惠氏、Catalo、Enfinitas、GNC孕媽媽藻油DHA大比拼!

惠氏、Catalo、Enfinitas、GNC孕媽媽藻油DHA大比拼!


Hello大家好又係我Testingmama!有生過/準備生BB嘅你一定有聽過DHA喇,但係原來好多準媽媽都對DHA補充品有唔同理解呀。

DHAAAA

不如等我出去問吓D媽子嘅睇法啦~

Q1. 咩係DHA?DHA22 DHA21 DHA20 DHA19

俾個基本資訊大家先~其實DHA係屬於不飽和脂肪酸,Omega-3嘅其中一種,人體係無得自行合成,因此需要從食物中攝取嘅。母乳中含有大量DHA,尤其初乳嘅DHA含量最高,係最適合嬰幼兒攝取DHA嘅來源。飲食型態食魚機率比較高嘅地方,例如日本,媽媽乳汁中DHA含量可以高達22%; 相反美國媽媽就得7%咋~香港媽媽們如果平日攝取得唔夠含DHA嘅食物,就可以選擇DHA補充品喇。等我問吓佢地有無食過先!

Q2. 有無食過補充DHA嘅產品?孕期何時食用? DHA18 DHA17 DHA16 DHA15 DHA14

都幾多人有食喎!

Q3. 藻油 vs 魚油有咩分別 ? 點解揀藻油唔揀魚油?DHA10 DHA9 DHA11 DHA13 DHA12

 

 

 

大家咁多疑問,等我一陣逐一答你哋啦!先睇吓,藻油同魚油都係for DHA,咁其實兩者有咩分別呢? 原來海藻係DHA嘅原生體!深海魚通過食海藻嚟獲取DHA。魚油是從多脂魚脂肪萃取出嘅油脂,而DHA藻油就係直接從海洋藻類中提取出來,未經食物鏈傳遞嘅~會無咁易受海洋污染影響。值得一提嘅係,藻油DHA純度高,穩定性強、不易被氧化;因為孕婦胃口不好,魚油嘅魚腥味可能會刺激到佢地作嘔㗎。 加上市面上有唔少品牌都推出咗藻油DHA~今日就等Testingmama搵齊D藻油DHA嚟Test先~

四款藻油DHA分別係,惠氏媽媽藻油DHA、CATALO 藻油DHA活腦補眼配方、 美贊臣Enfinitas 媽媽藻油DHA同GNC孕媽媽藻油DHA

睇咗佢地DHA含量先啦~聯合國糧食及農業組織就建議,懷孕及授乳期的女性,每天須攝取最少200毫克的DHA!原來咁樣係有助胎兒腦部及視力發展,亦可減低濕疹和雞蛋過敏嘅機會~美國一項研究發現,孕婦攝取DHA,有助孕婦穩定情緒,亦有助降低早產及嬰兒體重不足風險添!世界衛生組織喺1994年公布嘅數據表示,12-24個月嘅幼兒,每日每公斤體重應攝取10至12毫克的DHA㗎。除咗GNC係300MG外,惠氏、Catalo同Enfinitas都係200MG,即係夠準媽媽每日食嘅份量~

睇返頭先啲媽媽嘅反應先!我哋街訪嗰陣同時都問咗佢地對呢幾粒DHA嘅感覺呀 DHA8 DHA7 DHA5 DHa6 DHa4 DHa3

量度過之後,我哋見到呢個回合係Enfinitas WIN!睇黎細粒易吞對媽媽們嚟講真係好重要呀!

至於味道,由於Testingmama暫時都未有BB住,所以淨係含咗一陣同meet開聞吓入面D藻油咩味,慎防「ER」返出嚟陣味會令孕媽媽們作嘔!含喺口嘅時候,我發現惠氏同GNC都有啲草藥味⋯⋯打開聞吓入面D藻油,惠氏呢就有較濃嘅草青味,Catalo就有最濃嘅草藥味,仲有少少腥添呀。GNC含嘅時候無咩味,佢嘅藻油都係有少少草藥味。Enfinitas呢款含嘅時候都係無咩味,藻油除咗草青味之外,仲有D檸檬味,咁孕媽媽就無咁易作嘔啦~

唔講太多啦~叮~除咗DHA含量、易吞度同味道之外,我仲幫大家比較咗佢哋嘅產地、分量同平均價錢,當中GNC平均價錢係最平嘅,大家自己睇吓邊個好啲啦!DHA1

Testingmama解答環節

Q1. DHA係咩?

頭先我地睇過DHA係咩啦~其實DHA係存在於魚類嘅脂肪、油、堅果同雞蛋度嘅~而亞油酸(ALA)只有來自植物,如胡桃、亞麻籽同大豆等等~食咗含亞油酸(ALA)嘅食物之後, 經身體代謝會轉換為DHA ;但轉化率低,都唔係100%可被人體直接吸收㗎。啱啱講咗,佢對孕婦穩定情緒,預防早產;同小孩子腦部同視力發展都有好處㗎!

Q2. 孕婦應該幾時食?

普遍嚟講~準媽媽喺懷孕期間嬰兒已開始累積DHA 於大腦,胎兒從五個月起開展刺激大腦同視網膜神經元嘅發展,就需要大量DHA!所以,準媽媽們可以從懷孕四個月起開始補充DHA等寶寶打好基礎~一直到哺乳期都可以持續食用,通過乳汁餵予寶寶足夠的DHA。不過呢~每位孕婦的懷孕情況都因人而異,食呢啲補充品之前都應該詢問咗醫生意見先啊!

Q3. 點樣幫助DHA吸收?食用過量DHA會點?

因為DHA係以脂肪的形式存在於人體中,食咗落肚之後仲要靠膽汁嘅幫助,等佢地同水結合乳化成乳液,先能夠吸收到~所以,孕婦應該喺食雞蛋、魚、豆腐等食品時服用營養品,咁就確保自己充分吸收DHA喇。提提各位媽媽,攝入過多DHA會造成神經同器官損傷㗎!而服用過量魚油更有機會出現腸胃不適、出血等現象。所以都係嗰句,最好要聽醫生指導先去服用啊!

同大家總結吓啦~揀DHA 產品時仲需要注意啲咩呢?

1)產地同成份 :DHA含量有無超標等等

2)要揀有信譽嘅品牌:最好揀返出名啲同埋耐啲歷史嘅品牌~咁產品嘅生產過程、原材料、點樣提煉DHA先會比較有信心!

3)服食份量

4)最緊要事先詢問醫生的建議

今日就係咁多啦~希望咁多位媽媽睇完片段之後都識得點樣選擇同服用DHA補充品,生個聰明仔啦~bye-bye😙!