Hello！大家好！我係Mary⋯啊唔係，係我！Testingmama！

之前就教大家認識咗牛奶同羊奶嘅分別啦！今日我哋請咗個最清楚羊奶嘅特別嘉賓，就喺阿羊本人啦！比啲掌聲先！

Mama: 係呢阿羊，作為羊，你覺得飲羊奶有咩好處啊？

阿羊：對比隔離屋阿牛啲奶，我地羊奶呢～含有較少嘅αs1-酪蛋白㗎，即係少啲容易令小朋友敏感嘅過敏原。仲有，羊奶脂肪球更小，比牛奶更容易消化吸收。

Mama：原來係咁～

Mama：但係市面上有咁多牌子嘅羊奶粉，唔同牌子嘅又有咩分別呢？等我哋幫大家逐一睇吓！

阿羊、Mama：Let’s Go!

Mama：今次我地搜羅咗3款唔同嘅羊奶粉！分別係Biostime 嬰兒SN-2 PLUS羊奶粉、Karihome 羊奶粉同Oli6羊奶粉！

Mama：首先我地從包裝上面比一比較先～阿羊！派你去睇吓啦！

阿羊：Biostime奶粉加咗個揭蓋嘅設計，量匙仲可以掛起，唔使黐到奶粉，好貼心喎～

阿羊：而Karihome同Oli6都係用傳統膠蓋，冇得掛量匙

Mama：不過正所謂知人口面不知心，啊唔係，係唔好以貌取人！我哋去分析吓佢地啲成分有冇料到先～

阿羊：聽講市面上啲羊奶粉都會加入BB需要嘅營養？

Mama：阿羊你又識嘢喎！無錯！講到呢Part我就係專家啦！

Mama：好似Biostime呢隻奶粉就加咗sn-2棕櫚酸！即係母乳中好重要嘅脂肪結構，加咗之後就更接近母乳～仲可以幫助營養吸收，減少BB屙硬便便！而其他2款就冇加到呢隻成分啦～

Mama：又考吓你啦，有無聽過益生元同益生菌？

阿羊：咦～係咪姐係益（嗶）多，你今日飲咗未？乜BB都要飲㗎咩？！

Mama：估唔到啊呢！好似Biostime同Karihome，都有加入咗益生菌㗎！可以抑制害菌增長，幫助維持腸道微生態！BB消化同吸收就會變得更好啦～

Mama：另外個種叫益生元，同樣都可以促進腸道益菌生長，令BB腸道健康啲！阿羊你睇吓⋯⋯Biostime同Oli6都加入咗益生元㗎！Biostime就加咗GOS低聚半乳糖同FOS低聚果糖，可以調節腸道菌群，增加多啲雙歧桿菌，促進鈣吸收㗎！而Oli6就加咗Oligosaccharides寡醣，可以改善腸消化同運動，仲減少毒素吸收添！

阿羊：我要我嘅腸仔，每日健康啲～

Mama：停！我地要正經啲啊！

阿羊：得得得⋯⋯呃咁成日聽到電視講個啲DHA又係咩嚟㗎？

Mama：唉⋯⋯無你咁好氣！你食啦！等我同大家介紹吓DHA同另一個成日提及嘅AA/ARA啦！佢地對於大腦、神經系統同埋視覺功能嘅發展好有幫助㗎，BB就可以更好咁建構大腦神經及視網膜啦～

Mama：睇返呢幾隻羊奶粉每100ml有幾多DHA同AA/ARA先，Biostime就有5.8mg DHA同6.8mg AA/ARA，係三款入面最多！其次係Karihome，DHA同AA/ARA都係有2.9mg。而Oli6就無添加到以上2個成分

阿羊：哇～腸仔、腦仔、眼仔都Good Good Good！仲有無其他成分要特別注意呢？

Mama：相信媽媽們都會好緊張，羊奶粉會唔會加咗糖？天然羊奶本身都會含有一定糖分，不過提醒各位媽媽一個陰濕位，要記得Check埋成份表有冇添加麥芽糊精同蔗糖啊！

Mama：麥芽糊精其實就好似小分子嘅澱粉咁，經過咗腸道之後會分解成糖類去吸收！而蔗糖呢相信各位醒目媽媽都聽過，食太多會容易造成蛀牙同肥胖問題㗎～

阿羊：我唔要蛀牙啊！我唔要做無牙仔！等我睇吓呢三隻奶粉有冇添加呢啲成分先！

阿羊：咦⋯⋯原來Karihome有添加麥芽糊精喎！但三款都冇添加蔗糖！掂啦～

阿羊：話時話，好多人怕飲羊奶都係因為驚有羊羶味⋯⋯但其實我哋羊奶，唔係隻隻都有羶味㗎！

Mama：係？咁不如等我親身試吓啦！

Mama：嗯⋯Biostime同Karihome飲落同普通奶粉其實差唔多味，冇羊羶味喎！不過Oli6就真係有少少羊羶味嘅⋯⋯

阿羊：其實口味都係因人而異啦！

Mama：無錯～

Mama：講咗咁耐，比返啲基本資料大家先～

Biostime同Oli6都喺嚟自澳洲！Karihome就嚟自紐西蘭嘅～

Mama：對比價錢呢，Karihome就最平！只係$0.37/g咋！

Mama：最後俾返個總結表大家睇先～

Mama：相信各位媽媽睇到呢度，都搵到適合自己BB嘅羊奶粉啦～咁我地就講到呢度先！下次見啦！ByeBye~

阿羊：咩～