【TestingMama Blogger分享】由細用到大枱凳套裝,4大優點逐個睇!

【TestingMama Blogger分享】由細用到大枱凳套裝,4大優點逐個睇!


大家好,我係伍小豆與媽媽。今次想同大家介紹一張我覺得好好用嘅小朋友枱凳,佢就係我身邊呢張枱喇~

螢幕快照 2018-11-27 下午12.06.51

1. 安全性

第一樣野我覺得佢好安全,佢係嚟自日本 Made in Japan。喺呢張枱同凳上面係唔會搵到任何突出嘅角同邊,因為佢嘅設計全部都係圓邊形,所以如果小朋友真係唔小心撼到或者整到時都唔需要太擔心,唔會有太大傷害。

螢幕快照 2018-11-27 下午12.24.55

2. 甲醛量極低

你知日本人做野好嚴謹,呢個產品通過日本嘅測試,佢入面嘅甲醛量極低。

3. 實用

我覺得佢超實用。佢介紹有八種唔同嘅功能,同埋佢喺2012年攞咗一個日本設計大獎。咁小豆用得最多就係呢個形態喇~佢平時早餐同午餐都會係呢度食飯嘅,佢係非常之平滑,如果小朋友畫咗啲鉛筆痕或者整污糟咗都唔需要太過擔心,用濕布抹返已經處理好喇~

平時小朋友食飯會用呢啲吸盤,呢個係可以吸得好實淨、唔會甩。

螢幕快照 2018-11-27 下午1.18.56

有時真係可能多啲小朋友嚟你屋企或者有啲大人想同枱一齊食飯,佢係可以變成一張大啲嘅餐枱,只要將佢一反轉佢就變咗一張好大嘅茶几喇~

螢幕快照 2018-11-27 下午1.19.13

咁就可以坐到4個人。有時小朋友返學開始要做勞作,佢裡面可以俾你擺到好多書本,咁小朋友坐係度就可以做功課,所以呢張枱真係可以用到佢四至五歲。

螢幕快照 2018-11-27 下午1.19.29

4. 儲存量

呢張枱一反轉仲有張小朋友疏化,後面呢度可以照擺書,平時小豆會自己坐係度睇書、睇電視,咁呢張凳就可以俾佢用嚟做小茶几。

螢幕快照 2018-11-27 下午1.19.46

不過其實呢個產品定價有啲高,但係佢又真係好實用,主要講求實際同埋慳位,所以算係貴買平用。今次呢個介紹希望大家鐘意啦~下次再見 bye-bye!