 2017-07-18 下午6.35.32

Ming醫師呢一類滴雞精產品,佢本身嘅營養已經非常之豐富,亦都可以補充氣血,其實可以當係飯後嘅燉湯,配合一啲清淡有營養嘅飯餸就已經足夠。

螢幕快照 2017-07-18 下午6.35.43

Ming醫師如果朝早或者空肚飲嘅話,雞精嘅成份會容易啲快啲被吸收啦,腸胃冇咁好嘅媽咪可以直接吸收滴雞精入面嘅營養成份去調理嗰個脾胃嘅。咁另外亦都唔好太夜飲,因為滴雞精嘅成份豐富啲啦,溫燥啲啦,咁就怕會影響訓教嘅。

 

產品資訊:

王朝:bit.ly/wongchao

田原香:bit.ly/qchicken

晨露:bit.ly/yuansessence

鴻福堂:bit.ly/HungFookTongchickenessence

L4識得補身體好!希望今次呢個測試幫到大家揀滴雞精啦!下次再同大家測試其他野啦!