Heinz、HiPP、Holle、Gerber嬰兒米糊大比拼!

Heinz、HiPP、Holle、Gerber嬰兒米糊大比拼!


Hello 大家好又係我Testingmama!近日收到啲媽咪inbox問我點揀「米糊」,話唔識揀喎。唉也~BB第一啖米糊好重要㗎,精明媽媽要識揀!皆因由飲奶奶過渡到食固體食物,就取決於呢一啖米糊有無為BB嘅進食習慣同消化系統打好基礎!哼,都係等我幫呢啲新手媽咪惡補下米糊小知識啦!

米糊小百科

螢幕快照 2017-12-29 12.26.22

先嚟了解吓市面上有乜米糊選擇啦~由於時間關係,Testingmama經已周圍搜集市面上啲米糊啦。似乎都唔係咁容易買齊呀~今次最容易買到嘅係HiPP同埋Gerber,而Holle同Heinz都要行多幾間先搵到。

螢幕快照 2017-12-29 12.26.49

咦~當中HiPP同Holle寫住自己係有機認證喎,有機同無機又點呢?原來有機認證即係比咗EU(歐盟有機認證呀USDA(美國農業部)呀呢啲嘅權威機構,證實喺種植方面使用化學性除害劑及肥料先得~無咁多化學嘢同添加劑,而且營養成分高啲㗎~

睇返Heinz同Gerber係無出售有機純米糊嘅~咁所以HiPPHolle就先拔頭籌拎咗粒Bonus星~

螢幕快照 2017-12-29 12.27.27

咁其實呢四隻米糊有咩唔同呢?一眼望落去感覺Gerber個盒蓋包裝幾方便媽媽們保存啵~螢幕快照 2017-12-29 12.28.15

除此之外其餘三款都係用袋裝,不過都影響不大嘅~一次過睇埋分量同開封之後可以擺幾耐啦。Heinz 100g 要喺6個星期內食完;HiPP呢200g可以食3至4星期;Holle 250g 可以食到3個星期;至於Gerber 227g可以食4-5星期。有機嘅果然係天然啲,要趁新鮮食呀

米糊小百科之米糊沖一沖

嗱,米糊要夠易開,先會易入口,幫BB慢慢食好其他食物~~講完一輪啲米糊都係時候真正上陣啦。打開嚟睇下先~Heinz呢包係米糊白色幼粉狀,HiPP 都係一樣喇,啲粉好幼細嘅。咁Holle又點呢?佢係比較粗糙,偏黃嘅。Gerber嘅就都係白色,但啲粉就比較粗。

螢幕快照 2017-12-29 12.31.25

好啦事不宜遲,等我宜家各拎相應份量嘅米糊出嚟之後再加水,對比吓佢地嘅易沖程度,試過佢地咩味道啦!HiPP呢隻最易開,其他都OK~唔知味道又如何呢?螢幕快照 2017-12-29 12.31.46

Heinz、HiPP、Holle都接近無味,有少少米味,而Gerber食落去就少甜有啲奶香味,大人聽落去係咪覺得吸引啲呢~但其實米糊目的係畀BB過渡吓加固期,都要睇返BB口味係點樣先可以成事,又唔可以食太多糖份,所以媽咪要多加留意有無過量啦~

米糊小百科之成份大過天

螢幕快照 2017-12-29 12.32.12

米糊有咩添加成份係會成日見到㗎呢?登登:第一種係維他命B1原來法例要求米糊必須加入維他命B1,因為佢係有助發展神經系統嘅重要元素,仲會幫助碳水化合物同蛋白質嘅新陳代謝啦,神經系統、心臟、肌肉,消化系統正常運作,令BB可以從食物中獲得能量~如果缺乏維他命B會阻礙BB生長㗎。睇下佢地夠唔夠好幫手先!

螢幕快照 2017-12-29 12.32.34

換言之,HiPP係含有最多維他B1嘅米糊~~鼓掌~

仲有另一種常見嘅添加成份係⋯登登:鐵質!4-6個月大嘅BB係需要補充鐵質㗎,鐵質可以等腦部和身體發展健全,幫助身體製造血紅素,將氧份帶至全身,維持免疫系統的運作。但係凡事都要適可而止~6至12個月BB鐵質嘅攝入量最好係每日10毫克,而13歲以下小童每日不應超過40mg(美國醫學研究所食物與營養委員會建議)。如果吸收過量鐵質會影響其他礦物質,例如鋅、鈣嘅吸收,因此媽媽ss要多加留意寶貝嘅飲食比例同份量啦~

螢幕快照 2017-12-29 12.33.00

咦?HiPP同Holle無列明鐵質成份。原來法例無規定要列明鐵質含量! 雖然部份有機米糊唔會額外加鐵質,但大米本身係有鐵質嘅,而米糊一般都會建議用奶嚟沖~奶呢又有鐵質喎,所以米糊並無需額外添加鐵質,大家唔洗擔心,今鋪打和啦!

另外鐵質亦都可以從其他食物中獲得嘅:比如較容易磨爛成蓉的瓜菜(例:南瓜、莧菜、菠菜、番薯)、較熟同軟的水果啦(例:香蕉、啤梨、桃、蘋果、木瓜), 肉、魚、蛋(例:肉、蛋黃、魚、豬或雞肝)。

講完有益嘢,講返啲BB可能要避免嘅成份啦。首先係基因改造成分(GMO)因為無證明表示基因改造食物並係絕對安全嘅,有得揀梗係避免㗎啦,啱唔啱先?咁呢四隻牌子嘅成分又係咪非基因改造呢?

螢幕快照 2017-12-29 12.33.16

另一樣有機會過敏嘅係豆、奶製品!睇返呢得HiPPHolle呢兩隻有機米糊係一定無豆同奶嘅成分嘅~

螢幕快照 2017-12-29 12.33.34

最後一樣要避免嘅就係麩質 Gluten!因為BB有機會對麩質過敏,腸胃可能會引起反應㗎~呢四樣都無麩質呀,Good Good~

螢幕快照 2017-12-29 12.34.08

哎哎~咪住,睇埋價錢先!螢幕快照 2017-12-29 12.34.21

Gerber最抵食喎~

Testingmama小教室: BB加固注意事項

螢幕快照 2017-12-29 12.34.31

依家等Testingmama講解吓BB加固的時間食物選擇做法啦!螢幕快照 2017-12-29 12.34.44

首先係,開始加固嘅時間,最好係由健康院姑娘評估BB嘅活動能力同對進食嘅反應,人奶B 6個月以上、奶粉B 4個月以上就可以啦。

初次加固食物有咩選擇呢?

螢幕快照 2017-12-29 12.34.58多數都係由幼滑稀身的米糊開始,可以用母乳/配方奶粉沖調。有啲牌子推出奶糊,會比較方便;但最好都係選擇BB飲開的奶粉牌子,以防腸胃不適應。

第一次加固應該點做呢?

喺下一餐奶前的30分鐘畀BB食米糊,每日一次,每次一兩茶匙,然後慢慢增加份量。

加固後要注意呀!要密切觀察BB便便!進食米糊之後可以觀察BB便便,軟軟地就正常,如變硬就要喺食完後飲返啲水啦。記得如果BB拒絕進食呢,就唔好強迫BB啦,可停一星期後再試啦~

好,最後等Testingmama幫各位媽咪爹地Recap吓呢11項比較items啦!

未命名螢幕快照 2017-12-29 12.35.43

今堂米糊小百科已經播映完畢啦。希望咁多位騰騰雞唔識揀米糊嘅媽咪ss爹地ss睇完之後會有所得著啦~記住唔好心急啊,一步一步陪BB過渡佢嘅加固期啦,最緊要食得開心又健康!下次再同大家睇下做其他Test啦~BYE~